موضوع مهم جدا لاصحاب الميجان

[Zoooooooooomy]

كل واحد عنده ميجان يدخل يكتب موديل كام و ماشيه كام الف و اهم المشاكل البتواجه حاليا و انا هبدأ بنفسي
ميجان ٢٠٠٥
١٠٥.٠٠٠ الف كيلو
اهم المشاكل صوت تزيق في العربيه من الخلف حتي الان مش عارف جي منين

[byada10]

اللى عرفته ان صوت التزييق بيبقى من تراكم التراب على فصلات الابواب

هات رش اسمه wd40 و رشه على مفصلات الابواب

[Ahmed Selim]

بالظبط كده.........و رش على كل المفصلات و الكوالين حتى كالون الشنطة.

بس حاول تمسح أى تسييل منه ينزل على الدهان.........أنا مش عارف له تأثير مضر ولا لأ بس الأحسن تمسحه.

[Zoooooooooomy]

بس انا عندي صوت التزيص ده و انا ماشي في المطبات بس مش حاجه من بره ده صوت من جوه الربيه

[Ahmed Selim]

بس انا عندي صوت التزيص ده و انا ماشي في المطبات بس مش حاجه من بره ده صوت من جوه الربيه

ما هو المفصلات و الكوالين ممكن تسمع صوتها من جوة العربية.

جرب مش هتخسر حاجة............دى أصلاً حاجة كويسة أنك تعمل شبه عملية تشحيم بسيطة للحاجات دى.

[Zoooooooooomy]

يعني ممكن صوت الابواب مايزيقش و انا بفتاحها و تزيق و انا ماشي في المطبات

[Ahmed Selim]

يعني ممكن صوت الابواب مايزيقش و انا بفتاحها و تزيق و انا ماشي في المطبات

أصلاً ده العادى

هى لو وصلت أنها بتزيق و أنت بتفتحها تبقى حالتها صعبة قوى :)

مشوفتهاش كتير فى أى عربية ركبتها بصراحة.

بس العادى أنك تسمع صوت التزييق من جوة و حصلت معايا فى عربيات كتير.

[Zoooooooooomy]

كله تمام الصوت اختفي شكراااااً

[Ahmed Selim]

كله تمام الصوت اختفي شكراااااً

العفو يا باشا.

[MohammedAladel]

ميجان 2007 المشاكل :
1_ العربية كانت مش بتستجيب لضغط على دواسة البنزين ومخنوقة والمشكلة الحلت لوحدها بعد كام يوم
2_ صفارة عند الفرملة من التيل الأمامى مع إنه جديد فاليو ومطنشلها
3_ لو مطب جامد تكسير فى الأرض وكدا التابلوه نفسه بيتهز
4_ ع السرعات البطيئة وأنا لسة طالع العربية ورا كانت بتتهز وانت قاعد جوا تحس إن العربية مفكوكة من تحت وإنها مرجيحة واكتشفت إن العيب فى الكاوتش اليمين ورا وغيرته بالاستبن مؤقتا الكاوتش مع انتهاء عمره الافتراضى طلع فيه بروز كدا بس مش من ع الجمب من المداس بتاعه على الأرض يعنى بقى فيه منطقة عالية
5_عندى رسالة check airbag مع لمبة service بسبب قطع شريط الإيرباج وجارى البحث عن بديل لإصلاحه لأن الشريط نفسه بعد ما اتقطع ما الاستخدام اتكسر من جوا وخلاص ماعدش ينفع يتعمل
6 _ المرايا الضم بايظة لما أفضى ويكون بالى رايق هبقى أحاول معاها
7_ مياه التبريد بتقل من القربة بس ببطء جدا يعنى كل 3 شهور مثلا أزودها نص لتر ومش عارف السبب بالظبط فيه ناس بيقولوا الكوعة معرفش تمنها كام دى ؟

[a_aboelseoud]

- ميجان 1 موديل 1999 مانوال
- بصراحة العربية انا لسه شاريها من 3 اسابيع و بصراحة انا لحد دلوقتى مشفتش منها حاجة وحشة بس فيه حاجات ماقدرش اقول عليها عيوب زى :
- التكييف حاسس انه ضعيف شوية بس ممكن لما اعمل له صيانة و انظف الكويل (التلاجة ) حاله يتحسن.
- الكاسيت نفسى اجيب كاسيت اقدر اشغل بيه زراير الدركسيون و الشاشة اللى فى التابلوه

[MohammedAladel]

- ميجان 1 موديل 1999 مانوال
- بصراحة العربية انا لسه شاريها من 3 اسابيع و بصراحة انا لحد دلوقتى مشفتش منها حاجة وحشة بس فيه حاجات ماقدرش اقول عليها عيوب زى :
- التكييف حاسس انه ضعيف شوية بس ممكن لما اعمل له صيانة و انظف الكويل (التلاجة ) حاله يتحسن.
- الكاسيت نفسى اجيب كاسيت اقدر اشغل بيه زراير الدركسيون و الشاشة اللى فى التابلوه

على حد علمى إن فيه كاسيت سونى للميجان 2 بيشتغل بيجى معاه الدراع المالتى فانكشن أو بيشتغل على الدراع الأصلى بتاعها بس مش متأكد من المعلومة

[ahmed_oth]

اللى عرفته ان صوت التزييق بيبقى من تراكم التراب على فصلات الابواب

هات رش اسمه wd40 و رشه على مفصلات الابواب

بيتجاب منين الرش ده يا رجاله
عشان انا عندى صوت تزييق مع فتح الابواب وطبعا مع المطبات

[ahmed_oth]

- ميجان 1 موديل 1999 مانوال
- بصراحة العربية انا لسه شاريها من 3 اسابيع و بصراحة انا لحد دلوقتى مشفتش منها حاجة وحشة بس فيه حاجات ماقدرش اقول عليها عيوب زى :
- التكييف حاسس انه ضعيف شوية بس ممكن لما اعمل له صيانة و انظف الكويل (التلاجة ) حاله يتحسن.
- الكاسيت نفسى اجيب كاسيت اقدر اشغل بيه زراير الدركسيون و الشاشة اللى فى التابلوه

جبتها على كام العربيه ؟

[ahmed_oth]

انا معايا ميجان وان 2001 اوتو
حاليا بعانى من لمبه الصالون على طول منوره مش بتطفى ابدا
سواء قفلت الابواب او قفلت العربيه بالمفتاح مش بتطفى ابدا لدرجه انى بزهق وبسيب اللمبه منوره حتى وهى مركونه تحت البيت