انا عملت 1000 كيلو بس مش هقدر اقيم دلوقتي(ميجان 2008)

[Ahmed Aly]

بس انا عندي شوية اسئلة

1- هواول صيانة بتبقى على كام كيلو
2-في مشكلة اني كنت بشغل التكييف اثناء التليين
3-بعد الالف الولي اقدر اعدي ال 3000 ار بي ام
4-تغيير الزيت بتاع العربية امتى اصل اللي فيها بتاع المصنع مفروض
5-السحب مش زي البيجو طبعا بس برضو انا مش هقييم دلوقتتي (بيجو 2000 سي سي 145 حصان )
6-التكييف لا يقارن ببتاع البيجو خالص و لا انا اللي عندي مشكلة
7-ايه نظام الستيب ترونك ينفع استخدمه اثناء سير العربية ولا لازم اكون واقف

انتظروا تقيمي قريبا بحضر مفجاة ان شاء الله

احمد علي

[fahd_628]

اهلا بيك اخى احمد

بالنسبة لأسئلة حضرتك

1- هواول صيانة بتبقى على كام كيلو

المفروض عند ال 10000 ايوة عشرة الاف كم بس فية زى Check على العربية كل 5000 كم بالمجان لو عاوز تروحة لو مش عاوز بلاش

اة و حضرتك ممكن تعرف الوقت الى فاضل للصيانة من كمبيوتر العربية دوس على الزرار الى موجود فى جمب دراع المساحات لغاية ما حتوصل للوقت المتبقى حتى ميعاد الصيانة !

2-في مشكلة اني كنت بشغل التكييف اثناء التليين

عادى يا باشا مفيش مشاكل

3-بعد الالف الولي اقدر اعدي ال 3000 ار بي ام

طبعا يا باشا خلاص انت كدة خلصت تليين ( العربية اصلا مش بتحتاج تليين بس للحزر بنلين 1000 كم )

4-تغيير الزيت بتاع العربية امتى اصل اللي فيها بتاع المصنع مفروض

مع الصيانة متقلقش

5-السحب مش زي البيجو طبعا بس برضو انا مش هقييم دلوقتتي (بيجو 2000 سي سي 145 حصان )

السحب حيتحس بعد ال 5000 كم كتيير انا برضة كنت بشكو من الموضوع دة بس بعد ال 5000 كم الحمد لله حصل تحسن بس برضة عمرها ما حتوصل لسحب عربية 2000 سى سى

6-التكييف لا يقارن ببتاع البيجو خالص و لا انا اللي عندي مشكلة

هوة فعلا التكييف مش زى اليابانى بس بالنسبالى معقول جدا و لو عاوز تزود الكفائة شغل الريسيكل حتلاقيه فرق و اعمل المروحة على 3 كدة

7-ايه نظام الستيب ترونك ينفع استخدمه اثناء سير العربية ولا لازم اكون واقف

عادى جدا و انت ماشى تقوم ناقل للحارة بتاعت الستيبترونيك مش لازم و انت متوقف و كمان عادى جدا ممكن ترجعة لل D و انت ماشى

انتظروا تقيمي قريبا بحضر مفجاة ان شاء الله

منتظرين يا باشا و انا كمان ان شاء الله محضر مفاجأة :) بس افوق شوية

[Ahmed Aly]

شكرا يا فهد باشا طمنتني ياراجل بس التكييف مزعلني شوية اصل البيجو كانت تضرب الياباني بالشلوت سوري في الكلمة والميجان حسو ضعيف شوية لدرجة ان زوجتي كانت افتح التكييف الولاد عرقوا فصلهم في السفر بيقعدوا كلهم ورا

[Abo_Lina]

اللف مبروك اول الف كيلو..
زي فهد ماقال لكن اول صيانة هاتبقى عند 5000 كيلو و سيتم فيها الصيانة الاعتيادية مع تغيير الزيت (بالمجان) يعني صيانة ال5000 مش هاتدفع فيها اي شيء بعد كده صيانة ال 10000 ثم صيانة كل 10000 كيلو

[Ramy_Tantawi]

الف مبروك يا استاذ احمد اول 1000 كيلو وعقبال ال 10000000 كيلو ان شاء الله بخير وصحه.

طبعاً مش هاقدر ازيد اي حاجه عن كلام اخي في الله العزيز فهد اللي كنت زعلان منه عشان ماعملش تقييم لكن الحمد لله طمني وقال ان في مفاجأه وانا في انتظارها :).

وكان في تصحيح بس تايلر باشا ربنا يكرمه قام بالواجب وهو ان اول صيانه عند 5000 ويتم فيها تغيير الزيت والكشف على السياره بالكامل بالمجان ان شاء الله واطمن حضرتك ان شاء الله العربيه بتفرق كتير بعد اول 5000 وبتفرق اكتر والله كل شويه الحمد لله وفي تحسن دائم وده عن تجارب والله مش كلام فلا تقلق.

الجزء الخاص بالمكيف انا ماجربتش مكيف البيجو للأمانه لكن احد اصدقائي والده معاه بيجو وقاللي ان المكيف عندي في سيارة والده يعني عامل زي عندي حتى كان بيتريق وبيقولي الفرنسي كله واحد تقريباً ومن كتر الرفاهيه والرقه اللي هم فيها حريصيين ان التكيفات بتاعتهم ما تعييش حد عاملين مكيف صحي يعني يبرد لكن مايجبش برد . طبعاً هو بيهزر انا قاصد بس ان ممكن يكون في مشكله عند حضرتك في المكيف لئن مشكله مكيف الميجان عن تجربتي الشخصيه هو ان 1 اكنها مش موجوده غير بالليل 2 لو انا لوحدي ورايح الشغل او مشاوير الصبح لو في اي حد ورا ومشاوير الصبح لازم الستائر تكون مغلقه وماتقلش سرعة المروحه عن 3 وياسلام لو على طريق سفر وعملت زي ما فهد قاللك كده حطيته على الريسيكلنج مش عاوز اقول حضرتك الفرق بيكون عامل ازاي .

في اول صيانه ان شاء الله خليهم يكشفوا على الفريون لئن اوقات بيكون جاي ناقص فريون .

تحياتي اخي الكريم وفي انتظار تقييمك ان شاء الله قريباً .

[fahd_628]

اية دة يا جماعة هوة اول صيانة فعلا عند ال 5000 ؟

اصل حتى الراجل و احنا بنسلم قالنا اول 10000 ! و كمان كمبيوتر العربية بيقول كدة !

شكرا للتصحيح احنا حاليا عاملين 4400 ان شاء الله حروح ال 5000 و اشوف اية الأخبار

[Ramy_Tantawi]

اية دة يا جماعة هوة اول صيانة فعلا عند ال 5000 ؟

اصل حتى الراجل و احنا بنسلم قالنا اول 10000 ! و كمان كمبيوتر العربية بيقول كدة !

شكرا للتصحيح احنا حاليا عاملين 4400 ان شاء الله حروح ال 5000 و اشوف اية الأخبار

صيانة أول 5000 دي صيانه استثنائيه للكشف على العربيه وبيتغير الزيت وفلتر الزيت مجاناً دي بدل صيانة اول 1000 كيلو في معظم العربيات التانيه.

بعد كده ان شاء الله يا فهد باشا بتروح ال 10000 بيتغير فيها الزيت برضه + فلتر البنزين + فلتر الهواء . وتتوكل على الله بعد كده بقى تمشي على كمبيوتر العربيه كل 10.000 تروح تعمل الصيانه الدوريه .

التوكيل بقيله شهر مشدد اوي على موضوع زيارته كل 5000 والا الضمان ممكن يقع زياره ال 5000 مجانيه بيكشف بس على العربيه ويتأكد من كل حاجه .

[fahd_628]

شكرا يا باشا على التصحيح

[Ramy_Tantawi]

الشكر لله اخي الفاضل وتقبل تحياتي.

[Ahmed Aly]

شكرا يا جماعة علي التوضيح

استاذ رامي البيجو البريستج صناعة مصرية والتكييف بيتجمع في مصر عند شركة اسماها اتوكول انا كنت المدير المالي بتاعها الشركة بتجمع التكيف للعربيات الاتية
BMW
M. Benz
Peugeot 405 -405 P -406
Nissan
Hahim Buss
Suzuki Swift
Citrion AZ AX
All GM Cars Manufacutured In egypt

عشان كده انا عارف ان التكييف بتاعها كان فرييزر متحرك

[farahat]

صيانة أول 5000 دي صيانه استثنائيه للكشف على العربيه وبيتغير الزيت وفلتر الزيت مجاناً دي بدل صيانة اول 1000 كيلو في معظم العربيات التانيه.

بعد كده ان شاء الله يا فهد باشا بتروح ال 10000 بيتغير فيها الزيت برضه + فلتر البنزين + فلتر الهواء . وتتوكل على الله بعد كده بقى تمشي على كمبيوتر العربيه كل 10.000 تروح تعمل الصيانه الدوريه .

التوكيل بقيله شهر مشدد اوي على موضوع زيارته كل 5000 والا الضمان ممكن يقع زياره ال 5000 مجانيه بيكشف بس على العربيه ويتأكد من كل حاجه .

رامي باشا ، مش ال-5000 بس ، التوكيل كان معلق ورقة بيقول فيها إن كل صيانات ال-5000 (يعني 15000 و 25000 و 35000 و كدة) لازم تتعمل يا إما يتلعئي الضمان ،
و هي مجانية يعني مفيش مشكلة خالص و كل إلي بيتعمل فيها مراجعات و إستكمال للزيوت لو فيها نواقص

[Sharky]

الف مبروك يا أحمد على مرور الـ1000 كم
و مستنين تقييمك للعربية

[Ramy_Tantawi]

رامي باشا ، مش ال-5000 بس ، التوكيل كان معلق ورقة بيقول فيها إن كل صيانات ال-5000 (يعني 15000 و 25000 و 35000 و كدة) لازم تتعمل يا إما يتلعئي الضمان ،
و هي مجانية يعني مفيش مشكلة خالص و كل إلي بيتعمل فيها مراجعات و إستكمال للزيوت لو فيها نواقص

مظبوط يا فرحات باشا وده اللي انا قاصده وجزاك الله خير وضحته اكتر .

[Ahmed Aly]

شكرا يا رجالة

[megane_man]

أخي الفاضل احنا ماشيين مع بعد بالظبط انا كمان كملت الألف ويسلام لو تصادف ونروح صيانة ال5000 مع بعض بالنسبة للتكييف انا مبسوط منه جدا انت عند اتوماتيك ولا عادة لو اتوماتيك اظبط درجة الحرارة علي 20 وشغل الأوتو ودوس علي زرار الرسيكلينج وشوف النتيجة