تغيير الكاوتش للفلوينس

[Ahmed Selim]

السلام عليكم
طيب لما الكاوتش يزيد ارتفاعه عن الأرض إزاى بيأثر على قراءة عداد السيارة أنا قرأت قبل كدا إن قراءة العداد بتبقى مصحوبة بالفتيس ممكن حضرتك توضحلى إيه نظام عداد السرعة فى السيارة وليه بيتأثر بارتفاع الكاوتش ؟

مش عارف هعرف أشرح كويس النقطة دى ولا لأ............بس خلينى أحاول

دلوقتى أنت لو جبت كاوتش مقاس 13 مثلاً و كاوتش مقاس 17 و عاوز تمشيهم متر بالظبط

الكاوتش ال 13 هيقطع المتر فى كام لفة و الكاوتش ال 17 هيقطعه فى كام لفة ؟

يا ريت تكون الفكرة وصلت لأنى مليش في الشرح قوى :)

[egyptiandiver]

ألف مبروك

[tarek7elmy]

بعد إذنك أنا كان معايا كروز نفس المقاس بتاعك 205/60/16 وهي عامله دلوأتي 50000 كم وكنت ناوي على turanza gr-90 بس حضرتك شجعتني اني اعرض لان الفكرة كانت بتلعب في راسي من زمان بس كنت خايف ان ده يأثر على العفشه ولا حاجه.
هل حسيت بفرق لما عرضت:
- استهلاك البنزين هل زاد بحكم زيادة الاحتكاك بالارض.
- السحبه اخبارها ايه
- اداء الفرامل

وممكن تؤلي انت اشتريت المقاس ده منين
وكل عام وانت بخير

استهلاك البنزين (زيادة طفيفة)
- السحبه حسب انت جايب كوتش رياضى و لا عادى (الرياضى السحبة تبقى احسن)
اداء الفرامل اصبح اكتر من ممتاز
الثبات على السرعات العالية جيد جدا و خاصة فى المنحنيات

اشتريت المقاس ده من بريدجستون - ش مراد الجيزة
وكان فى مدينة نصر 2 فردة بس انا كنت عايز اربع فرد

[amrelserw]

طارق باشا
انا عندى سؤال مهم انت غيرت الكاوتش على كام كيلو ميتر ....انا عربيتى عاملة 46000 كيلو متر

[tarek7elmy]

طارق باشا
انا عندى سؤال مهم انت غيرت الكاوتش على كام كيلو ميتر ....انا عربيتى عاملة 46000 كيلو متر

كانو عامليين 65 الف
بس الكاوتش ممكن يتغيير قبل كده بكتيير حسب حالته وحسب النوع والموديل
شوف ال specs