::: أسعار الصيانة و قطع الغيار - رينو كليو :::

[medohai510]

شكراً يا أخ عمرو أنا فاهم أقصدك

يا باشا أنا لسه جايب العربية من حوالي 3 شهور بس، أنا حبيت أعمل تظبيت للعربية في البداية وقطع الغيار اللي ركبتها دي أنا حاولت فعلاً أجيب حاجة كويسة وبسعر كويس وأنا أتفرجت فعلاً علي قطع غيار عند ناس كثير الأول قبل ما أشتري مثل (ميشيل حليم- محمد عاصم- عمران- المهندس) في مصر الجديدة ولكن لقيت نفس قطعة الغيار بأسعار منخفضة عند سان جورج عين شمس.
وأنا فعلاً شفت البلية الفيبي ولكن سان جورج قالي لا متجبش البلية دي خالص، وعلي فكرة والمكانيكي بيركب فلتر الزيت حطلي جوانات من عندة وقلي الجوانات فعلاً لازم تتغير كل مرة تغيير فلتر.
ولكن أنا عندي سؤال أجيب بوجيهات أية ومنين وبحوالي كام؟
مع العلم أن المكانيكي قلي هات Ngk بس أنا بش لاقيها أنا لقيت البوش بــ90 والشامبيون بــ130

[عمرو عمارة]

يا باشا أنا لسه جايب العربية من حوالي 3 شهور بس، أنا حبيت أعمل تظبيت للعربية في البداية وقطع الغيار اللي ركبتها دي أنا حاولت فعلاً أجيب حاجة كويسة وبسعر كويس وأنا أتفرجت فعلاً علي قطع غيار عند ناس كثير الأول قبل ما أشتري مثل (ميشيل حليم- محمد عاصم- عمران- المهندس) في مصر الجديدة ولكن لقيت نفس قطعة الغيار بأسعار منخفضة عند سان جورج عين شمس.
وأنا فعلاً شفت البلية الفيبي ولكن سان جورج قالي لا متجبش البلية دي خالص، وعلي فكرة والمكانيكي بيركب فلتر الزيت حطلي جوانات من عندة وقلي الجوانات فعلاً لازم تتغير كل مرة تغيير فلتر.
ولكن أنا عندي سؤال أجيب بوجيهات أية ومنين وبحوالي كام؟
مع العلم أن المكانيكي قلي هات Ngk بس أنا بش لاقيها أنا لقيت البوش بــ90 والشامبيون بــ130

السلام عليكم

بص يا باشا هات كل حجتك من ميشيل حليم ...محل محترم جدا وشغال فى الرينو بقالو 20 سنة ومعظم الي عنده اصلى ولو مش اصلى هو بيقولك وبيخيرك بين الاتنين وفاهم كويس جدا فى الرينو....كل المحلات الي فى شارع دمشق هواه ودخلوا سوق الرينو قريب وهيقولك الي عنده ده احسن حاجة حتى لو كان مضروب
بالنسبة للبوجيهات...الشامبيون طبعا الاصلى بتعها والبوش مافوش مشكلة بس اتاكد من وجود العلامة المائية

السلام عليكم
عمرو عمارة

[pharonicking]

طب ايه اللى يخلينى اشترى عربية قطع غيارها ناااااااااااا ر بالشكل دة؟؟؟

[Ahmed Selim]

طب ايه اللى يخلينى اشترى عربية قطع غيارها ناااااااااااا ر بالشكل دة؟؟؟

دكتور محمد....أهلاً بيك فى المنتدى
أحب ألفت أنتباه حضرتك أن اللون الأحمر فى الكتابة مخصص للأدارة فقط ولا يسمح للأعضاء بأستخدامه.

موضوع قطع الغيار ده مسألة نسبية....يعنى ممكن اللى غالى بالنسبالى يكون رخيص بالنسبة لحضرتك
و على فكرة قطع الغيار المذكورة أنا عن نفسى شايفها معقولة و خصوصاً لو أخدنا فى الأعتبار أن الأوروبى عموماً أسعار قطع غياره أعلى من اليابانى والكورى....لأعتبارات تانية

[Mostafa Hessen]

شكرا يا باشا

معقولة

[A.samy]

محل ميشيل حليم دة فين فى عين شمس

[soha]

السلام عليكم

كنت عايزة أسأل عن سعر السربنتينة خارج التوكيل و اماكن بيعها ... أنا لقيتها في التوكيل ب 4000 جنيه.

[medohai510]

لو سربنتينة تكييف هتكون موجودة عند محلات التكييف ولو سربنتينة ردياتير هتكون موجودة في محلات الردياتيرات.
في وسط البلد (شارع زكي)محلات كتير للحاجات دي، وإيضاً لحامات لو يصلح يتلحم...والله الموفق

[soha]

هيا سربنتينة يكييف ... بس كنت عايزة أعرف السعر في حدود كام

[kimo]

هيا سربنتينة يكييف ... بس كنت عايزة أعرف السعر في حدود كام

السربنتينة الداخلية بتتلحم وتبقى كويسة جدا ومش مكلف

[akram2010]

اصلى ايه ياعمو .. كله صينى ... وبالذمه دة اسعار تناسب سيارة بحجم كليو؟؟؟؟ حقيقى الهيونداى رحمه من عند الله وال توفرة روح كل بيه لقمه عيشك

السيد العضو.......الرجاء تحرى الدقة عند كتابة لفظ الجلالة
_______________________________
مشرف القسم

[ضيف]

هنا قسم رينو يا الحبيب مش هيونداي
ألطف بينا يا رب

[Sharky]

اصلى ايه ياعمو .. كله صينى ... وبالذمه دة اسعار تناسب سيارة بحجم كليو؟؟؟؟ حقيقى الهيونداى رحمه من عند اله وال توفرة روح كل بيه لقمه عيشك

ياريت توضح يا عمو لنا بالأدلة إزاى قطع الغيار الكليو صينى و إلا تبقى يا عمو بتقول معلومات خاطئة

و بالمرة أنهى موديل فى الهيونداى بالظبط إنت بتقارنه يالكليو ؟
و ياريت تجيب لنا أسعار قطع الغيار بتاعته ؟

سؤال بالمرة هو إنت عايش فين بالظبط مصر و لا السعودية حاليا ؟

[Cell_k]

السلام عليكم

النهاردة و انا ماشى على طريق اسماعلية رايح الشروق كنت على سرعة 90 عربيتى كليو 2002 ميكروباص ربنا يسامحة كان ماشى على 140 تقريبا و بياخد غرزة من جنبى على اليمين ميل عليا و خبط المرايا اليمين كسرها و الغطاء الخلفى وقع فى الطريق ... المريا اتكسرت من القاعدة بتاعتها لكن الزجاج الحمد لله سليم بس الغطاء الخلفى على ما روحت ادور عليه ورا لقيته ستين حتة ... الحمد لله قدر الله ماشاء فعل وربنا يسامحة .

دلوقتى عايز اعرف سعر المرايا اليمين جديدة بكام لو موجودة او لو منها استيراد و هل لو ممكن الاقى الغطاء الخلفى لوحدة استيراد او جديد ؟
و شكرا لكم جميعا .

[Ahmed Selim]

اصلى ايه ياعمو .. كله صينى ... وبالذمه دة اسعار تناسب سيارة بحجم كليو؟؟؟؟ حقيقى الهيونداى رحمه من عند الله وال توفرة روح كل بيه لقمه عيشك

السيد العضو.......الرجاء تحرى الدقة عند كتابة لفظ الجلالة
_______________________________
مشرف القسم

بقول لحضرتك أيه.......ياريت بلاش صيغة التهكم الواضحة فى كلامك لأن ليها ألف أسلوب للرد عليها......و لو حضرتك فعلاً عند معلومات محتاج تقول عليها يبقى يا ريت تتأكد أنت بتقول أيه كويس......لأن مفيش قطع غيار للرينو صينى.......على الأقل فى السوق المصرى......و عموماً الصينى مفرقش كتير عن الكورى.