انضممت لعائلة الميجان و اشتريت ميجان 1

[a_aboelseoud]

اخيرا و بعد عناء انضممت لعائلة ميجان و اشتريت ميجان 1 و الفضل فى اتخاذ قرارى بالشراء يرجع طبعا لملاك رينو ميجان هنا فى المنتدى اللى عن طريقهم قدرت اعرف حاجات كتيره عنها و اميز الصح و الغلط فى اللى انا كنت باسمعه عن الميجان.
و بصراحة حاسس انى مش هندم و هاكون مبسوط جدا بيها و لو قررت اغير اكيد عشان تكون اوتوماتيك و هتكون ميجان برده و لو فيه فلوس هتكون ميجان 2 ان شاء الله.
شكرا للزملاء اللى ساهموا بكتاباتهم فى انى انضم ليكو هنا

[S O P H O S]

الف مبروك يا باشا
وربنا يباركلك فيها ..

[MohammedAladel]

ألف مبروك اشترتها بكام ؟

[a_aboelseoud]

الف مبروك يا باشا
وربنا يباركلك فيها ..

يا باشا الله يبارك فيك و يكرمك

[a_aboelseoud]

ألف مبروك اشترتها بكام ؟

الله يبارك فيك
هى عاملة 35 الف بس اللى عرفته من صاحبها انه مش ده سعرها الحقيقى عشان هو مستعجل جدا على بيعها و الله اعلم ده غير ان اسعارها فى كونتاكت كارز متفاوتة جدا عشان كده برده مش قادر احكم اذا كان ده سعر كويس و لا لاء.
مع العلم بان سيارتى مانيوال و كل الكماليات تعمل بكفاءة بس هى محتاجة تغيير الزجاج الامامى عشان فيه شرخين طوال و فيه شوية خرابيش فى الصاج و ماعدا ذلك كله تمام
فلو تقدر انت تقولى اذا كان كده سعرها كويس او كتير يكون لك الشكر

[MohammedAladel]

أنا شايف إن سعرها كويس جدا جدا ربنا يباركلك فيها لو الزجاج الأمامى الأصلى شوف لو ينفع يتعمل أعمله

[bedooracle]

مبروووك و ربنا يديك خيرها و يكفيك شرها

[a_aboelseoud]

الله يبارك فيك
هى عاملة 35 الف بس اللى عرفته من صاحبها انه مش ده سعرها الحقيقى عشان هو مستعجل جدا على بيعها و الله اعلم ده غير ان اسعارها فى كونتاكت كارز متفاوتة جدا عشان كده برده مش قادر احكم اذا كان ده سعر كويس و لا لاء.
مع العلم بان سيارتى مانيوال و كل الكماليات تعمل بكفاءة بس هى محتاجة تغيير الزجاج الامامى عشان فيه شرخين طوال و فيه شوية خرابيش فى الصاج و ماعدا ذلك كله تمام
فلو تقدر انت تقولى اذا كان كده سعرها كويس او كتير يكون لك الشكر

أنا شايف إن سعرها كويس جدا جدا ربنا يباركلك فيها لو الزجاج الأمامى الأصلى شوف لو ينفع يتعمل أعمله

هو فعلا الزجاج الاصلى بس المشكلة ان الشرخين واخدين الزجاج بالعرض و فيه كمان شروخ رفيعة خارجة من الشرخين .
انا اتمنى طبعا انى اعالجهم فلو تكرمت و تعرف حد اروح له يمكن يكون فيه امل و شاكر ليك اهتمامك مقدما .
معلش فيه سؤال تانى بالنسبة لكاسيت العربية لانه موديل قديم و شرايط , هل فيه نوع ممكن يركب عندى و ينفع اشغل معاه المالتى فنكشن و شاشة التابلوه ؟؟
انا متابع الموضوع ده فى الميجان 2 بس للاسف مش عارف اذا كان فيه حاجة كده نزلت للميجان 1 و لا لاء ؟

[a_aboelseoud]

مبروووك و ربنا يديك خيرها و يكفيك شرها

الله يبارك فيك يا باشا و يكفينا و يكفيك الشر يارب

[ahmed_oth]

لو هى عربيه نظيفه ومفهاش مشاكل يبقى انت كده خدها ببلاش !!!
عربيتك تعمل من 39 الى 45 مانوال
والاوتو من 44 الى 48
ربنا يكفيك شرها

[a_aboelseoud]

لو هى عربيه نظيفه ومفهاش مشاكل يبقى انت كده خدها ببلاش !!!
عربيتك تعمل من 39 الى 45 مانوال
والاوتو من 44 الى 48
ربنا يكفيك شرها

الحمدلله العربية مفيهاش مشاكل بس عايزة شوية تظبيط يعنى محتاج اغير ديسك و اسطوانة و طبعا الزجاج الامامى و بره فيش شوية خرابيش بس بصراحة هى عربية هايلة
و شاكر ليك مرورك الكريم و ربنا يوعدنا بالاوتوماتيك منها ان شاء الله

[ahmed_oth]

انا هعرض عربيتى للبيع
موديل 2001 اتو ماتيك فيها بس شويه خرابيش وهى فابريكا بالكامل
لو عايزها انا تحت امرك

[ashrafabdrabo]

لو عايز تبيع انا تحت امرك و عندى اتوماتيك كتيير

[shesho]

انا عايز رينو ميجان 1

انا من اعضاء نايل موتورز من 3 سنوات بس كنت عضو فى النوبيرا وحسبى الله ونعم الوكيل فى النوبيرا المهم بد مشوار كفاح 3 سنوات مع النوبيرا الحمد لله بيعتها

كنت بفاضل بين كريستالة 99 اتوماتيك لكن مالقيتش حاجات كويسة فيها المهم ناس رشحولى رينو ميجان 1 الاتوماتيك ياريت من فضلكم لو حد عندة فكرة عنها مميزاتها وعيوبها وقطع غيارها ولو حد عندة حاجة للبيع يقول وانا جاهز بس تكون حالتها كويسة وتكون اتوماتيك

[a_aboelseoud]

انا من اعضاء نايل موتورز من 3 سنوات بس كنت عضو فى النوبيرا وحسبى الله ونعم الوكيل فى النوبيرا المهم بد مشوار كفاح 3 سنوات مع النوبيرا الحمد لله بيعتها

كنت بفاضل بين كريستالة 99 اتوماتيك لكن مالقيتش حاجات كويسة فيها المهم ناس رشحولى رينو ميجان 1 الاتوماتيك ياريت من فضلكم لو حد عندة فكرة عنها مميزاتها وعيوبها وقطع غيارها ولو حد عندة حاجة للبيع يقول وانا جاهز بس تكون حالتها كويسة وتكون اتوماتيك

بصراحة قرارى انى اشترى ميجان وان يرجع لاعضاء المنتدى هنا
- العربية بصراحة معايا كويسة جدا و مميزاتها شأنها شأن الفرنساوى عربية صالون واسعة شيك و طبعا امان و حمالة اسيه و سعرها مناسب جدا بالنسبة لامكانياتها.
-عيوبها : مينفعش نقول عليها عيوب زى مثلا قطع غيارها غالية شوية بس طبعا بتحطها فى العربية تنساها
- الكاسيت الاصلى بتاعها لو غيرته و جبت كاسيت عادى مش هتعرف تشغل شاشة الداتا فى التابلوه و برده زراير الكاسيت فى الدركسيون
- التكييف ضعيف شوية عن الكورى بس برده كويس
- المرايات الجانبية بتاعتها مش بتكشف الطريق اوى بس يمكن عشان انا لسه مش متعود عليها
- اخر حاجة لازم تكشف عليها كويس و اوعى تشترى عربية متهانه منها عشان هتطلع عينك و لو حالتها نص نص ابعد عنها حتى لو رخيصة .
و طالما هتشترى ميجان وان اوتو لازم تخلى بالك من حاجتين : الفتيس و السنتر عشان الفتيس بتاعها بيشيع بسرعة (بيبدأ يتعب بعد ال100 الف كيلو )