اللهم يا جامع الناس يوماً لا ريب فيه أجمعنى على ضالتى

[MohammedAladel]

إمبارح البنزينة اللى جمبنا كان فيها بنزين رحت أفول بسرعة فى ظل الأزمة اللى احنا فيها رجعت ركنت العربية قدام البيت نزلت قفلتها وطلعت برا عند ابن عمى ورجعت بعد المغرب أحط إيدى فى جيبى مفيش الكارت الفيزا والرخصة والبطاقة موجودين لكن الكارت لا دورت فى كل مكان رحته حتى الحمام ! كنت هتجن وجبت الكارت الاحتياطى فتحت العربية يمكن أكون ناسيه فيها خصوصا إن العربية بتقفل نفسها أنا ظابطها على كدا حتى لو من غير كارت المهم ملقتش الكارت بابا زعل وقال لى هات الكارت التانى وراح مشوار هو وواحد صاحبه وكانت المفاجأة بعد ما وصلوا المشوار نزل صاحب بابا من العربية وقال لبابا الكارت دا إيه اللى جابه ع الشنطة ؟؟؟ الكارت كنت ناسيه فوق الشنطة ؟ ومع السرعة بالعربية موقعش !!!!!!!!!!!! سبحان الله موقف عجيب ابن عمى قال لى قول ( اللهم يا مالك الملك يا جامع الناس يوماً لا ريب فيه أجمعنى على ضالتى ) وقال لى كمان متخفش بإذن الله هتنام والكارت معاك وحدث بالفعل بفضل الله سبحانه وتعالى ومستغرب قوى كنت ماسك الكارت فى إيدى اليوم دا وعمال أقول فى سرى لو ضاع الكارت دا أعمل إيه خلى حد لقاه بكدا ممكن يسرق العربية بسهولة ؟ وهو دا السؤال اللى عايز إجابته فى ظرف زى دا الواحد يعمل إيه عشان يلغى عمل الكارت اللى ضاع ؟؟ وفيه حاجة إسمها engine break فى الميجان يعنى إيه ؟؟ كل أكرة باب فى العربية تحتها حتة بلاستيك أعرف إنها حساسات وليها دور معين بس معرفش بتاع إيه ؟؟

[Kareem Fawzy]

الحمدلله
بس ابقى خلى بالك بعد كدة

[wael2sh]

الحمد لله الجت على كده

[Ahmed Selim]

الحمد لله جت سليمة..........خللى الكارت فى جيبك دايماً.

الحتة البلاستيك اللى تحت الأكرة دى.......فيه حاجتين أنا مش عارف أنت قصدك مين فيهم

1- منطفة بلاستيك أسود مربعة أو مستطيلة لوحدها و دى علشان أستقبال الإشارات من الكارت و أنت بتبفتح أو تقفل العربية
2- قطعة بلاستيك فى جنب الأكرة بتتشال و دى علشان لو الكارت مش بيفتح العربية لأى سبب تطلع المفتاح من جنب الكارت و تشيل القطعة دى و تفتح الباب عادى زى أى عربية تانية.

[kar!m]

الحمد لله .. خضيتني يا شيخ.

[windofchange]

الله اكبر ولله الحمد ....احبك ربي

[MohammedAladel]

الحمد لله .. خضيتني يا شيخ.

هههههههههههه مش أكتر منى

[MohammedAladel]

الحمد لله جت سليمة..........خللى الكارت فى جيبك دايماً.

الحتة البلاستيك اللى تحت الأكرة دى.......فيه حاجتين أنا مش عارف أنت قصدك مين فيهم

1- منطفة بلاستيك أسود مربعة أو مستطيلة لوحدها و دى علشان أستقبال الإشارات من الكارت و أنت بتبفتح أو تقفل العربية
2- قطعة بلاستيك فى جنب الأكرة بتتشال و دى علشان لو الكارت مش بيفتح العربية لأى سبب تطلع المفتاح من جنب الكارت و تشيل القطعة دى و تفتح الباب عادى زى أى عربية تانية.

أستاذ أحمد واحشنى و الله آه أنا قصدى على البلاستيك الأسود المربع فعلا وشكرا جزيلا لحضرتك

[Ahmed A Rahman]

تصدق فرحتلك جدا

الف مبروك

[assaf]

الحمد لله و خلي بالك كفايه الخضه