توصيل ميجان بكاشف الأعطال

[MohammedAladel]

السلام عليكم
دخلت التابلوه حشت الغطاء اللى سمعت إنه بيوصلوه بجهاز كشف الأعطال
تمام الغطاء

Shot at 2012-08-22
ظهرت الفيشة دى

Shot at 2012-08-22

عايز أعرف الوصلة دى إسمها إيه طيب ليه ؟
عشان أنا بقول ممكن نجيب الوصلة دى ونوصلها بجهاز لاب توب عادى ونحمل البرنامج بتاع كشف الأعطال ع الكمبيوتر
ولا جهاز كشف الأعطال مش مجرد كابل وخلاص ؟؟؟؟
والباش مهندس هشام قال لى على برنامج إسمه رينو كليب ما هو رينو كليب وأين توفره ؟؟؟؟ وهل أى حد يقدر يتعامل معاه ولا عايز تدريب ؟؟

[MohammedAladel]

السؤال بقى ليه كمبيوتر أعطال العربية مش بيجيب كل الأعطال بالظبط على الشاشة ؟؟؟
يعنى إيه الفرق بين الكمبيوتر لما توصله ببرنامج ولما العربية تديك إنذار
يعنى مثلا عاملين الكلمات التحذيرية لحالات معينة أما باقى الحالات بتتعرف بس عن طريق توصيل العربية بالكمبيوتر
طيب إيه الحكمة فى كدا ؟؟؟؟

[MohammedAladel]

؟؟؟؟؟؟؟؟؟

[Shiref_mohamed]

السلام عليكم
دخلت التابلوه حشت الغطاء اللى سمعت إنه بيوصلوه بجهاز كشف الأعطال
تمام الغطاء

Shot at 2012-08-22
ظهرت الفيشة دى

Shot at 2012-08-22

عايز أعرف الوصلة دى إسمها إيه طيب ليه ؟
البورت ديه اسمها OBDII وديه بتشتغل ببروتوكول اسمه CAN فعل ماضي
عشان أنا بقول ممكن نجيب الوصلة دى ونوصلها بجهاز لاب توب عادى ونحمل البرنامج بتاع كشف الأعطال ع الكمبيوتر
ممكن تجيب كابل وتوصله باللاب وتخش تشوف الأعطال بس مش هتعرف تتعامل في حاجات كتير اخرك تقرا اعطال بس انما عشان تقدر تستعمل كل Function البرنامج حتحتاج كمان هاردوير رينو كليب
ولا جهاز كشف الأعطال مش مجرد كابل وخلاص ؟؟؟؟
بص يا محمد جهاز كشف الأعطال مش كابل وخلالص ده بيبقى كابل ومدمج فيه دايرة الكترونية او BOX واصل من ناحيه بكابل للعربية ومن الناحية التانية واصل باللاب تمام كده
اما عشان تعمل جهاز كشف اعطال هتبقى محتاج حاجتين هاردوير وسوفتوير والسوفتوير سهل المشكله عندنا في الهاردوير انا لما كان معايا اللانوس عملت دايرة الكترونية لكابل للدايو ووصلت اللاب بالعربية وشغال بيها تمام حتى الأن اما في الرينو فا رينو عاملة لنفسها حاجه اسمها Renault Clip وده سوفت وير مخصوص (هتلاقيه على النت بس 2 جيجا تقريبا) بس كمان عامله هاردوير مخصوص ليها عشان تقدر Access كل الوظائف انا فتحت العلبة زي ما انتا عملت وشفت البورت وجبت رسمه دايرة خاصة بالـ OBDii CAN من على النت بس مش لاقي وقت انفذها ومش عارف هتشتغل تمام ولا ايه
والباش مهندس هشام قال لى على برنامج إسمه رينو كليب ما هو رينو كليب وأين توفره ؟؟؟؟ وهل أى حد يقدر يتعامل معاه ولا عايز تدريب
البرنامج موجود على النت بس التعامل معاه عاوز خبرة عشان تقدر تستفيد منه بس زي ما قلتلك المشكلة مش في البرنامج انا المشكلة في الهاردوير الى بين اللاب والعربية ؟؟

بس خلاص

[Shiref_mohamed]

السؤال بقى ليه كمبيوتر أعطال العربية مش بيجيب كل الأعطال بالظبط على الشاشة ؟؟؟
يعنى إيه الفرق بين الكمبيوتر لما توصله ببرنامج ولما العربية تديك إنذار
يعنى مثلا عاملين الكلمات التحذيرية لحالات معينة أما باقى الحالات بتتعرف بس عن طريق توصيل العربية بالكمبيوتر
طيب إيه الحكمة فى كدا ؟؟؟؟

بص يامحمد الشاشه في اى عربية في الدنيا بتبقى summarized عشان تدي معلومات تفيد بيها المستخدم العادي للسيارة

اما جهاز كشف الأعطال بيدي معلومات Detailed عشان الناس بتوع الصيانة يقدرو يحددو الأعطال صح وكمان لو الشاشة ادت اليوزر العادي معلومات مفصله هيعمل بيها ايه ؟؟؟مهو المفروض يوزر مش ادمن فهمتني

[Shiref_mohamed]

؟؟؟؟؟؟؟؟؟

انتا بتصحي بدرى اوي ليه كده
مقولتليش وصلت لفين في المرايه بوظتها ولا لسه سليمة

[MohammedAladel]

والله من ساعة ما عملت الموضوع وأنا سايبها مجتش عندها ركبتها وقلت استنى شوية لأنى مش فايقلها وانشغلت فى موضوع الشريط وكل دماغى وفى الآخر ما عملتوش برضه
بس دلوقتى أنا عمال أفك فى العربية وعايز أفهمها حتة حتة

[MohammedAladel]

أنا مش بصحى بدرى ولا حاجة أنا لسة بكون صاحى بسهر أصل أنا فى أجازة وفاضى مش ورايا أى حاجة وهتلاقينى بطول ما أنا صاحى وقاعد ع الكمبيوتر على طول عل نايل موتورز مش بغير المحطة