تجربتي في اصلاح رداخ بنزين الميجان

[humo]

الحمد لله الناهاردة تمت عملية الاصلاح والنتائج خرافية الحمد لله
اولا الاعراض : العربية مخنوقة وخصوصا مع الكيك داون
ثانيا الحل: وكان اصعب مشوار فيه فك الرداخ وطبعا عشان مفتاح صامولة الرداخ رخمة
عملنا مفتاح عند الخراط على صامولة جديدة
وبعد الفك لقينا الرداخ ضعيف الميكانيكي اقترح نجيب موتور رداخ لوحده ونركبه عشان اكتر الانواع مضروبه في السوق وفعلا مع شوية تنضيف العربية بقت حاجة تانية خالص
التكلفة:
موتور رداخ 85 جنيه
صامولة 115
مصنعية 100 جنيه (طبعا عشان المفتاح بتاع صامولة الرداخ)
حبيت اقلكم تجربتي عشان شايف ناس كتير بتعاني من موضوع تغيير الرداخ

[Karim Ibiza]

مشكور

[hossam_elwani]

انت حضرتك قاصدك طرمبه البنزين

[MohammedAladel]

إيه الرداخ دا ؟

[humo]

ايوة قصدي طرمبة البنزين

[HAITHAM1985]

قصدك إنك صلحت الطرمبة ده شىء كويس جدا بدل تغييرها

بس إيه الصامولة دى اللى بــ 115 جنية

[Ahmed_Ramadan]

قصدك إنك صلحت الطرمبة ده شىء كويس جدا بدل تغييرها

بس إيه الصامولة دى اللى بــ 115 جنية

+11111111111

[Ahmed Selim]

تقريباً على حسب ما فهمت

هو طرمبة البنزين ليها مفتاح معين علشان تتفك...........مش بتلاقيه غير عند حد متخصص رينو

و غالباً صاحب الموضوع راح لواحد معندهوش المفتاح ده و أضطروا يعملوه عمولة ب 115 جم

يعنى لو راح لحد متخصص كان وفر ال 115 جم دول.

بس هو الموتور ده جديد ولا أستيراد ؟

أنا كنت أشتريته من كذا سنة جديد بحوالى 200 جم تقريباً و الراجل أخد فى تغييره 50 أو 75 جم مش فاكر.

على فكرة هو هو نفس موتور طرمبة اللانوس من تصنيع بوش بس فيه منه مضروب.

[ramy_gamal]

تقريباً على حسب ما فهمت

هو طرمبة البنزين ليها مفتاح معين علشان تتفك...........مش بتلاقيه غير عند حد متخصص رينو

و غالباً صاحب الموضوع راح لواحد معندهوش المفتاح ده و أضطروا يعملوه عمولة ب 115 جم

يعنى لو راح لحد متخصص كان وفر ال 115 جم دول.

بس هو الموتور ده جديد ولا أستيراد ؟

أنا كنت أشتريته من كذا سنة جديد بحوالى 200 جم تقريباً و الراجل أخد فى تغييره 50 أو 75 جم مش فاكر.

على فكرة هو هو نفس موتور طرمبة اللانوس من تصنيع بوش بس فيه منه مضروب.

باشا ...........
الصاموله دى اللى بتقفل على الطلمبه وهى غالبا باظت من الميكانيكى وهو بيفكها( اكيد كانت مزرجنه ومفيش حل تانى غير انه يتلفها ) حصلت معايا وجبت النوع دة كانت تقريبا صينى ب 100 جنيه بس من 3 سنين المهم تانى يوم شميت ريحت بنزين فى العربيه شيلت الكنبه لقيتها جايبه بنزين (مش محكمه كويس ) نزلت جبت واحدة استيراد ب 60 جند والحمد لله راحت ريحه البنزين

[humo]

الصامولة فعلا ب 115 بس انا اشتريتها عشان اعمل عليها المفتاح عشان المفتاح دا فعلا مش موجود الا عند ناس معدودة وتقريبا كلهم في صقر قريش وعلى فكرة انا ماستخدمتش الصامولة الجديدة انا ركبت القديمة عشان سليمة
وفعلا الطرمبة بتاع الكوري كله ومع التجربة في الاوبل لقيت حتى الطرمبة اللي ب 400 جنية كانت بتبوظ بعد كام شهر واقتنعت ان كله مضروب فا بقيت بجيب ارخص نوع عشان تقريبا مفيش فرق لحد ما اقدر اجيب واحدة استيراد سليمة فعلا