ليه كدا

[MohammedAladel]

السلام عليكم أنا عربيتى ميجان 2007 اشترتها مستعملة
قبلها شفت واحدة 2005 ولاحظت الفرق إنها عليها غطاء فضى شكله جميل مش موجود عندى هل كله كدا زيى خصوصا بعد ما شفت الصور دى

الصورة دى شبيهةباللى عندى هى دى صورة لعربية كليو
والصورة دى المفروض هى اللى تكون ليه مش بيحطوا الغطاء دا برغم إنه مهم وبيحمى البوجيهات والسلوك وميخليش أتربة تتكون حواليها عشان لما نيجى نغيرها ؟

غير إن فيه غطاء تانى بيغطى البطارية عشان ميحصلش مس ليه برضه مش بيحطوه عندنا ؟

[MohammedAladel]

شايفين الصورة دى يا جماعة لميجان 3 ع الزيرو برضه نفس القصة مش حاطين الغطاء شوفوا أنا معلم مكان الفتحات اللى بيدخل فيها مسامير الغطاء بعد التركيب ودا أنا بعتبره رداءة وسوء تقفيل وإهمال
مش برضه ميجان بتتجمع فى تركيا ؟ أنا كمان ملاحظ إن نفس الموتور اللى فى عربيتى ولا فيه فرق ؟

[تامر.محمد]

غطا الموتور ده موجود استيراد في صقر قريش مش فاكر بحوالي 150 جنيه او اقل
غطا البطارية موجود كمان بس مش فاكر بكام

انا كنت جبت غطيان من الفبر دول اللي جوة حوض العربية و كلفوني حوالي 175 جنيه , بس غير اللي بتتكلم عليهم

[Ahmed Selim]

تقليل تكلفة..........هى دى كلمة السر

العربية فى موديلات 2005 و 2006 كانت بتنزل بفبرة الموتور فى كل الموديلات..........و بعضهم كان بينزل فيه فبرة البطارية و البعض لأ.

من أول 2007 ولا دى و لا دى.

[kar!m]

بس شكل الموتور كده وحش أوي من غير الغطا ده.

[bedooracle]

تقليل تكلفة..........هى دى كلمة السر

العربية فى موديلات 2005 و 2006 كانت بتنزل بفبرة الموتور فى كل الموديلات..........و بعضهم كان بينزل فيه فبرة البطارية و البعض لأ.

من أول 2007 ولا دى و لا دى.

فعلا لما سالت قالوا نفس الكلام انا بدور عليه لو نزلت صقر قريش او الحرفيين هشوف و اقولكم ان شا ء الله

[MohammedAladel]

بس شكل الموتور كده وحش أوي من غير الغطا ده.

مش وحش قوى برضه شكله حلو لكن الفبرة دى بتخلى للموتور هيبة كدا غير إنها بتحمى البوجيهات من تراكم التراب عشان لما تيجى تغير وبتحمى السلوك بتاع البوجيهات

[تامر.محمد]

موجودة عند المصطفى و ممكن تكون عند البلدوزر كمان