مطلوب ميجان 2005-2006 و شوية حاجات كدة

[h_e_e]

انا قررت ابيع الفيرنا و اجيب مكانها رينو ميجان 2005 او 2006 علي حسب السعر بي حاجة اقل من 60 او 60 بالظبط.
المهم انا قررت انزل و اشوف بقي فالسوق و من علي كونتاكت كارز بعد كجة مفروض اعمل اية؟ اوديها اكشف عليها فيين و فلوس الكشف دي علي المشتري صح؟
تكاليف الكشف بتبقي كام و فيين الاماكن الي ممكن اكشف فيها؟
ااخد بالي من حاجة معينة و انا بشتيري؟ انا لازم اجيب حاجة تحت ال 100 الف كيلو كدة كدة

[MohammedAladel]

عينى عليكى يا ميجان للدرجة دى ؟ حضرتك هتبيع فيرنا وتجيب الميجان ههههههههه
المهم أول حاجة بالنسبة للعربية تكون حالتها حلوة
تكشف فى التوكيل فى المقطم أو مركز معتمد زى الميكانيكيون العرب أو فرنش موتورز
تكلفة الكشف فى التوكيل 500 جنيه تزيد أوتنقص والله أعلم
العداد مش مهم تكون ماشية كام أهم حاجة حالتها

[Abo_Lina]

60 ألف تجيب ميجان ده حقيقي
بس اعمل حسابك في 10 - 15 ألف عشان تبقى ميجان بجد
دي نصيحة أخوية عشان ما تجبهاش و تقول يا ريت اللي جرى ما كان
العربية دي ما تتركبش بحالة نص نص و الا هاتزعلك

[Ahmed Selim]

أضيف على كلام الأخوة ان الكشف في التوكيل ب ٥٥٠
و في المراكز المعتمدة ب ٢٥٠

و متجيبش حالة نص نص علشان متزعلش

[dilmia]

معايا ميجان 2005 للبيع
فل ابشن مع فتحة سقف
راسلني على الخاص

[h_e_e]

dilmia عالخاص
طيب اكشف في التوكيل ولا المراكز المعتمدة. الفرق ضعف السعر تقريبا

[MohammedAladel]

أستاذ أحمد عبد المقصود قال إن الكشف فى التوكيل بيبين كل كبيرة وصغيرة فى العربية وبيدقق قوى والحاجة اللى حالتها 60 أو 70 فى المية يقولك عايزة تتغير

[MohammedAladel]

للعلم أنا اشتريت عربيتى من غير ما أفتح كبوتها والحمد لله صاحبها ربنا يديه الصحة راجل أمين

[h_e_e]

نفسي في حد كدة والله بس انا شوفت كميت ناس نفساها تغش كتيير الي يقولك فابريكة و تطلع مرشوشا و كان شكلها مقلوبةز ربنا يسترها بقي