لسة شارى ميجان 2005 و فيها مشاكل عايز حد يرد عليا بسرعةةةةةةةةة

[a_hmed]

لسة شارى ميجان 2005 ستيبترونيك ... كشفت عليها كمبيوتر طلع الماتور و الفتيس و كله تمام بس فيها حساس شكمان و حساس كيلو و زيت الفتيس عايز يتزود
و صاحب العربية قالى فيها فيشة طلمبة البنزين عايزة تتغير

المشاكل بقى لما سوقتها:

1- لما بجيب الفتيس على D او R بسمع صوت زنة و تقريبا بتروح لما بمشى

2- فيه ريحة بنزين خفيفة بتبان و انا فى العربىة

3- الاهم من كل ده : ببص تحت العربية لقيت فى سلك مقطوع او محلول من مكانه ... و العربية بتنزل زيت من تحت ...... و فى نفس الوقت الكمبيوتر بيقولى oil level ok

4- و انا بركن لقيت لمبة ال stop نورت الى تحت العدادات و صوت تنبيه كذا مرة و معاها لمبة الهاند بريك !!




ياريت تجوبونى بسرعة علشان انا قلقان جداااا ومش شرط الى يجاوب يجاوب على كله المهم اى حاجة افهمها عشان انا لسة شاريها النهاردة و محبطططططططط

وشكرا ورمضان كريم :)

[M_samir]

1- عادى
2 عادى
3- لازم تكشف ووهو الزيت باين من المصفحة
4- زيت الفرامل ممكن يكون ناقص او التيل خلصان

[shawkylotfy]

اهدا متخفش العربية مش معقدة بالدرجة الى انت فاهمها
1. حساس الشكمان غيرة عادى عند سمح الهوارى فى 45 او عند حمدى بيرو فى الحرفيين
2. الزنة دية عادى متشغلش بالك
3. بالنسبة لريحة البنزيين من يكون هو كان مغيير قلب الطرمبة بتاعت البنزين قبل كدة وهى موجودة تحت الكنبة الى ورا والى قفل مقفلش الجوان كويس الى حواليين الغطاء
4. خلى الكهربائى عند سامح الهوارى يشوفلك السلك الى مقطوع دة بتاع اية
5. وانت بتركن لمبة الهاند والاستوب نورت علشان الفيش بتاعت الا بى اس الى فى العجل محتاجة بس تتمضف
6. بالنسبة للتسريب تابع مقاس الزيت الى فى الموتور ولو الزيت ناقص زودة لغاية ما تصلح التسريب

[MohammedAladel]

طبيعى إنك لما تنقل على آر أو دى تحس بزنة خفيفة زى كهرباء لكن بتروح على طول

[MohammedAladel]

رسالة oil level ok دى بتقولك ان مستوى الزيت تمام دى هتجيلك فى كل مرة تدور العربية فيها فيه مقياس أدق دوس على الزرار اللى فى دراع المساحات أثناء ظهور الرسالة دى هيجيبلك looooooL كل حرف o بيدل على مقياس الزيت فيه 6 حروف لو موجودين بالكامل معناه ان الزيت عندك مستواه ع الآخر خلى بالك ممكن ينقص حرف أو اتنين أو تلاتة ومستوى الزيت برضه تمام عارف ليه عشان الزيت بيتنقل جوالين البساتم جوا وعلى بال ما ينزل فى الكرتيرة بياخد فترة عشان يتجمع لكن أعتقد لو نزلت أقل من 3 حروف كدا يبقى الزيت فى مستوى الخطر والعربية هتنبهك أو ريح دماغك وانزل شوف مستوى الزيت من العلامة الصفرا بتاعت الزيت اللى أسفل الموتور الطريقة المثلى إنك تدور العربية لدرجة السخونة وبعدين تطفئ المحرك وتسيبها 10 دقايق وتقيس الزيت ترفع المستوى وتمسحه بقماش وتحطه تانى وتطلعه فيه شرطتين فى المستوى لازم تكون أكبر من الشرطة الأولى وأقل من الشرطة الثانية بحاجة بسيطة أو مساوية للشرطة الثانية بالظبط وعلى كدا تتابع مستوى الزيت

[Ahmed Selim]

1- لما بجيب الفتيس على D او R بسمع صوت زنة و تقريبا بتروح لما بمشى

2- فيه ريحة بنزين خفيفة بتبان و انا فى العربىة

3- الاهم من كل ده : ببص تحت العربية لقيت فى سلك مقطوع او محلول من مكانه ... و العربية بتنزل زيت من تحت ...... و فى نفس الوقت الكمبيوتر بيقولى oil level ok

4- و انا بركن لقيت لمبة ال stop نورت الى تحت العدادات و صوت تنبيه كذا مرة و معاها لمبة الهاند بريك !!

زى ما الأخوة قالو

1- عادى
2- شيك على جوان الطرمبة
3- محتاجة كشف
4- يا زيت فرامل عاوز يتزود يا تيل عاوز يتغير يا حساس abs مش راكب صح أو عاوز يتنضف.

بخلاف النقطة رقم 3.......أتطمن معندكش حاجة تقلق إن شاء الله.

[a_hmed]

شكراااا لكل الى حاول يطمنى انا رحت امبارح للميكانيكى ربطلى الكبل الى واقع

و طلع تسريب الزيت من ماسورة الفرامل الى طلعة من الماستر و لحمتها و زودت زيت الفرامل
يعنى مشكلة التسريب و لمبة الفرامل طلعت حاجة واحدة الحمد لله ... النهاردة ان شاء الله هتابع لسة فيه تسريب ولا لأ


و لسه هزود زيت الجير بوكس و هعمل حساس الشكمان و اشوف مشكلة ريحة البنزين الى من الواضح ان فيه اجماع انها جوان





و اكتشفت ان العربية بتنتش جامد يعنى ابقى فى اشارة مثلا اجى ازود بنزيت ال rpm يعلى لكن العربية ثابتة او ماشية حاجة بسيطة و فجأة تنط من مكانها و تمشى عادى

(انا كنت سامع ان من عيوب الميجان و البيجو نتشة الفتيس بس مش عارف هى ديه المقصودة ولا لأ ؟ و بتأثر على حاجة ؟ و ليها علاج ولا لأ)


وشكرا للجميع و شكلى كدة هتعبكو معايا شوية علشان بعد الميكانيكا فيه حبت كماليات :)

[a_hmed]

اهدا متخفش العربية مش معقدة بالدرجة الى انت فاهمها
1. حساس الشكمان غيرة عادى عند سمح الهوارى فى 45 او عند حمدى بيرو فى الحرفيين
2. الزنة دية عادى متشغلش بالك
3. بالنسبة لريحة البنزيين من يكون هو كان مغيير قلب الطرمبة بتاعت البنزين قبل كدة وهى موجودة تحت الكنبة الى ورا والى قفل مقفلش الجوان كويس الى حواليين الغطاء
4. خلى الكهربائى عند سامح الهوارى يشوفلك السلك الى مقطوع دة بتاع اية
5. وانت بتركن لمبة الهاند والاستوب نورت علشان الفيش بتاعت الا بى اس الى فى العجل محتاجة بس تتمضف
6. بالنسبة للتسريب تابع مقاس الزيت الى فى الموتور ولو الزيت ناقص زودة لغاية ما تصلح التسريب

تمام شكرا يا باشا بس كنت عايز اعرف سامح الهوارى ده ميكانيكى ولا كهربائى انا بسمع عنه و عارف انه برنس فى الميجان

[a_hmed]

رسالة oil level ok دى بتقولك ان مستوى الزيت تمام دى هتجيلك فى كل مرة تدور العربية فيها فيه مقياس أدق دوس على الزرار اللى فى دراع المساحات أثناء ظهور الرسالة دى هيجيبلك looooooL كل حرف o بيدل على مقياس الزيت فيه 6 حروف لو موجودين بالكامل معناه ان الزيت عندك مستواه ع الآخر خلى بالك ممكن ينقص حرف أو اتنين أو تلاتة ومستوى الزيت برضه تمام عارف ليه عشان الزيت بيتنقل جوالين البساتم جوا وعلى بال ما ينزل فى الكرتيرة بياخد فترة عشان يتجمع لكن أعتقد لو نزلت أقل من 3 حروف كدا يبقى الزيت فى مستوى الخطر والعربية هتنبهك أو ريح دماغك وانزل شوف مستوى الزيت من العلامة الصفرا بتاعت الزيت اللى أسفل الموتور الطريقة المثلى إنك تدور العربية لدرجة السخونة وبعدين تطفئ المحرك وتسيبها 10 دقايق وتقيس الزيت ترفع المستوى وتمسحه بقماش وتحطه تانى وتطلعه فيه شرطتين فى المستوى لازم تكون أكبر من الشرطة الأولى وأقل من الشرطة الثانية بحاجة بسيطة أو مساوية للشرطة الثانية بالظبط وعلى كدا تتابع مستوى الزيت

انا اعدت اقلب فى الزرار مجبليش LoooooL خالص و مش لاقى مكان مقياس الزيت فى الماتور

[MohammedAladel]

إنت مش هتقلب ولا حاجة دور العربية تمام وبعدين هتجبلك رسالة oil level ok كويس لحد كدا ؟ أول ما تجيبلك الرسالة دى تروح دايس دوسة واحدة على على الزرار اللى فى دراع المساحات زرار كدا مدور فى نهاية دراع المساحات
بالنسبة لمستوى الزيت تفتح الكبوت تبص تحت على طول هتلاقى مؤشر لونه غالبا أصفر هتطلعه بإيدك عادى تشده عليك هيطلع معاه تمسحه بمنديل وتحطه تانى وتطلعه هتشوف مستوى الزيت زى ما قلتلك فوق بس خلى بالك لازم العربية تكون على أرض مستوية

[MohammedAladel]

شكراااا لكل الى حاول يطمنى انا رحت امبارح للميكانيكى ربطلى الكبل الى واقع

و طلع تسريب الزيت من ماسورة الفرامل الى طلعة من الماستر و لحمتها و زودت زيت الفرامل
يعنى مشكلة التسريب و لمبة الفرامل طلعت حاجة واحدة الحمد لله ... النهاردة ان شاء الله هتابع لسة فيه تسريب ولا لأ


و لسه هزود زيت الجير بوكس و هعمل حساس الشكمان و اشوف مشكلة ريحة البنزين الى من الواضح ان فيه اجماع انها جوان





و اكتشفت ان العربية بتنتش جامد يعنى ابقى فى اشارة مثلا اجى ازود بنزيت ال rpm يعلى لكن العربية ثابتة او ماشية حاجة بسيطة و فجأة تنط من مكانها و تمشى عادى

(انا كنت سامع ان من عيوب الميجان و البيجو نتشة الفتيس بس مش عارف هى ديه المقصودة ولا لأ ؟ و بتأثر على حاجة ؟ و ليها علاج ولا لأ)


وشكرا للجميع و شكلى كدة هتعبكو معايا شوية علشان بعد الميكانيكا فيه حبت كماليات :)

لا أسأل براحتك اللى أعرفه هجاوبك عليه إن شاء الله المهم بقى إنت قست إزاى مستوى زيت الفتيس ؟؟؟ نفسى أعرف
أما عن النتشة دى حاجة كانت بتحصل من والعربية بتنقل من الغيار الأول للغيار التانى يعنى بتكون العربية مشت شوية حلوين معتقدش تكون اللى إنت بتقصده بس الآر بى إم يعلى والعربية مش ماشية خالص وهى واخدة غيار دى حاجة غريبة طيب جرب تسايسها كدا يعنى زود بنزين حبة حبة وشوف الأداء لأن حضرتك ممكن تكون بتكبسلها بنزين تنقل فى غير ميعادها وبعدين تسقط الغيار تانى عشان مش ميعاده ودا ممكن يكون اللى بيحصل مع حضرتك والله أعلم

[karezzzma]

و اكتشفت ان العربية بتنتش جامد يعنى ابقى فى اشارة مثلا اجى ازود بنزيت ال rpm يعلى لكن العربية ثابتة او ماشية حاجة بسيطة و فجأة تنط من مكانها و تمشى عادى






عندى نفس الحواار دا بس اما تبقى العربيه مشيت بيها ساعه فى زحمه مثلا

[shawkylotfy]

و اكتشفت ان العربية بتنتش جامد يعنى ابقى فى اشارة مثلا اجى ازود بنزيت ال rpm يعلى لكن العربية ثابتة او ماشية حاجة بسيطة و فجأة تنط من مكانها و تمشى عادى

(انا كنت سامع ان من عيوب الميجان و البيجو نتشة الفتيس بس مش عارف هى ديه المقصودة ولا لأ ؟ و بتأثر على حاجة ؟ و ليها علاج ولا لأ)

وشكرا للجميع و شكلى كدة هتعبكو معايا شوية علشان بعد الميكانيكا فيه حبت كماليات :)

العفو يا مان

تمام شكرا يا باشا بس كنت عايز اعرف سامح الهوارى ده ميكانيكى ولا كهربائى انا بسمع عنه و عارف انه برنس فى الميجان

سامح شغال معاة مهندس محترم جداا اسمة احمد موسى كان شغال فى التوكيل وهما بيشتغلوا فى العربية سواء ميكانيكا او كهرباء لو قابلت احمد موسى قولة انا من طرف محمد بتاع الميجان الفضى ال 2005 .

انا اعدت اقلب فى الزرار مجبليش LoooooL خالص و مش لاقى مكان مقياس الزيت فى الماتور

فى 2005 لما يجيبلك Engine Oil Ok تقوم دايس على الزرار التصفير الى موجود فى العدادات

و اكتشفت ان العربية بتنتش جامد يعنى ابقى فى اشارة مثلا اجى ازود بنزيت ال rpm يعلى لكن العربية ثابتة او ماشية حاجة بسيطة و فجأة تنط من مكانها و تمشى عادى

عندى نفس الحواار دا بس اما تبقى العربيه مشيت بيها ساعه فى زحمه مثلا

عندك شنابر ديل الفتيس محتاجة تتغير روح غيرهم فى التوكيل والتكلفة كلها بالمصنعية بتغيير الزيت بالشنبر مش هتزيد عن 900 جنية

[karezzzma]

عندك شنابر ديل الفتيس محتاجة تتغير روح غيرهم فى التوكيل والتكلفة كلها بالمصنعية بتغيير الزيت بالشنبر مش هتزيد عن 900 جنية





طب دى بتبوظ من ايه يا استاذ شوقى ؟؟
وهوا لازم تتغير فى التوكيل ؟؟ ولا ممكن مركز للرينو زى الى فى الحرفيين كدا ؟؟

[madabob]

Fthjfgfgghghgg