ما هى المواصفات الفنية لكاسيت اللوجان؟

[asa]

السلام عليكم و رحمة الله...
حجزت اللوجان و الحمد لله بعد طول تردد و تفكير.

أرجو الأفادة , هل يدعم كاسيت CD اللوجان ملفات mp3& wma?

[hesham_tawfiq]

هو بيدعم ال mp3 انما مجربتش ملفات wma خالص

[semihuman]

why did u choose logan?
did u recommend it?please tell us
thanks

[amr123]

يا استاذ هشام هل حضرتك متأكد انه بيدعم mp3
على حسب كلام الناس الي في معارض التوكيل و كمان اعلانات الجرايد انه راديو و CD بس

ارجو انك تتأكد و تقولنا دي بردو ميزة مهمة في الكاسيت

و على فكرة انا سألت في التوكيل اذا كان ممكن الواحد يشتري العربية بدون كاسيت و يخصمو تمنه او ياخد كاسيت احسن و يزودو الفرق ...قالو لا دي بتنزل كده ستنادرد من بلدها

و شكراااااااااا

[hesham_tawfiq]

انا كل ملفات الموسيقى والاغانى عندى mp3 بس لازم احرقها على اسطوانة اوديو بالنيرو وبتشتغل عادى جدا

[Ramy_Tantawi]

السلام عليكم .

انا مش عارف للأمانه الكاسيت في اللوجان اوديو ولا ام بي ثري بس هاكتب توضيح وان شاء الله نفهم مع بعض هو يدعم ام بي ثري ولا لأ وغالباً على فكره 90 % لو بيدعم mp3 هايكون بيدعم wma عموماً خلينا في التوضيح الأول.

اي ملفات عندنا دلوقتي على الكمبيوتر مش هاتبعد عن امتداد mp3 او wma الفكره هي احنا لما بنحرق الاسطوانه بالنيرو بنعملها ازاي ؟ في اختيارين واستـأذن استاذ هشام يساعدني في الجزء ده ويقوللي هو بيختار ايه من الاختيارين دول ؟
1- احتيار audio cd :- الاختيار ده بيكون مدخلاته امتدادات مختلفه mp3 او اي امتداد تاني لكن المخرجات بتكون امتداد تاني ولذلك في العمليه دي بيحصل تحويل للملفات قبل الحرق مباشرة بالنيرو وهو نفسه البرنامج اللي بيعمل لكن هنلاحظ حاجتين الاول ان المؤشر اللي تحت بيعد بالدقائق مش بالميجا بايت وده معناه ان دي audio cd مش mp3 .وحاجه تانيه لتمييز السيدي ده اوديو ولا لأ هو عدد الاغاني لو السيدي audio مش هايشيل اكتر من 20 اغنيه على الاكتر يعني متوسط 4 دقائق كل اغنيه / 80 دقيقه يبقى تقريباً 20 اغنيه مش اكتر.

2-اختيار jubox cd الاختيار ده بنعمل فيه mp3 cd مش اوديو المره دي وهنا بيكون اسهل كتير من الاوديو لئن الموضوع بيكون مجرد نقل الاغاني على السيدي وحرقها وطبعاً اهم اختلاف يميز اوديو عن mp3 هو ان ال mp3 بالمساحه مش بالدقائق وبالتالي سيدي 700 ميجا ومتوسط الاغنيه قول 5 ميجا مئلاً يعني بنتكلم في 100-150 اغنيه في السيدي الواحد.

وأخيراُ بعد الرغي ده كله يبقى لنا تجربة اخونا الفاضل استاذ هشام هل السيدي اللي حضرتك بتعمله بالنيرو من ابو 20 اغنيه فا اقل ولا 100 اغنيه فاكثر!

[asa]

الأخ الكريم,
الأسباب التى وجهتنى لاختيار اللوجان هى:
1- توكيل رينو من الوكيلات الجيدة من حيث خدمة العملاء و التنظيم و الوقت برغم انه غالى الثمن و لكن يعلم الله لقد رأيت المر من أحد التوكيلات و بعت السيارة القديمة بسببه.
2- السيارة حاصلة على 3 نجوم فى اختبار السلامة الأوربى.
3- قرأت الكثير عنها فى مواقع عديدة مثل carsurvey.com و الكل أجمع على اعتمادية اللوجان و كفائتها.
4- السيارة سعرها جيد مقارنة بمثيلاتها , واسعة جدا , عالية عن الأرض 15.5 سم , مصممة خصيصا للدول ذات الطرق السيئة و الوقود السيئ.

هذه بعض الأسباب الت دعتنى الى اختيار اللوجان و لا أريد الأطالة عليك أرجو منك الأتصال لأى سؤال أو أستفسار.

[hesham_tawfiq]

السى دى اللى عملته فعلا ماشالش اكتر من 15 اغنيه !!!
وكان بيعد الاغانى بالدقايق مش بالمساحه فدا فعلا اوديو سى دى.
الف شكر على المعلومه بس انا اول مره الاحظ ان الامتداد بيتغير بعد مابيتنقل على السى دى.
هنزل الصبح اجيب السى دىهات من العربيه واشوف امتدادها ايه وفى نفس الوقت هعمل سى دى تانى بالطريقه التانيه jubox cd وهشوفه هيتقرى ولا لا فى العربيه

[amr123]

الله ينور يا ستاذ رامي

زي ما استاذ رامي شرح حضرتك لما بتعمل بالنيرو استوانات audio كده حضرتك حولت من صبغة mp3 الى صيغة ال audio وهي دي الصيغة الي بيعرفها الكاسيت الي في العربية

عموما جرب حضرتك الطريقة التانية و قلنا

[amr123]

انا ادعم الاستاذ asa في كل ما قاله و لنفس الاسباب انا نويت اشتريها إن شاء الله

مشكلة العربية في راي حاجتين
1- انك تتقبل شكلها الخارجي و الداخلي (ودي عندي مش مشكلة)
2- سعر اعادة البيع للرينو عموما مش كويس لكنه بدأ في التحسن

و شكراااااااا

[hesham_tawfiq]

على فكره انا مكنتش حابب شكلها برضه لما قررت اشتريها لكن لما استلمتها وعينى اتعودت عليها حبيتها جدا دا غير انها فى منتهى الوسع والراحه من جوه

[amr123]

يا استاذ هشام
ربنا يباركلك فيها ...
بس يا ريت تقولنا حضرتك دلوقتي عامل كام كيلو ؟؟...و ايه الاخبار معاك دلوقتي و بالذات البنزين
سوال بس اخير

قعدة الكرسي بتاع السواق مريحة بالذات لواحد مليان شوية و طويل زي
صحيح ؟ هو حضرتك ساكن في 6 اكتوبر ؟

اسف على الاطالة