مشكلة سحب في الميجان

[Roufa]

واحد صاحبي عنده ميجان اوتوماتيك 2006 تقريبا و فيها مشكلة في السحب ان العربية تقريبا مش بتمشي و تحس ان الفتيس مش بينقل و ساعات تلاقي الفتيس نقل بس لسه في مشكلة في السحب , رحنا عند واحد واصلها بالكمبيوتر و قاله دي مشكلة في طرمبة البنزين بس هنغير القلب بتاعها بس , و غيرنا القلب لكن لسه المشكله موجوده فقلت اسالكم كده كم سؤال
حد عنده خلفية عن المشكلة دي او حصلت معاه قبل كده
في حد مضمون و كويس اروحله يكشف عليها
لو وديتها التوكيل اعمل كشف بس عشان يقولي العيب فين , ممكن ادفع كام ؟؟

و شكراا

[airfox]

هو انا حصلت معايا مشكله شبه المشكله ديه بس كان في error ظاهر علي الشاشه و طلع دواسه البنزين و غيرتها بحوالي 300 جنيه في صقر قريش و كمان غيرت موبينه . وممكن يبقي في حاجه في الانجكشن عنده عمتا في واحد في صقر قريش اسمه محمد و ده رقمه 01004115560 و في عادل كمان . بس انا اصلا لما ظهر العي و ديتها لعادل بس هو وداها لمحمد ده لانه شكله ماكنش عارف العيب و محمد ده هو اللي عرفه و عمله

[MohammedAladel]

حصل معايا نفس المشكلة والعربية كانت بطيئة فى السحب وعملت موضوع هنا بس أنا كنت مفول بنزين من جركن ووقع منى منديل ورق جوا التانك بس معرفتش العيب لحد الوقت خصوصا إن العربية بعدها بأسبوع تقريبا رجعت تانى زى ما كانت بس دى ممكن تكون مشكلة طرمبة بنزين

[HAITHAM1985]

مش ممكن يكون أحدج الفلترين الهوا أو البنزين أو حتى البوجيهــــــــات ؟؟؟؟

[shawkylotfy]

اسباب كتير ممكن تعمل المشكلة دية وصعب ان حد يشخصلك العيب على النت لان حاجات ياما فى العربية لازم تتجرب

[Rsarabia]

اسباب كتير تعمل كدا و الأغلب بالموصف دا كويل المعروف باسم الموبينة