اماكن بيع قطع غيار رينو واماكن ورش للاصلاح

[old4art]

السلام عليكم ورحمة الله وبركاته
طيب مش شايف حد قال معلومه جديده ؟؟؟
هل معنى كده ان مفيش حد راح لميكانيكى حتى الان !!!!!!!!!!!!!!!!!!!!!!!!
انا ان شاء الله رايح لمعتز خلال الاسبوع ده واحتمال كبير يوم الثلاثاء ان شاء الله لو فى حد حابب يروح يبقا نظبط ميعاد نتقابل فيه ونروح سوا ان شاء الله

[ahmadg78]

ورشه الاصدقاء ناصر وكريم
شارع حسن المامون مدينه نصر ( اللى فيه النادى الاهلى )
ادى ضهرك لمدارس المنهل و امشى كانك رايح على النادى الاهلى هتلاقى ناصيه عندها محل طيور ابو مازن و كوافير رجالى ادخل الشارع ده هتلاقيه على ايدك الشمال
انا اتعاملت معاهم واكتر حاجه عجبتنى ان ناصر فضل يفك و ينضف مقاليش نغير وخلاص زى الباقيين

[dedo_ryo]

موضوع رااااااااااائع تسلموا يا وحوش .... و في في اسكندريه بالنسبه لقطع الغيار ....على طريق العوايد قبل الفلكي محل قطع غيار جديد و محل جنبه يتاع استيراد اسمه الحاج سيد عبد الله ........ و في شراقي في فلمنج عالترام ..... و في في صلاح الدين كتيير كلهم شغالين في الرينو ... وفي واحد في اخر صلاح الدين في المول في اول دور علوي اسمه الزيني

[Migo123]

والله موضوع جميل لان التوكيل مستواه بقى في النازل كخدمة وزحمة على طول ...... غير الاسعار
ومؤخرا كمان بيطلبوا تغيير قطع غيار لمجرد فتح شغل
عربيتي لسه خارجة من الضمان من اسبوعين والنهارده بيقولي نغير طمبورة الكرنك ب 1500 جنية وعلى حسابك
قلتله طب العربية كانت عندكو من شهر ونص مستنيها تطلع من الضمان عشان تلبسني فيها ... رجع قالي هي تمشيك شوية كمان متغيرهاش

[old4art]

كل عام وانتم طيبين وبخير يا شباب

[ecybrarian]

انا باتعامل مع خالد واحمد في صقر..ورامي الكهربائي في صقر برضه....ولما باحب اعمل شغل على كمبيوتر او اشتري قطع غيار اصلية باروح لخالد الزيني في الرحاب..

فين علي إللي في المقطم دا؟؟؟؟؟

[احمد صبري]

عندي رينو ميجان 2005 مش عايزه تدور خالص كان عاندي مشكله في السلك لتاع طلمبه البنزين وعملتها بس غيرت مكان الفيوزات مشت يوم وفصلت ومش عايزه تدور خاص

[احمد صبري]

حد معاه رقم رامي الكهربائي او اي حد يجي يدوري العربيه وياخد الي هو عاوزه ضروري جد هي رينو ميجان 2005

[احمد صبري]

محتاج رقم كهربائي او حد بيفهم في رينو ميجان ضروري بالله عليكم
العربيه مش عايزه تدور

[احمد صبري]

محتاج مساعده ضروري

عندي رينو ميجان 2005 مش عايزه تدور خالص كان عاندي مشكله في السلك لتاع طلمبه البنزين وعملتها بس غيرت مكان الفيوزات مشت يوم وفصلت ومش عايزه تدور خاص لو حد يعرف رقم كهربائي او ميكانيكي كويس ضروري