عايز اعمل عمرة لرينو كليو 2003

[elbaradhy]

السلام عليكم
افيدوني يا جماعة عايز اعمل للعربية عمرة عشان بتطلع دخان ابيض من الشكمان عايز مكان كويس
انا عملتلها عمرة قبل كدة من سنتين في فرنش موتورز كلفتني كتير و كانت مش عجباني

[iaibrahim]

لو انا مكانك كنت افكر فى ماتور استيراد لان العمره لتانى مره مشكوك فى جدواها وطبعا ده راى وبالتوفيق ان شاء الله

[Karim Ibiza]

هات موتور استيراد وريح دماغك ومش هيكلفك زى العمرة وهيعيش معااااااك

[elbaradhy]

طيب لو سمحتوا حد يعرف سعر الموتور الاستيراد تقريبا كام و اجيبه منين

[sammor_28]

اعتقد بيعمل حوالي 3500-4000

تقريبا

والحرفيين مليانه ناس عنها مواتير استيراد

[benmatar]

السلام عليكم
زي ما السادة الزملاء نصحوك بموتور استيراد، ويا سلام لو 1400 جديد يكون كويس جدا، بس اعتقد أن لو عندك 1200 وهتحول 1400 ممكن تغير الضفيرة !! إسأل الأول بس أنصح حضرتك بصفة عامة إنك تشوفه في بورسعيد، الرينو هناك تحفة ومن عند ناس كتير بس كنت اتعاملت مع مجدي راشد، معروف هناك، وبالتوفيق

[elbaradhy]

انا جبت موتور استيراد من بورسعيد و تمام الحمد لله بس في حاجة عايز اسأل عليها
العربية بحس انها مخنوقة و مش بتجري بس الموتور ناعم قوي حد قاللي ممكن يكون بوابة الانجيكشن ايه رأيكم في الكلام ده يا جماعة

[ramy_gamal]

مبروك عليك وانشاء الله تكون حاجه بسيطه... بس كلفك كام ومنين

[egyptiandiver]

هات موتور استيراد

[elbaradhy]

جبت الموتور من بورسعيد ب 3200 و الصوت طلع من علبة الشكمان شكرا يا وحوش علي الاهتمام