Check Injection + Check gearbox في نفس الوقت

[imust]

[OVERLINE]السلام عليكم.
عندي مشكلة رهيبة في Megane 2005 هي Check Injection + Check gearbox
والعربية فصلت من ساعة العطل و مش راضية تشتغل...
أنا عرف قد تكن بجهات أو كويل.

أياً كان ، ولا واحد من دول يفصل عربية كدة، ولا إيه ؟
أرجو الرد السريع ، العربية عطلانة..

و طبعاً مش محتاج أقول اني مقدرش أحرك العربية! ولا أشوف ميكانيكي فسقر والكلام دة!
شكراً!

[/OVERLINE]

[HAITHAM1985]

إركب البونتو ......... وروح هات ونش وحمل عليه العربية ووديها التوكيل

بــــــــــس

[akmm]

التعليق السابق حل فى غايه الترتيب والبساطه وفعلا صح الصح لانه فى الحالات العضال زى دى لازم التوكيل .... ومتنساش بعد حل المشكله فى التوكيل اكتب لنا اسبابها وكيفيه حلهل بالتقريب فى التوكيل لتعم الفائده وتحياتى .

[shawkylotfy]

كويلات او بوجيهات ومش مستاهلة توكيل

[Abo_Lina]

الكويلات حتى لو واحد باظ هاتخلي العربية تدور
هي ما بتلقطش خالص ؟
و لا بتلقط بس مش بتقوم ؟

[imust]

مغير بوجهات و الكويلات , لأ ، العربية ميتة خالص ، بتجيب كحكحة كدة و متدرش ، كأن بطارية نايمة ...
والبطارية جديدة من 10 أيام.
أنا عن نفسي بفكر فالطرمبة ، مفيش غيرها.

[shawkylotfy]

ممكن طرمبة بنزين

[momo10000]

انت مكانك فين ؟

[imust]

جبت إنهاردة كهربائي و حل المشكلة ، حظي كان موجود قريب من مكان ركنت العربية
المهم ، الرجل راح على علبة الفيوزات وصلاح العيب، بس لسة عندي check gearbox

و-المشكلة الأبدية electronic fault ...

السؤال الأن ، مين أحسن كهربائي متخصص فالميجان ؟؟

[imust]

النهاردة عملتها تاني و عطلت تماماً, فالأول ابتدت ب- Electronic fault.
و بعدين check injection & check gearbox

السؤال مرة تانية، مين أحسن كهربائي متخصص فالميجان ؟؟

[imust]

متابع باهتمام....

[MohammedAladel]

متابع

[WALEEDELGINADY]

قلبى معاك
و متابع بإهتمام

[haisam ali]

electronic fault ...
انا الرساله دى طلعتلى قبل كده مرتين والمرتين كنت انا السبب عشان كنت مغير اللمبه بتاعت الفانوس الخلفى بتاعت الاستوب بس انا كنت مركبهم غلط حتى كانوا قايدين عالى اوى روحت للكهربائى قالى انت عملت ايه حكيتله ورجعهوملى وركبهوم صح راحت الرساله عالطول !!! مقصد الكلام ان والله كتير من الحجات دى بتبقى عاديه بس العربيات دى حساسه اوى اوى وحاول تتعامل مع التوكيل

[Ahmed Selim]

النهاردة عملتها تاني و عطلت تماماً, فالأول ابتدت ب- Electronic fault.
و بعدين check injection & check gearbox

السؤال مرة تانية، مين أحسن كهربائي متخصص فالميجان ؟؟

أسمع عن كذا واحد فى صقر قريش كويسين بس مش فاكر أسماء بالظبط
فيه عادل زوايا بس مش عارف مكيانيكا و لا ميكانيكا وكهرباء كمان.

ال electronic fault ممكن يكون بسبب مكنة الأستوب أو ممكن زى ما هيثم على قال.

الأتنين التانين بيظهروا مع بعض حسب ما فهمت منك......

طيب الفكرة دلوقتى أنت عندك الكويلات و البوجيهات أخبارهم أيه ؟
أصل لو الكويلات فيهم حاجة بايظة.......بفرض واحد أو أتنين هتتطلع رسالة check gearbox
ممكن لو أكتر من 2 البنزين كمان يتأثر و تكتبلك check injection كمان.

لما الموضوع ده بيحصل هل بتحس بضعف ملحوظ فى سحب العربية و تحس كأنها متكتفة ؟

electronic fault ...
انا الرساله دى طلعتلى قبل كده مرتين والمرتين كنت انا السبب عشان كنت مغير اللمبه بتاعت الفانوس الخلفى بتاعت الاستوب بس انا كنت مركبهم غلط حتى كانوا قايدين عالى اوى روحت للكهربائى قالى انت عملت ايه حكيتله ورجعهوملى وركبهوم صح راحت الرساله عالطول !!! مقصد الكلام ان والله كتير من الحجات دى بتبقى عاديه بس العربيات دى حساسه اوى اوى وحاول تتعامل مع التوكيل

هى مش فكرة حساسة.......هى فكرة أنها بتنبهك لحاجة ممكن تعملك مشكلة لو ما أخدتش بالك

يعنى اللمبتين دول ممكن يكون فيهم واحدة بتحمل أكتر من الطبيعى على الضفيرة بتاعتها و بالتالى ممكن تعمل مشكلة فيها.........ده رأيي شخصى بحت لأنى مليش فى الكهرباء بصراحة.