بعض الملاحظات فى الرينو لوجان بعد 1400 كيلو

[hesham_tawfiq]

السلام عليكم
بعد اول 1400 كيلو بالرينو لوجان بتاعة العبد الفقيرالى الله انا لاحظت بعض العيوب اللى انا شايف انها بسيطه بس حبيت اعرف فى حد لاحظها من الاخوه ملاك العربيه دى ولا لاوهل استنى لصيانة ال 5000 ولا اوديها دلوقتى.
اول واهم عيب المارش دير مبيجيش بسهوله دايما وبحس انو النقله دى مش مظبوطه .ودايما بسمع صوت زنه خفيفه اوى وانا واقف بالعربيه ومبتروحش غير لما ادوس دبرياج.
اما بالنسبه للتكييف بتاعها فهو مش قوىجدا انما معقول بس لازم تشغله على تانى او تالت درجه ولكن هو بيسحب من الموتور كتير وصوت الموتور بيعلى شويه لما اشغل التكييف وتجميع السرعه بيكون بطيئ شويه بس بمجرد مالعربيه بتجمع سرعتها تانى كلله بيتظبط !!
تالت حاجه السى دى بلاير سعات بيهنج لدرجة انو مبيرضاش يطللع السى دى الا لما اقفله خالص وافتحه تانى.
اى حاجه تانيه غير التلت عيوب دى انا بعتبرها عربيه ممتازه جدا وخصوصا فى استهلاك البنزين( انا بعمل متوسط 7.5 لتر / 100 كيلو) والراحه داخل السياره اللى بعتبرهم اهم واكبر ميزتين فى العربيه دا طبعا غير الشنطه الواسعه وعزل الصوت الرائع وارتفاع العربيه عن الارض ومع ذلك ثبات العربيه هايل ( كنت سايق بيها على طريق العين السخنه الغردقه وجربتها فى المنحنيات ومفيش مشكله خالص)

[Ramy_Tantawi]

عليكم السلام ورحمة الله وبركاته.
الف مبروك يا استاذ هشام وعقبال ان شاء الله ال 140 الف كيلو ان شاء الله بالعربيه وحضرتك في اتم صحه وخير ان شاء الله .

انا بس في المجمل حابب اطمن حضرتك ان اول 5000 كيلو عادة بتكون في حاجات مش مظبوطه في العربيه خصوصاً السحب وصوت الموتور والامور دي كلها بتتظبط اكتر وتستقر تماما بعد صيانه ال 5000 ان شاء الله .

تفصيلاً بقى العيب الاول ممكن حضرتك تزور التوكيل لو مدايقك وهايعملوه ان شاء الله فوراً انا كان عندي المشكله دي اول ما استلمت عربيتي بس قلتلهم عليه في صيانة ال 5000 وظبطوه الحمد لله ولغاية دلوقتي مافيش مشاكل .وممكن يكون صوت الزنه اللي بيروح لما بتدوس دبرياج ليه علاقه بالعضه في الريفيرس واعتقد ان شاء الله هاتختفي لما يظبطوا النقله دي .

التكيف بتاع الرينو عن تجربة سنوات حتى في الكليو والميجان حالياً بنحتاج في اوقات الحر الشديده والشمس نعلي المروحه على اتننين او تلاته لو حد راكب معايا في الخلف ده شيء طبيعي ما تقلقش منه ومش عيب في رأيي الشخصي ومع ذلك برضه لو حاسس تبريده قليل شويه او بيفصل بسرعه قولهم في التوكيل لئن اوقات العربيات بتبقى نازله ناقصه فريون وممكن دفعة حضرتك تكون كده .

صوت الموتور وسحبه مع التكيف كل ده هيختفي ان شاء الله بعد صيانة ال 5000 ان شاء الله عن تجربه والله العربيه بتختلف كتير بعد صيانه اول 5 .

السيدي بلاير بيهنج يعني مش بياخد اوامر او بيقف ولا السيدي حضرتك بتحس انه محشور وبيلاقي صعوبه وهو خارج من الفتحه ؟ عموماً لو العيب الاول اذا انا فاهم صح فا ده التوكيل برضه هو اللي هايحله ان شاء الله اذا كان في مشكله .

مبروك مره اخرى يا استاذ هشام وربنا يجعلها وش الخير على حضرتك ان شاء الله.

[Ramy.Gamal]

انا كنت مأجر ميجان( اختها الكبيرة) وكان cd بيعلق والاسطوانه مش عاوزة تخرج الا لما اخبط على التابلوة .انما اعتقد اللوجان عربيه كويسه جدا فى فئتها

[hesham_tawfiq]

لا السى دى بيشتغل كويس جدا فى الاول انما بعد ربع ساعه من التشغيل الصوت بيقطع جامد ولما بحاول اخرج السى دى احيانا مبيرضاش يخرج الا لما اطفيه خالص واشغله بعد خمس دقايق.
انا فى الاول كنت فاكر انو دا عيب السى دى نفسه مش المشغل بس لما جربت كذا سي دى جديد نفس المشكله بتظهر.
عموما شكرا على ذوقك يا استاذ رامى وانا هستنى صيانة ال 5000 لانو العيوب دى مش مضايقانى خالص فى السواقه بس حبيت استفسر وهو كمان العربيه سحبها واداءها اتحسن كتير بعد اول الف ومازلت حاسس انها بتتحسن.
الف شكر مره تانيه على ردك واتمنى اشوفك دايما بالخير

[mmmmgogommmm]

الزنة دى فى الفيات معناها خشونة رمان بلى الجربوكس

[Ramy_Ali]

الف مبروك وإن شاء الله بداية موفقة جدا مع السيارة
ومتقلقش مش معنى الن السى دى فيه مشكلة ان دا يعيب السيارة

[hobby10]

انا بفكر اشترى اللوجان او الكليو ومحتارة بينهم مش عارفة الكليو اضمن لانها متجربة فعلا ولا اجيب اللوجان وهى برضه كويسة انت شايف ايه فى استخدامك ليها ولو جبتها اجيب النص كماليات ولا الكاملة وبالنسبة للصاج بتاعها والفبر اللى فيها ايه نظامه (انا اتفرجت عليها وعجبتنى بس مش قادرة اقرر ومش عارفة كده الصاج كويس ولا ايه وكمان انا استغربت لانى ملقيتش فيها حاجة بتفتح تانك البنزين والشنطة من جوه!!!)............ ياريت تفيدنى ضرورى لانى لو حجيب الكليو لازم يبقى بسرعة علشان قبل 2009 ما تنزل وتبقى ب 90 الف...

[hesham_tawfiq]

السلام عليكم
انا العربيه مقتنع بيها جدا والحمد لله مريحانى
هى فعلا مفيهاش فتح تنك البنزين من جوه بس الشنطه تتفتح مع السنتر لوك
بالنسبه للصاج والفبر كويس جدا والحمد لله
العربيه مريحه جدا بس هو شكلها اللى مش انسيابى ودى راجعه لحضرتك
اما بالنسبه للكامله او نص كماليات فدى برضه راجعه ليكى انما الفرق الجوهرى بينهم فى الاير باج والفوج لايتس و ازاز الكهربا ورا واسنتر لوك.
عموما نصيحتى ليكى لو رسيتى على اللوجان اصبرى لحد ماتنزل المغربى عشان تستفادى بفرق السعر

[hobby10]

شكرا جدا يأستاذ هشام على اهتمامك..... انت كده طمنتنى الحمد لله وربنا يسهل ححاول اعمل بنصيحتك واستنى شوية بس عندك فكرة ممكن تكون حتنزل لمتى المغربى دى وحتكون بكام يعنى وكمان هتبقى كويسة يعنى علشان موضوع 40% تكملة فى المغرب دى ولا ايه؟؟

.......

فى بس نقطة مش فاهماها لو تقدر توضحهالى ( الشنطه تتفتح مع السنتر لوك ؟؟؟) , وهى مش النص كماليات فيها سنتر لوك كمان برضه ؟؟؟ , الاير باج مهمة تفتكر يعنى والفوج لايت ولا مش فارقة قوى لان اغلب السواقة حتكون بنسبة 80% جوه اسكندرية ؟؟؟؟ ...... متهيقلى الفرق بين الكاملة والنص كمان المرايات الكهربة واعتقد كمان Trip-computer ....
عموما ياريت تشرفنى بردك أكون شاكرة ليك....

شكرا:o

[hesham_tawfiq]

السلام عليكم
فى الحقيقه مش متأكد من موضوع السنتر لوك فى النص كماليات ولا لأ اما بالنسبه لباقى الكماليات حضرتك معاكى حق ى الفروقات دى لكن هى كللها اسمها كماليات يعنى تفرق فى احتياجها من واحد للتانى فأذا كنتى شايفاها مش لازماكى يبقى توكلى على الله وهاتى الفاضيه- ( وفى الحاله دى اللوجان المغربى هتكون مناسبه جدا جدا ليكى ب سمحدش عارف بالظبط هتنزل امتى وان كان المفروض بالكتير على اول السنه الجديده ) -
انا لما خدت قرار الشراء كنت بقارن بينها وبين الافيو ( الافيو فاضيه 72 واللوجان كامله 75 ) وفى نفس الوقت مكنش عندى مشكله فى الفلوس الفرق بين اللوجان الفاضيه والكامله فاشتريت الكامله
فهو الموضوع نسبى من واحد للتانى

[amm70]

ممكن من فضلكم اعرف رايكم في اللوجان الاوتوماتيك الكامله

[hesham_tawfiq]

مفيش اوتوماتيك فى اللوجان
مانيوال بس :-(

[poopoo_966]

مفيش اوتوماتيك فى اللوجان
مانيوال بس :-(

++++++++++1