رجالة الداستر 4*4 - هام وعاجل

[bebo2000]

واحد زميلى معاه داستر 4*4 بيقولى ان عربيته فيها مشكلة فى منظومة ال4*4 وبتبان لما بيكون مشغل ال 4WLock ويكسر الدريكسيون على الاخر فى ملف او لو بيركن بيلاقى تخبيط جامد من الكبالن والعجل اللى ورا ما بيلفش عدل
المهم انى جربت الموضوع ده عندي فى شارع واسع وشغلت ال 4*4 وعملت لفة كاملة بالعربية وحصل معايا كدة برضه صوت تخبيط وترزيع من الكبالن والعجل اللى ورا فى اصوات غريبة
ياريت كل اللى معاهم الداستر 4*4 يجربوا الموضوع ده بسرعة علشان انا كلمت ناس في رينو بخصوص الموضوع ده وهايكلموني تاني وعاوز اعرف قبل ما يتصلو الموضوع ده عام ولا عربيات وعربيات ولو مش فى كل العربيات كام عربية من عربيات الرجالة فى المنتدى فيها الموضوع ده علشان اعمل شكوى لينا كلنا

برجاء الاهتمام وسرعة الرد وشكرا

[mokh21]

ممكن تقولي اجربها ازاي وانا اجربها يعني اشغل ال٤*٤ والف بالسيارة من الثبات ولا ازاي ولا كأني بلف بيها ميدان مثلا حوالين نفسي

[bebo2000]

ممكن تقولي اجربها ازاي وانا اجربها يعني اشغل ال٤*٤ والف بالسيارة من الثبات ولا ازاي ولا كأني بلف بيها ميدان مثلا حوالين نفسي

تشغل ال4*4 وبعدين تلف بالعربية حوالين نفسك فى دايرة بس اهم حاجة تكون كاسر العجل على الاخر

[MohssenRashed]

تحس ان العربية بتفرك كن ورا كده؟؟؟؟

اصل الموضوع دة بيحصل معايا في التيريوس و انا مشغل ال 4*4 و خايف اسأل علية عشان مش ناقص مصاريف.

[bebo2000]

بالظبط كدة

[mokh21]

بصراحه انا جربتها لفيت حوالين نفسي في دايرة كنت سامع صوت الكفرات كأني بعمل امريكاني بس مقدرش ااقول ده عادي ولا مش عادي انا عندي فورد اكسبلورر في السعودية بس عمري ما جربت ال٤*٤ بتاعتها عايز تحكم صح جرب نفس الحركة على عربية تانيه وبما ان أخونا محسن جربها على التريوس وعملت بردوا اصوات غريبة يبقي ده العادي يمكن مش مفروض نشغل ال٤*٤ على الأسفلت هو اساسا للطرق الغير ممهده للرمل للصحراء هذا على ما اعتقد ان كان اعتقادي سليم وربنا يوفق الجميع

[ateeby]

same in my duster

[MohssenRashed]

يعني الحمد لله ده كدة طبيعي؟

فعلا انا لما بشغل ال 4*4 على رملة او ارض مش متسفلتة بتعمل كده بس مش اوي زي الاسفلت

[ateeby]

خللي بالكو من حاجة - لو انت في منطقة غرز - صعب جدا انك تلف الكوتش للآخر لان ببساطة السيارة مش هتاخد راحتها

[atefadel]

ممكن اعرف استهلاك العربية للبنزين
يعني كام في الصفيحة
وهل قطع الغيار متوفرة خارج التوكيل
وشكرااااااااااا

[walidadel81]

اولا طبيعي جدااا ان حضرتك لما تشغل الدفع الرباعي تكون بطريق مستقيم بدون ملفات لان بالوقت ده الاربع عجلات بيلفو بنفس الوقت وبنفس السرعه غير كده راح تسمع اصوات غيربيبه لان الطبيعي بالاوقات العاديه عاجله واحده بتكون اللي بتلف بالعربيه والباقي تابع ليها سواء بالجر الامامي او الخلفي ملحوظه لو عجلتين لوفو مع بعض بالجر الامامي ممكن الفتيس يتكسر ولو بالجر الخلفي الكارونه تتكسر بستثناء قارونه توحيد الاكسات اللي بتكون في بعض السيارات

[stonecoldmido5]

اولا طبيعي جدااا ان حضرتك لما تشغل الدفع الرباعي تكون بطريق مستقيم بدون ملفات لان بالوقت ده الاربع عجلات بيلفو بنفس الوقت وبنفس السرعه غير كده راح تسمع اصوات غيربيبه لان الطبيعي بالاوقات العاديه عاجله واحده بتكون اللي بتلف بالعربيه والباقي تابع ليها سواء بالجر الامامي او الخلفي ملحوظه لو عجلتين لوفو مع بعض بالجر الامامي ممكن الفتيس يتكسر ولو بالجر الخلفي الكارونه تتكسر بستثناء قارونه توحيد الاكسات اللي بتكون في بعض السيارات

الله ينور علي حضرتك , و مفيش قلق الحكاية دي طبيعية و في معظم عربيات الدفع الرباعي

[Land_Cruiser]

الموضوع ده طبيعى يا باشا ما تقلقش كل الدفع الرباعى كده . تشغيل وضعيه ال 4WD بيبقى فى حاله المشى فى طرق غير ممهده و رمل لمنع الغرز او الطلوع من الرمل مثلا و حتى العجل بيبقى المفروض متهوى كمان و اول ما تطلع من الرمل او الغرز بترجع العربيه لوضع الدفع الثنائى تانى و هى مصممه كده بطريقه منطقيه على اساس ان العربيه و هى طالعه من غرز الدركسيون بيبقى عدل و الا مش هتقدر تطلع و كمان صعب قوى ان واحد يطلع من غرز و يركن بعد كده جنبها على وضعيه ال 4WD و خللى بالك ان لو حضرتك خليت العربيه على وضع ال auto و مشيت على نفس الطريق هتلاقي العربيه شغاله دفع ثنائى و ده لأن الطريق مش مستاهل فلو حضرتك مش متأكد من الوضعيه احسن حاجه خليها على ال Auto و هى هتعمل الصح لوحدها متقلقش :)

[ateeby]

بعد الردود الكافية و الوافية و شهادة الشهود - الداستر طلعت بريئة :))))))

[MohssenRashed]

و التيريوس كمان بريئة :))