Check EMISSIONS

[airfox]

انا كرهت اليوم اللي جبت فيه ميجان بجد
النهارده روحت اشوف Check Injection اللي كان في العربيه و كنت صلحته و غيرت دواسه البنزين من شهر طلعت الدواسه كانت سليمه . و قالي الكنترول هو اللي عايز يتغير .المهم غيرته ب 1100 و خصم منهم 350 فلوس الدواسه . المصيبه بقي اني بعد ما خلصت عند و مشيت طلعلي Check EMISSIONS طبعا رجعتله و بعد مدولات كتير قالي ده معناه انك مش عندك حساس شكمان و انا فعلا مش عندي و كنت مشتري العربيه و عارف بس ماكنش في حاجه بتظهر علي الشاشه . المهم اتنيلت جبت حساس استيراد و طلع بايظ ورجعته و العربيه لسه فيها Erro و كمان شال الجزء بتاع الحساس القديم و صوت العربيه بقي عال و طبعا انا كان بقالي هناك امتر من 12 ساعه لاني روحت الساعه 9ونص الصبح و ماشي الساعه 10 بالليل و لا حسيت اني عملت حاجه في العربيه و اتخنقت منها يا ريت حد يفيدني يا جماعه و ليه الثواب

[airfox]

يا جماعه انا عايز اعرف هل العيب Check EMISSIONS فعلا بتاع حساس الشكمان ولا لا ولو كده حد يعرف تمنه جديد كام و عند مين لان كل اللي لاقيته كان استيراد و بحوالي 150 و معظمهم مش شغالين . ولو العيب ده حاجه تانيه ممكن تبقي ايه . و شكرا

[airfox]

[QUOTE=airfox;3874493743]انا كرهت اليوم اللي جبت فيه ميجان بجد
النهارده روحت اشوف Check Injection اللي كان في العربيه و كنت صلحته و كنت غيرت دواسه (او بوابه)البنزين من شهر المهم طلعت كانت سليمه .وركبلي القديمه تاني . يا ريت حد يفهمني يا جماعه هو الكنترول اللي غيره النهارده ده حاجه عادي بتتغير كد و سعره تقريبا كام . مع العلم ان حصل حوار كبير مع الراجل علشان كان عايز ياخد القديم و انا مكنتش راضي فزود في تمن اللي ركبه في العربيه استيراد

[MohammedAladel]

هو دا حال الصنايعية بيدلعوا علينا وهما مش فاهمين كمان عشان كدا أنا قررت إنى مش هخلى حتة فيكى يا ميجان إلا لما أفكك وأعرف بتعمل إيه وتتغير إزاى وبلاش وجع دماغ وأهو الواحد بيتعلم وحاجة شيقة وأنا بصراحة كل يوم بيزيد إعجابى بالعربية

بالنسبة لمشكلتك ربنا يعينك أستنى الأستاذ أحمد والأعضاء الموقرين هما إن شاء الله يساعدوك

[shawkylotfy]

لا مش من حساس الاكسجين ياريت تشوف حالة علبة البيئة عندك اية ممكن تكون مكتومة

[MohammedAladel]

لا مش من حساس الاكسجين ياريت تشوف حالة علبة البيئة عندك اية ممكن تكون مكتومة

هى البوبينة دى بتبقى فين وفايدتها إيه
بعدين هو قال حساس شكمان ولا هو حساس الشكمان المقصود بيه حساس الأوكسجين

[تامر.محمد]

حساس الشكمان هو حساس الاكسجين فعلا



انا شايف ان مشكلتك مشكلة صنايعي مش عربية
يا ريت تقول لنا عليه عشان ما نتعاملش معاه

[Ahmed Selim]

شوف حد تانى أو كلم أيمن momo10000

هبعتلك رقمه على الخاص.

[Ahmed Selim]

هى البوبينة دى بتبقى فين وفايدتها إيه
بعدين هو قال حساس شكمان ولا هو حساس الشكمان المقصود بيه حساس الأوكسجين

البوبينة هى الكويل يا محمد هى برضه ملف الإشعال بالفصحى :)

[Ahmed Selim]

airfox........أنت قافل الخاص يا باشا

[airfox]

airfox........أنت قافل الخاص يا باشا

بصراحه يا باشا انا مش عارف افتحه ازاي . عمتا ده الايميل بتاعي hamada_ra@hotmail.com

[airfox]

حساس الشكمان هو حساس الاكسجين فعلا



انا شايف ان مشكلتك مشكلة صنايعي مش عربية
يا ريت تقول لنا عليه عشان ما نتعاملش معاه

بس يا باشا انا في الاساس كنت مودي العربيه عند عادل اللي في صقر بس تقربيا هو مش بيشتغل في الحاجت ديه فوداها لواحد اسمه محمد عبدالمنعم قبله بشويه و المفروض امه متخصص كنترولات وكل حاجه خاصه بالانجكشن . المهم انا عادل قالي اسيب الفلوس معاه و مديهاش للراجل وهو مش هيدهاله الا لما الحاجه تطلع مضمونه و انا اقوله كده . انا اصلا واخد العربيه امبارح اسوء من ما ودتها لانها مبقاش فيها حساس شكمان فصوتها بقا عالي اوي و الرساله ظاهره علي الشاشه مش بتروح

[airfox]

شوف حد تانى أو كلم أيمن momo10000

هبعتلك رقمه على الخاص.

ربنا يخليك يا باشا بس هو استاذ ايمن هيقدر يدلني اعمل ايه لاني انا دلوقتي لابس مع اللي صلح العربيه فالفلوس اللي دفعتها هيبقي حرام لو راحت عليه لاني بفكر لو الكنترول اللي حطه هو اللي طلع في مشكله ارجعه و احط بتاعي و اروح عند حد بيفهم .و ياريت لو تدلوني علي حد بيفهم يصلح العربيه و يكون قريب من مدينه نصر

[airfox]

ربنا يخليكزا يا جماعه علي الردود .انا بصراحه اصلي فيا مشكله ان انا بطبعي مش بتكلم كتير ولا بحور مع الصنايعه اللي بيقوله بسكت بعديه مش بعرف احور و بتخنق بسرعه دايما بقول و بفتكر ان الناس هتعامل ربنا .ده امبارح الراجل كان مصمم ياخد الكنترول الصلي بتاع العربيه و لولا واحد من عند عادل جه و قال لا و كلهم و قاله هناخده حتي لو هندفع فلوس زياده بس مش هنسيبه و قالي ديه مصلحه ليا علشان الراجل ميتصرفش فيه و البس انا بعد كده حسبي الله ونعم الوكيل والله انا امبارح قعدت هناك من 9ونص الصبح لاغيت 10 باليل و الشغل اللي اتعمل كله في العربيه ماخدش اكتر من ساعه او ساعه و نص

[Ahmed Selim]

ربنا يخليك يا باشا بس هو استاذ ايمن هيقدر يدلني اعمل ايه لاني انا دلوقتي لابس مع اللي صلح العربيه فالفلوس اللي دفعتها هيبقي حرام لو راحت عليه لاني بفكر لو الكنترول اللي حطه هو اللي طلع في مشكله ارجعه و احط بتاعي و اروح عند حد بيفهم .و ياريت لو تدلوني علي حد بيفهم يصلح العربيه و يكون قريب من مدينه نصر

بعتلك على الأيميل يا باشا

أيمن إن شاء الله هيدلك على حد يقولك العربية كان فيها أيه و اللى أتعمل ده صح و لا غلط و يقدر هو يعملهالك إن شاء الله.

المهم لو طلع اللى أعمل غلط حاول ترجع للراجل و تاخد منه فلوسك و ترجع له الكنترول.

لو طلع صح هتعرف من اللى هيدلك عليه أيمن أيه تانى المفروض يتعمل علشان العربية تتظبط و تشوف لو هو يعملهالك أو ترجع للراجل اللى عملها و تقوله أعمل كذا بجملة الفلوس اللى أخدها يعنى.

لو أيمن مش بيرد على التليفون أبعتله رسالة قوله بكلمك من طرف أحمد عبد المقصود.

معلش أصل تليفونه ألعن من سنترال رمسيس.