محتاج مساعده في التكيف وشويه حاجات تانيه للكليو

[dydo_love2006]

السلام عليكم

انا عايز اشحن التكيف في الكليو ومعرفش اي حد انا قاعد في المقطم ياريت لو حد يوصفلي مكان اروحه وكمان ياريت لو يعرف السعر كمان حاجه تانيه انا عامل موضوع تاني عايز اصلح حاجات في العفشه ومحدش عبرني العفشه اهم من التكيف وجزاكم الله خيرا

[Karim Ibiza]

لو كنت فى الاسكندرية كنت عرفت افيدك

[houras1010]

فى واحد فى الهرم ورا فندق الأهرامات الثلاثه شغله كويس

[sammor_28]

بالنسبه للتكييف انا اعرف مركز ديافيا مصر وده في حدائق القبه يعني بعيد عن المقطم
واتعاملت معاه قبل كده وهما شغلم كويس وشحنت التكييف على ما أذكر 220 جنيه

بالنسبه للعفشه:
انا معرفش عندك ايه بايظ

بس عامله انا كنت غيرت بعض القطع ودي اسعارها
بيض مقصات 160 جنيه
بارات خارجي 160 جنيه
بارات داخليه تقريبا 180
وهي كانت صناعه تركي واشتريتهم من عند عطيه الأسكندراني في شارع دمشق

وبالنسبه لأنك في المقطم اعتقد اقربلك صقر قريش في المعادي انا بسمع ان في ناس كتير شغاله في الرينو هناك وفي محلات لقطع الغيار كمان

ياريت أكون افدتك واستنى رأي باقي الأعضاء

[sammor_28]

اه نسيت
فالعفشه برضه في مسمارين الميزان
ودول كنت جبتهم 50 جنيه تركي من عند عطيه الأسكندراني
وقطع الغيار دي كلها اتغيرت مع بعضها وهما بقالهم دلوقتي حوالي سنه والعربيه مشيت تقريبا 25000كم بيهم والحمد لله شغالين كويس