موضوع مهم جدا لاصحاب الميجان

[ahmed_oth]

ميجان 2007 المشاكل :
1
2_ صفارة عند الفرملة من التيل الأمامى مع إنه جديد فاليو ومطنشلها
عندى نفس المشكله مع انى مغير التيل ومعملش الفين كيلو

4
5
7_ مياه التبريد بتقل من القربة بس ببطء جدا يعنى كل 3 شهور مثلا أزودها نص لتر ومش عارف السبب بالظبط فيه ناس بيقولوا الكوعة معرفش تمنها كام دى ؟

عندى نفس المشكله برده انا كل شهر تقريبا بزود مياه فى القربه

بدات اسمع اصوات مع كل مطب او تكسير فى الارض بحس ان حديد بيخبط فى بعضه اعتقد انها محتاجه تغير جلود العفشه وتظبيطط عمود الاسكاترا

[a_aboelseoud]

انا معايا ميجان وان 2001 اوتو
حاليا بعانى من لمبه الصالون على طول منوره مش بتطفى ابدا
سواء قفلت الابواب او قفلت العربيه بالمفتاح مش بتطفى ابدا لدرجه انى بزهق وبسيب اللمبه منوره حتى وهى مركونه تحت البيت

الموضوع ده راجع ممكن لسببين :
- زرار النور عند كل باب (لما تقفل الباب بيدخل لجوه و بيطفى النور و لما تفتح الباب بيرد لبره و النور ينور ) ممكن تلاقى زرار منهم معلق و بكده العربية هتحس دايما ان فيه باب مفتوح و بالتالى نور الصالون هيفضل منور.
- ممكن زرار لمبة الصالون برده يكون معلق
فى الحالتين انت محتاج كهربائى يبص على الحاجتين دول و ان شاء الله المشكلة تتحل
بالنسبة لسعر العربية انا جبتها ب 35 الف بس دى كان ليها ظروف خاصة لان صاحبها كان مستعجل جدا على بيعها و كان مسافر بره مصر و ده فى الغالب سر سعرها القليل .

[a_aboelseoud]

على حد علمى إن فيه كاسيت سونى للميجان 2 بيشتغل بيجى معاه الدراع المالتى فانكشن أو بيشتغل على الدراع الأصلى بتاعها بس مش متأكد من المعلومة

انا قريت فعلا موضوع عن كاسيت الميجان 2 و دخلت على اللينك بتاعه على النت بس الموقع بيقول انه ينفع للميجان 2 و مجابش سيرة الميجان 1 خالص .
ياريت بنفع و يبقى مشكلة الكاسيت عندى اتحلت

[m7mdwagih]

megane 2005 95,000 km عندي العفشة في الحلاوة خالص و عايز اعملها و اعدل الجنوط و كمان السحب عندي ضعيف الفتيس بينقل بطريقة غريبة

[byada10]

بيتجاب منين الرش ده يا رجاله
عشان انا عندى صوت تزييق مع فتح الابواب وطبعا مع المطبات

من اون زا ران تقريبا على حسب كلام احمد عبد المقصود

[mohamedadelemam]

ميجان 2005 هاتشباك عاملة حوالى 24000كم..التابلوه بدأ يظهر فيه بطش بيضاء

[kimo1972]

ميجان 2005 الفئة الاولى دون فتحة سقف 84000 الف كيلومتر
ب 51 الف جنيه وصرفت عليها حوالى 2500 صيانات عادية
بقالها شهر معاى السرعة الرابعة فى التكييف فصلت لتانى مرة
بقالى اسبوع بسمع صوت تخبيط حديد فى حديد فى الشوراع المكسرة بس
رايح الحرفيين بكرة اعمل الحاجتين دول

[mtsaber]

معايا ميجان 2006 ماشيه 157000 كم اللي فيها حاليا لمبة الايرباج منورة لان شريط الايرباج اتقطع بقالها معايا اكتر من سنة ونص بس اسوأ حاجة حصلتلي فيها ان علبة الفيوزات الرئيسية اللي في الكبوت ساحت من الحر بس الحمد لله اتصلحت وبقت تمام.