عجبانى قوى الربنو كليو 1995...بس ايه اخبار قطع غيارها..

[i_Am_Legend]

انا عجبانى قوى العربية بس خايف من قطع غيارها...
ياريت تقولولنا العربية دى مشتركة مع ايه من العربيات...او قطع غيارها واكسسوارتها فين؟؟
العربية شكلها مغررررري بصراحة...وسعرها معقول وشايفها انسب من البرايد والشلريد والاونو كمان...

[i_Am_Legend]

مافيش ولا رد من امبارح!!!!!

[i_Am_Legend]

لسة ماحدش عارف حاجة عن العربية.دى كليو يا جماعة!!!!!!!

[amirsayed]

يا باشا العربيه زى الفل
انت عايز تعرف ايه بالتحديد؟

[amirsayed]

عموما هى حاجتها كلها موجوده جديد او استيراد
اهم حاجه تكشف عليها كويس جدا قبل الشراء

[retanova]

العربيه دى معايا مفيش فيها مشكله غير موضوع السخونيه وطبعا بيأثر عليها فى السحب بس قريب ان شاء الله هحل المشكله دى

[golden_web_2007]

هى عربية كويسة جداً .. ثبات و أداء كويس و سحبها مش بطال ..
لكن عيوبها .. قطع غيار غالية و سعر إعادة بيع منخفض ..
و الدليل على كلامى انها عربية مش بياعة فى السوق المصرى ..
و ده مثال لقطع الغيار طبعاً ..

* الكبلن كامل : 1650 جم (500 جم استيراد - لراس الكبلن فقط)

* تيل فرامل خلفي : 430 جم

* طلمبة البنزين كاملة : 1500 جم

* بلية العجل : امامي 300 جم - خلفي 250 جم للبلية الواحدة (يوجد بلي الماني في حدود 150 جم)

* اسطوانة الدبرياج : 750 جم

* طنابير امامية : 550 جم

طبعاً لما تقارنها حضرتك بالكورى اللى مالى الدنيا و قطع غياره ربع الاسعار دى او اقل .. طبعاً ممكن تسأل و تحكم بنفسك ..

تحياتى ..

[i_Am_Legend]

انا غالبا شيلتها من دماغي...وان شاء الله هاشتري هوندا أكورد.