محتاج مساعدتكم ضرورى و بسرعه

[hic]

انا النهارده كنت راكن فى الشارع و للاسف نزلت طوبه على البربيز الامامى و كسرته خالص و قدر الله و ما شاء فعل و الحمد لله على كل شئ
اتصلت بالتوكيل قال لى ان التكلفه حوالى 3000 جنيه علشان حساسات المطر و تمن البربيز لوحده 2200 جنيه و 450 جنيه مصنعية تركيب .
كنت عاوز اعرف هل ممكن اركبه خارج التوكيل و عند مين فى اسكندريه و التكلفه فى حدود كام العربيه فليونس e-3
و شكرا ليكم

[Mohamed_Nafie]

قدر الله وما شاء فعل ... الحمد الله ..
في عضو هنا ركب الازاز بره لعربيته الفلوينس برده في "دكتور جريش للزجاج" وقال انهم محترفين أوي ...

http://www.nilemotors.net/Nile/275733-a.html

[hic]

طب ده حضرتك فى القاهره بس و لا له فروع تانيه و الف شكر لاهتمامك

[Mohamed_Nafie]

للاسف ... هو ملوش فروع ألا في القاهره والغردقه ... استنى شويه .. أكيد هتلاقي حد يفيدك في في اسكندريه إن شاء الله :)

[Mohamed_Nafie]

طلع ليه فرع في اسكندريه ... أنا اسف

الأسكندرية – فرع :

العنوان : بجوار مدينة آسيد، محلات رجب رقم ١٠، بجانب جرين بلازا، سموحة.
أيام العمل : من الإثنين إلى السبت.
أوقات العمل : ١٠ صباحا حتى ٧ بعد الظهر.
تليفون : (٠٠٢)(٠٣٠)٣٨١٢٣٥١
فاكس : (٠٠٢)(٠٣٠)٣٨١١٤٤١
مدير المكتب : أ / عادل شعبان
بريد الكترونى : adel.shaban@drgreiche.com

[Mohamed_Nafie]

~ تم دمج المشاركتن معا ~

[hic]

الف شكر ليك يا استاذ محمد و جزاك الله كل خير ان شاء الله اروح له يوم الاتنين و ابلغك بالنتيجه

[Mohamed_Nafie]

الاستاذ Hegazio شكر فيهم ... إن شاء الله يكونوا عند حسن ظنك :)

[yalahwy2010]

دكتور جريش فى العاشر
مش هيعدى ال 500 جنيه ان شاء الله
وخد بالك من نوعية الزجاج......انا ركبت واحد قبل كدة فى الميجان.......وكان فيه تمويجة بتزغلل العين وانا سايق......بس كان عند واحد فى الحرفيين
وندمت بعديها انى ما ركبتوش عند جريش.......الصنايعية هناك أساتذة.....ونوع الإزاز نضيف جدا زى الأصلى.....وبيركب الحساس برضه القديم....أدام سليم

[hic]

الف شكر يا بشمهندس فهمى بس ياريت حد يكون جرب فرع اسكندريه و ينقل لينا تجربته فيه

[hic]

انا اتصلت بفرع اسكندريه طلع فرع توزيع جمله المهم هو ودانى لواحد عندنا فى الازاريطه ركبته عنده بس بعد ما ركبته للاسف حساس المطر ما اشتغلش مش عارف ازاى احل المشكله دى و التكلفه الكليه 650 جنيه

[Mohamed_Nafie]

متدردتش ورحله تاني ... قولوا السنسور مش شغال وقولوا يشيك عليه إنه متركب ...

[hic]

انا فعلا رجعت ليه تانى بس للاسف معملش حاجه على العموم الحمد لله على كده و انا ان شاء الله فى صيانة ال 20000 ابقى اشوف التوكيل ح يقول لى ايه