السلام عليكم ايها الخبراء وحوش الرينو

[kimo1972]

انا ان شاء الله ناوى اشترى ميجان مستعملة الشكل الجديد فى خلال الاسبوعين اللى جايين وكنت محتاج مساعدتكم جدا فى كذا حاجة
1- الفلوس اللى معاى 55 الف واعتقد ده مبدئيا ممكن يجيبلى 2005 او 2006 ............ صح ولا انا غلطان؟
2- لما احب ابحث عن سيارة من المفضل من عالنت ولا فى السوق ولا من معارض؟
3- لما الاقى عربية فى حدود المبلغ اللى معاى ( بعد التفاوض طبعا) اتاكد ازاى انها سليمة
هل فى بنزينة ولا فى مركز خدمة معتمد خاصة الفتيس والكمبيوتر بتاع العربية
برجاء الرد على من مالكى رينو وتوضيح كل شىء لان دى اول عربية لى
افادكم الله وجزاكم عنى خيرا

[kimo1972]

ايه يا جماعة مفيش حد عايز يساعدنى
هو انا طالب حاجة حرام ولا حاجة
17 مشاهدة ومفيش حرف
طب حتى ربنا يوفقك
شكرا

[MohammedAladel]

أفضل شئ التوكيل عشان تريح دماغك خصوصا لو لم يسبق ليك إنك اشتريت مستعمل لكن برضه ميمنعش إنك تشوفها مبدئيا أنا عن نفسى اشتريت 2007 بدون فتحة سقف ماشية 105 ألف كيلو ب 65 ألف وحالتها الحمد لله ممتازة بس عايزة شوية مصاريف برضه

[MohammedAladel]

للعلم أنا أخدتها كدا ع البركة من غير كشف ولا حاجة خالص وكمان اشترتها بالليل صاحبها يعرف والدى و كدا وبابا بيثق فيه بس أنا كنت مضايق جدا ولكن الحمد لله العربية طلعت حلوة لكن إحذر من التهاون فى الكشف عليها والمبلغ اللى معاك أعتقد يجيبلك 2005 أول فئة من غير فتحة سقف بس بصراحة العربية لما تكون حالتها كويسة أيا كان موديلها صاحبها مش هيفرط فى سعرها وابعد عن المعارض عشان عمره ما هيديك عربية بالسعر دا بالحالة اللى فى دماغك لازم يكسب فيك وفى صاحب العربية وأغلب إعلانات النت تجار برضه قلما إن وجد مالك لو مكانك هنزل السوق ومفيش مانع إنى أبص برضه على الإعلانات منا كدا كدا هشوفها قدام عينى وربنا يوفقك عربية تستاهل كل قرش تدفعه فيها

[abdo_2812]

وعليكم السلام ورحمة الله وبركاته

إن شاء الله موفق وربنا يكرمك بحاجة كويسة ومريحة

شوف ياسيدي، أعتقد مش هاتلاقي السعر ده لو فكرت تجيب من التوكيل أو المراكز المعتمدة

لكن على مواقع الانترنت ممكن تلاقي حاجات محترمة يعني تابع كونتاكت كارز مثلا بينزل عليه حاجات كويسة جدا بس برضو فيه نصابين علشان تبقى فاهم

ولازم اللي يتفرج معاك يكون تاجر شاطر أوي وفاهم كويس جدا علشان يكشف على أساسيات العربية كشف مفصل

تاني نقطة لازم يكون فيه اتفاق مبدئي مع البائع إنك هاتكشف في التوكيل كشف كامل ولو ماطل في النقطة دي سيبه فوراً

طبعا موضوع التاجر المحترف وكشف التوكيل هايكون مكلف شوية بس لازم تكون متأكد انك بتشتري نفسك من بلاوي كتير وإن التكلفة دي لا تساوي شيئ في اللي ممكن يحصلك فيك لو لا قدر الله وقعت في ميجان متهانة

تابع على النت ولو تعرف تاجر شاطر وربنا يوفقك لكل خير
وطبعا حتى لو تاجر محترف جدا اللي جابهالك من طرفه مثلا لازم تكون مشترط عليه إنك هاتكشف في التوكيل وتنفذ الاتفاق ده وحذاري حذاري من التهاون في موضوع الكشف على السيارة ده علشان زي ماقلتلك الميجان المتهانة لاقدر الله هاتزعلك زعل وحش أوي وربنا يقدرلك الخير

وطبعا رقم 1 وقبل كل شيئ الاستخارة على العربية قبل ما تاخد قرار الشراء وتدفع مليم


واحنا كلنا هنا معاك على الخط إن شاء الله لو احتاجت أي مساعدة تحت أمرك

[kimo1972]

الف الف شكر للناس الى ردت على
وفى انتظار ما سوف تسفر عنه الايام
سؤال اخير ممكن اكشف فى فرينش موتورز مثلا

[MohammedAladel]

إكشف فى فرنش موتورز أو روح توكيل المقطم بالحجز متهيقلى التكلفة هتكون 500 جنيه والله أعلم

[kimo1972]

إكشف فى فرنش موتورز أو روح توكيل المقطم بالحجز متهيقلى التكلفة هتكون 500 جنيه والله أعلم

الف شكر يا باشا
كنت بفضل برضه فرنش موتورز على اساس انه جنبى بس حضرتك عندك فكرة التكلفة كام هناك

[airfox]

الف شكر يا باشا
كنت بفضل برضه فرنش موتورز على اساس انه جنبى بس حضرتك عندك فكرة التكلفة كام هناك

انا كشفت عند فرنش موتورز اللي في الرحاب من 3 اشهر ب 250 .و كانوا كويسين . بس لما كشفت عندهم عملوا حركه مش لطيفه كسروا الكلابسات بتاعت الكارتيره من تحت و طبعا كان لازم يركبهم و كانوا عشره و قالي الواحد ب 11 جنيه يعني 110 جنيه من الهوا بس هما شكلهم بيفهموا المهم تفضل و اقف معاه و الاحسن لو صاحب العربيه يسيبك براحتك علشان هما هيطلعوا حاجات كتير و باسعار التوكيل غاليه بس كلها استهلاكيه و انا كنت فاهم كده بس صاحب العربيه كان كل ما يسمع ان في حاجه عايزه تتغير كان بيتعفرط .المهم ركز علي الاساسيات و الحاجات اللي محتاجه تغير فوري و كل الاسعار اللي هيقولوك عليها هتلاقيها في المعادي ارخص بكتير سواء استيراد او جديد وبالنسبه للمبلغ اللي معاك فانا اعتقد انه هيجيب موديل 2005 و ممكن 2006 لو لقطه و صاحبها محتاج يبيع علطول و ربنا يوفقك

[kimo1972]

انا كشفت عند فرنش موتورز اللي في الرحاب من 3 اشهر ب 250 .و كانوا كويسين . بس لما كشفت عندهم عملوا حركه مش لطيفه كسروا الكلابسات بتاعت الكارتيره من تحت و طبعا كان لازم يركبهم و كانوا عشره و قالي الواحد ب 11 جنيه يعني 110 جنيه من الهوا بس هما شكلهم بيفهموا المهم تفضل و اقف معاه و الاحسن لو صاحب العربيه يسيبك براحتك علشان هما هيطلعوا حاجات كتير و باسعار التوكيل غاليه بس كلها استهلاكيه و انا كنت فاهم كده بس صاحب العربيه كان كل ما يسمع ان في حاجه عايزه تتغير كان بيتعفرط .المهم ركز علي الاساسيات و الحاجات اللي محتاجه تغير فوري و كل الاسعار اللي هيقولوك عليها هتلاقيها في المعادي ارخص بكتير سواء استيراد او جديد وبالنسبه للمبلغ اللي معاك فانا اعتقد انه هيجيب موديل 2005 و ممكن 2006 لو لقطه و صاحبها محتاج يبيع علطول و ربنا يوفقك

الف الف شكر يا سيدى الفاضل جزاك الله خيرا عنى
سؤال اخير معلش لو جيت كشفت ولقيت حاجات كتير استهلاكيه اعمل ايه اتفاوض عالسعر ولا مش مشكلة

ولو اكتشفوا عيب خطير مينفعش معاه اشترى العربية يا ترى فى الحالة دى مين الىى يشيل حق الكشف
رجاء الرد

[MohammedAladel]

عيب خطير بلاش وغالبا صاحبها لما يقولك بقلب جامد نروح التوكيل بيبقى واثق من عربيته لكن خد فى بالك إن التوكيل ممكن حاجة تكون لسة عليها شوية ويقولك عايزة تتغير ولو الحاجات الاستهلاكية تيل وفرامل وكاوتش ومساعدين راجع السعر اللى عارضه وشوف بعد ما تصرف عليها هيبقى كام سعر العربية وبناء على كدا قارن بقى السعر وكد كدا هتصرف :) أغلب المستعمل بيحتاج شوية مصاريف فى الحاجات الاستهلاكية

[sherif-harb]

ربنا يوفقك ان شاء الله وعلى فكرة العربية النضيفة بتبان من الاول وانطباعك عنها ثانيا اثناء التجربة بيبان اداء السيارة ولو فى مشكلة بتبان وكمان لو فى رسايل على الشاشة بتساعد انك تعرف اية المشاكل الموجودة
وممكن تكشف فى التوكيل افضل بس هو بالحجز بموعد وهيجبلك تاريخ السيارة كلة
برضة متنساس تاخد كود الكاسيت من الراجل اللى هتشترى منة
موفق ان شاء الله

[airfox]

بس هو انت هتتفق معاه من الاول ان لو العربيه طلع فيها حاجه خطيره يعني شاسيه و موتور و قوايم و قاعده يبقي اكيد هو اللي هيشيل الكشف انما لو اي حاجه تانيه زي التيل و الطرمبه و الطنابير مثلا ده ميعيبش العربيه و اكيد لو العربيه داخله علي صيانه يبقي هتبقي محتاجه مصاريف و علي فكره مش كل حاجه هيقوللك عليها في التوكيل انها عايزه تتغير يبقي لازم تتغير .انا قالولي ان في حاجه مش فاكر اسهما بس هي ليها علاقه بازيت و عايزه تتغير و سعرها 800 جنيه روحت المعادي الراجل هناك قالي لا عادي هي ممكن تعد 20 الف كيلو كمان و سعرها الاصلي 500 جنيه .فانت يا باشا احسب و قارن و اتفق مع صاحب العربيه بس هو عمتا اللي بيتفق علي سعر قبل ما يكشف العربيه بيبقي صعب يغيره بعدها مدام العربيه مفيهاش عيب لان الناس مش بعتبر الحاجات الاستهلاكيه تعيب العربيه

[kimo1972]

عيب خطير بلاش وغالبا صاحبها لما يقولك بقلب جامد نروح التوكيل بيبقى واثق من عربيته لكن خد فى بالك إن التوكيل ممكن حاجة تكون لسة عليها شوية ويقولك عايزة تتغير ولو الحاجات الاستهلاكية تيل وفرامل وكاوتش ومساعدين راجع السعر اللى عارضه وشوف بعد ما تصرف عليها هيبقى كام سعر العربية وبناء على كدا قارن بقى السعر وكد كدا هتصرف :) أغلب المستعمل بيحتاج شوية مصاريف فى الحاجات الاستهلاكية

الف شكر يا سيدى الفاضل
جزاك الله خيرا
اسالك الدعاء

[kimo1972]

بس هو انت هتتفق معاه من الاول ان لو العربيه طلع فيها حاجه خطيره يعني شاسيه و موتور و قوايم و قاعده يبقي اكيد هو اللي هيشيل الكشف انما لو اي حاجه تانيه زي التيل و الطرمبه و الطنابير مثلا ده ميعيبش العربيه و اكيد لو العربيه داخله علي صيانه يبقي هتبقي محتاجه مصاريف و علي فكره مش كل حاجه هيقوللك عليها في التوكيل انها عايزه تتغير يبقي لازم تتغير .انا قالولي ان في حاجه مش فاكر اسهما بس هي ليها علاقه بازيت و عايزه تتغير و سعرها 800 جنيه روحت المعادي الراجل هناك قالي لا عادي هي ممكن تعد 20 الف كيلو كمان و سعرها الاصلي 500 جنيه .فانت يا باشا احسب و قارن و اتفق مع صاحب العربيه بس هو عمتا اللي بيتفق علي سعر قبل ما يكشف العربيه بيبقي صعب يغيره بعدها مدام العربيه مفيهاش عيب لان الناس مش بعتبر الحاجات الاستهلاكيه تعيب العربيه

جزاك الله خيرا عنى
سؤال اخير حضرتك بتشكر جدا فى فرع المعادى بس الادارة بتاعت المركز واحدة ومعنى كده ان الاسعار واحدة يعنى اسعر فرع الف مسكن هتكون زى عند حضرتك
صح ولا انا غلطان