ميجان مانيوال

[MohammedAladel]

السلام عليكم
ميجان 2 مانيوال لو بطاريتها ضعيفة شوية ينفع تدور زق ؟؟؟؟

عندى لمبة زينون اضاءتها أقوى من التانية مش حاسس إن واحدة أفتح من التانية ؟

ما هى قدرة كومبرسور الميجان بالحصان ؟

[Zoooooooooomy]

ايوه ينفع تدور بالزق انا معايه ميجان ٢٠٠٥ مانيوال بتدور بالزق عادي

[shawkylotfy]

افتح كونتنك عادى وزق وارمى
قدرة كباس الميجان مش بتتحسب بالحصان هو محصلش الحصان يعنى اقدر تقول كدة 1/8 حمار

[MohammedAladel]

طيب تمام لحد كدا عاملة إيه معاك فى السحب والعزم وإنت طالع هل أقوى من الأوتو بكتير والفرق ملحوظ ولا لأ ؟

[MohammedAladel]

طيب لما تيجى تدور بتكتبلك press brake +start ولا بتكتبلك دوس دبرياج وإبدأ ولا إيه بالظبط ؟
خليها واخدة غيار معشقة يعنى ودست ستارت هتعمل زى العربيات التانية وتروح تنطر وتبطل ؟ ولا مش هترضى تدور زى الأوتوماتيك بالظبط وتنبهك إن العربية واخدة غيار ؟

[Shiref_mohamed]

السلام عليكم
ميجان 2 مانيوال لو بطاريتها ضعيفة شوية ينفع تدور زق ؟؟؟؟
اي عربية مانيوال تدور زق
عندى لمبة زينون اضاءتها أقوى من التانية مش حاسس إن واحدة أفتح من التانية ؟
ممكن يكون الي اشترتها منه كانت لبه اتحرقت وغيرها بدرجه مش مظبوطه
ما هى قدرة كومبرسور الميجان بالحصان ؟

4 حمار ونص
قدرات كمبريسورات العربيات مش بالحصان

[Shiref_mohamed]

افتح كونتنك عادى وزق وارمى
قدرة كباس الميجان مش بتتحسب بالحصان هو محصلش الحصان يعنى اقدر تقول كدة 1/8 حمار

قدره الكباس 2 جحش صغير

[Zoooooooooomy]

لما باجي اداوار بيكتبلي press break +start و بعد شويه بيكتب press clatch + start و لما بتكون واخده ناائله مش بتدور لو دايس فرامل بس بتدور لو دايس دبرياج

[elmohandes1]

4 حمار ونص
قدرات كمبريسورات العربيات مش بالحصان

حضرتك مش كل المانيوال بيدور زق لسبب بسيط جدا و ده فى السيارات الحديثة اللى فيها كارتة كومبيوتر. العربيات دى و انت بتدورها عادى بالكونتاكت الكومبيوتر بتاعها لازم ياخد قرآت الحساسات كلها و خصوصا حساس الكرنك علشان يعرف انهى بوجيه اللى عليه الدور و انهى رشاش اللى هايضخ الوقود و هكذا.او بمعنى ادق انهى بستم فى شوط الإحتراق او السحب او الضغط او الطرد.
انا معايا سيتروين اكسارا و مرة البطارية باظت و زقتها علشان تدور لكن الموتور اتبرجل و كأنى ماشى بعربية على اتنين بوجيه.
المهم رحت بها التوكيل كده و فهمنى اللى انا كتبته ده و قالى انت ربنا بيحبك علشان انت كده كنت ممكن تخرب الموتور كله.

لذلك حبيت اوضح المعلومة انه ماينفعش نعمم المعلومة ان كل المانيوال بيدور زق.

تحياتى

[MohammedAladel]

حضرتك مش كل المانيوال بيدور زق لسبب بسيط جدا و ده فى السيارات الحديثة اللى فيها كارتة كومبيوتر. العربيات دى و انت بتدورها عادى بالكونتاكت الكومبيوتر بتاعها لازم ياخد قرآت الحساسات كلها و خصوصا حساس الكرنك علشان يعرف انهى بوجيه اللى عليه الدور و انهى رشاش اللى هايضخ الوقود و هكذا.او بمعنى ادق انهى بستم فى شوط الإحتراق او السحب او الضغط او الطرد.
انا معايا سيتروين اكسارا و مرة البطارية باظت و زقتها علشان تدور لكن الموتور اتبرجل و كأنى ماشى بعربية على اتنين بوجيه.
المهم رحت بها التوكيل كده و فهمنى اللى انا كتبته ده و قالى انت ربنا بيحبك علشان انت كده كنت ممكن تخرب الموتور كله.

لذلك حبيت اوضح المعلومة انه ماينفعش نعمم المعلومة ان كل المانيوال بيدور زق.

تحياتى

+1