ساعدوني في عليه البيئه..اعمل ايه؟

[sammor_28]

السلام عليكم ياشباب

انا في صوت رنه من تحت العربيه ظهر من اسبوع ولما رحت لبتاع شكمانات قاللي انها علبه البيئه

وقاللي انو هيفكها ويفتحها ويشيل اللي جواها وهو عندو علبه بتاعت شيفروليه هيفتحها برضه ويحط اللي في عليه الشيفروليه في عربيتي وهتبقى تمام

ياترى ايه رأيكم في الكلام ده؟ ولو مش صح اعمل ايه ؟

انا كنت شفت ناس بتشيل الفحم اللي جواها وتركب جواها ماسوره مخرمه

ساعدوني مش عارف اعمل ايه .... وخصوصا ان استهلاك البنزين بقى عالي والعربيه بحس انها بتطلع سخونيه جامده قوي وسحبها قل شويه

[khalid_adel]

واضح ان فيها خرم او الشكمان عموما فيه خرم
وبتاع الشكمانات ده يامبيفهمش يابيعمل عليك شغل مفيش حاجه اسمها افتح علبه واحط مكانها علبه
روح لواحد تاني تلحم الشكمان ولو الفحم هو اللي عامل الزنه شيله وخلاص بس مينفعش يتحط مكانه دي بتتغير كلها بواحده جديده

[karezzzma]

متابع

[sammor_28]

هو المشكله فعلا في الفحم
هروح لواحد تاني وأشوف هيقولي ايه
ومستني رأي باقي الأعضاء

[Abo_Lina]

أعتقد ده قلب علبة الشكمان
ده مسؤول عن ادخال الهوا في مداخل معينة قبل خروخ هواء العادم من الشكمان
القلب عندك غالبا سقط جوا العلبة
روح لواحد كويس يلحمها ... هايقطع في العلبة من تحت و يلحم الجزء الساقط و بعدين يقفل العلبة بلحام

[sammor_28]

انا روحت لواحد معرفه

المهم فك العلبه وقبل مايفكها قاللي ان الفحم اللي جواها متكسر وفعلا قطع في العلبه وفتحها طلع منها الفحم مكسر وكمان مسدود

المهم هو شال الفحم خالص وجاب ماسوره وخرمها وحطها جوه العلبه ولحمها فيها وحط معاها حاجه زي قطن كده تقريبا هو قاللي على اسمه بس نسيته وركب العلبه ولحمها في مكانها

والنتيجه :

بسم الله ماشاء الله العربيه فاقت وسحبها اتحسن بنسبه 20 % تقريبا
طبعا صوت الرنه انتهى تماما
طبعا كنت متوقع ان رائحه العادم هتكون فظيعه المهم دخلت العربيه الجراج (مكان مغلق) وسبت العربيه دايره ومشغل التكييف
لقيت هي هي رائحه العادم اللي كان بيخرج من العربيه داخل الجراج قبل ما علبه البيئه تبوظ

انا قلت انقلكم التجربه لعم الفائده

صحيح الموضوع اتكلف 150 جنيه

[Abo_Lina]

ممتاز جدا و مبروك حل المشكلة

[ramy_gamal]

انا روحت لواحد معرفه

المهم فك العلبه وقبل مايفكها قاللي ان الفحم اللي جواها متكسر وفعلا قطع في العلبه وفتحها طلع منها الفحم مكسر وكمان مسدود

المهم هو شال الفحم خالص وجاب ماسوره وخرمها وحطها جوه العلبه ولحمها فيها وحط معاها حاجه زي قطن كده تقريبا هو قاللي على اسمه بس نسيته وركب العلبه ولحمها في مكانها

والنتيجه :

بسم الله ماشاء الله العربيه فاقت وسحبها اتحسن بنسبه 20 % تقريبا
طبعا صوت الرنه انتهى تماما
طبعا كنت متوقع ان رائحه العادم هتكون فظيعه المهم دخلت العربيه الجراج (مكان مغلق) وسبت العربيه دايره ومشغل التكييف
لقيت هي هي رائحه العادم اللي كان بيخرج من العربيه داخل الجراج قبل ما علبه البيئه تبوظ

انا قلت انقلكم التجربه لعم الفائده

صحيح الموضوع اتكلف 150 جنيه

اعتقد هيكون فى فرق فى استهلاك البنزين

[Ahmed Selim]

موضوع الريحة ده معتقدش أنه هيتغير خلاص.

هو هدف علبة البيئة تقليل نسبة التلوث اللى بيطلع مع العادم........و ده عن طريق الكربون.

الكربون إتشال يبقى التلوث هيكون أكتر........و هو ده اللى بتشمه.

هو عموماً الحلول للموضوع ده 3 حلول
1- اللى هو عمله
2- تغيير العلبة بعلبة تانية مستعملة
3- تغيير العلبة بواحدة جديدة........و دى هتكون فى التوكيل بس و هتتكلف مبلغ و قدره.

[sammor_28]

موضوع الريحة ده معتقدش أنه هيتغير خلاص.

هو هدف علبة البيئة تقليل نسبة التلوث اللى بيطلع مع العادم........و ده عن طريق الكربون.

الكربون إتشال يبقى التلوث هيكون أكتر........و هو ده اللى بتشمه.

هو عموماً الحلول للموضوع ده 3 حلول
1- اللى هو عمله
2- تغيير العلبة بعلبة تانية مستعملة
3- تغيير العلبة بواحدة جديدة........و دى هتكون فى التوكيل بس و هتتكلف مبلغ و قدره.

[ahmedfouad]

انا عندى نفس المشكلة فى الكليو .....يا ريت تقولى عملتها فين ...العنوان
يا ريت ترد عليا بسرعة علشان الحق اعملها قبل العيد ههههههه

[sammor_28]

ممتاز جدا و مبروك حل المشكلة

الله يبارك فيك

[sammor_28]

اعتقد هيكون فى فرق فى استهلاك البنزين

والله انا مش قادر اقيمه قوي لحد دلوقتي

يعني في مره العربيه عملت في 20 لتر 260 كم

ومره ثانيه 230 كم

طبعا كله داخل البلد وفي زحمه جامده جدا والتكييف شغال حتى لما بنتظر حد بقف بالعربيه ويكون شغال

بس عامه في تحسن في الأستهلاك لأن الأول 20 لتر كانو بيمشوا تقريبا 210-220 كم داخل البلد وبالتكييف

[sammor_28]

انا عندى نفس المشكلة فى الكليو .....يا ريت تقولى عملتها فين ...العنوان
يا ريت ترد عليا بسرعة علشان الحق اعملها قبل العيد ههههههه

والله ياباشا انا للأسف ساكن في القليوبيه في مدينه الخانكه وعملتها هناك

مش عارف ظروف المشوار بالنسبالك ايه؟

وعامه في ناس كتير في الحرفيين بتعملها وانا تحت امرك في اي حاجه

[ahmedfouad]

والله ياباشا انا للأسف ساكن في القليوبيه في مدينه الخانكه وعملتها هناك

مش عارف ظروف المشوار بالنسبالك ايه؟

وعامه في ناس كتير في الحرفيين بتعملها وانا تحت امرك في اي حاجه

ربنا يبارك فيك انا كنت فاكرها فى القاهرة