مساعدين امامي ميجان

[Shiref_mohamed]

مساعدين الميجان الأصليين ماركة kyb وصناعه اسبانيا

[sherif-harb]

ممكن تلاقى kyb هو اصلا يابانى بس ممكن تلاقى اتحاد اوروبى بحوالى 850 جنية ويقال انهم كويسين بس انا مجربتهمش بصراحة انا جربت جبت استيراد استمر معايا 3 شهور وبعد كدة جبت مساعدين غاز وزيت ماركة concord مكتوب انها فرنساوى بس من خلال معرفتى عارف انة مصنع فى تونس وبيكتب concord france ومشهورين فى السوق على انهم فرنساوى بالنسبة لى شغالين الحمد لله كويس من 9 شهور بس النصيحة البطاحة مهمة جدا جدا علشان اللى فى السوق خامة مش كويسة سواء تركى او اسبانى .

[Migo123]

شكرا يا جماعة على المعلومات
سألت على ال KYP الوكيل SMG بتاعه مش بينزل مساعدين الميجان رغم انها موجوده في الكتالوج بتاعهم بس ممكن يجيبهم سبشيال اوردر بس طبعا هتاخد وقت جامد.
الهواري في شارع رمسيس عنده ال Concord فرنساوي 700 جنيه امامي و 650 خلفي
والتوكيل الاصلي تمن الطقم 1600 جنيه بدون التركيب والضريبه
والكوني الطقم كامل امامي وخلفي 4600 جنيه
وصقر قريش موجود استيراد وانت وشطارتك في السعر

[MohammedAladel]

حضرتك تقصد الطقم كامل فى التوكيل ب 1600 ولا الأمامى فقط ؟

[Migo123]

لا السعر للامامي فقط

[abdo_2812]

أنا ياباشا جايب طقم كامل kyb في أول إبريل الماضي وآدائهم فوق الممتاز ماشاء الله

جبتهم من ش دمشق من واحد اسمه محمد عاصم

[Migo123]

محمد عاصم بيقول عنده طقم امامي (أصلي) صناعة اسباني ومحفور عليه رينو تمنه 900 جنيه