إعـــــــلان

Collapse

.

,
See more
See less

طريقة تغيير جميع لمبات رينو ميجان

Collapse
X
 
  • Filter
  • الوقت
  • Show
Clear All
new posts

  • طريقة تغيير جميع لمبات رينو ميجان

    السلام عليكم أصدقائى

    لمبات الصالون فيه فى السقف كشافين نخلع الغطاء البلاستيك اللى عليهم هيتخلع بسهولة جدا هنلاقى فى كل كشاف 3 لمبات مقاس w5w بجنيه ونص الواحدة

    لمبات فى الباب من تحت نفس الكلام فى كل باب فيه لمبة من تحت

    تغيير لمبات الكشاف الخلفى

    سهل جدا برضه
    تغيير لمبات ا لكشافات الأمامى أستاذنا أحمد عبد المقصود باشا عمل موضوع من زمان عن تغيير لمبة الزينون فى الكشاف الأمامى الشمال

    أما عن باقى اللمبات أتحدث
    الكشاف الأمامى فيه بالظبط أربع لمبات
    لمبة صغيرة مقاس w5w فى أقصى يمين الفانوس يليها لمبة النور العالى مقاس h1 بس مش متأكد الصراحة
    بعدها لمبة الزينون ودى بيبقى مقاسها واللله أعلم H7
    آخر لمبة ع الشمال دى لمبة الإشارة لونها أصفر ودى مقاسها py21w
    بالنسبة للمقاسات كل لمبة بيبقى مكنتوب عليها مقاسها عشان متقلفوش


    الاستاذ أحمد فك اللمبة الزينون وليا ملاحظات عند فك اللمبة الزينون
    متحاولش تجرب اللمبة بعد ما تغيرها وهى برا لازم تحطها فى مكانها وبعدين تجرب عشان نورها مبهر ويؤثر على الإبصار
    اللمبة الزينون ترددها 4000_12000 khz دا اللى كان مكتوب على ورقة فى السلوك اللى رايحالها

    اللمبة الزينون عند التشغيل بيمر بين طرفى موصليها تيار فرق جهده 20000 فولت وبعدين بينتظم على 85 فولت فإحذر ثم إحذر إنك تكون ناسى دراع النور منور
    ولزيادة الأمان فك الطرف السالب للبطارية

    لأ أنا بقولك لازم تفصل البطارية فى أى شغل كهرباء تعمله فى العربية

    دلوقتى الأستاذ أحمد فك لينا اللمبة الزينون فى الكشاف الشمال
    طبعا لو هتفكها أول مرة أو تانى مرة حتى عشان تتحكم كويس فك الكاوتش

    طيب هل ينفع تفك لمبة تانى من الفانوس الشمال بالطريقة دى ؟؟؟؟
    أيوة ينفع بس صعبة شوية وعايزة تقرب بوشك قوى وتحاول تشوف جمب الغطاء بتاع اللمبة الزينون فى أقصى الشمال هتلاقى غطاء ليه زى سن بلاستيك بتلفه عكس عقارب الساعة وبتشد اللمبة بتطلع معاك
    طيب لو عايز تحكم أكتر وراحة أكتر لازم تفك الغطاء الفبر اللى هو لازق فى الرفرف ليه مسمارين أو تلاتة غير الجلد الكاوتش اللى مثبتاه بتفك المسامير الأول وتشده هيطلع معاك بس الجلد هتبقى متعبة شوية
    حاولت أصورها يا أصدقاء لكن كانت مزنوقة دى صورة بس مش واضحة

    فى الصورة دى أنا مشاور بالأسهم الحمراء دى على مكان لمبة الإشارة أقصى الشمال ياريت نبقى فاتحين الكبوت وإحنا شغالين وشايلين الغطاء الفبر اللى جمب البطارية عشان يدخل ضوء والعملية تمشى قشطة ومعلم فيها على الورقة اللى مكتوب عليها تعليمات اللمبة










    تمام لحد كدا باقى لمبتين فى الفانوس الشمال اللمبة الصغيرة خالص ولمبة النور العالى
    أزاى نفكهم ؟؟؟

    المرة دى هنفك البطارية ونشيلها من مكانها مع مراعاة فك الطرف السالب أولا أربطه بكيس بلاستيك غطيه بأى حاجة عشان ميعملش مس وإنت بتفك الطرف الموجب


    طبعا هنفك المسمار النجمة لازم يكون معانا المفكات النجمة رفيقنا العزيز الألمانى مش الصينى المعفن



    شافين فى الصورة دى مكان إيدى بالظبط

    هنلاقى الكاوتشة الجلد دى مستخبية قعدت أدور أجيبك منين يا لمبة أجيبك منين يا حلوة ؟ لحد ما لقيت المدخل دا

    هنشيل الجلدة دى ليها زى حتة بلاستيك نشدها ونطلعها وعشان نسهل الكلام نشيل البتاع دا بتاع الهواء


    دا منظر اللمبات بس الصورة مش واضحة طيب عشان نفك نعمل إيه
    هيبقى فيه فيشة واصلة للمبة العالية نفكها أول حاجة
    بعدين فيه كلبسة سوداء بنشدها لورا بيطلع معانا اللمبة الصغيرة وكذلك اللمبة اللى جمبها النور العالى
    وبعدين نشيل اللمبة اللى عايزين نغيرها ونجيب البديلة و نركبها ونعمل العكس عشان نركب

    ناخد بالنا كويس من الحتة دى الكاوتشة أو الجلدة ليها تصميم معين إزاى لما تيجى تخلعها بتشدها من الطرف بتاعها بتطلع معاك حلااااوة

    طيب لما تيجى تركبها بتضغط عليها من ورا بحيث إنك تعكس شكلها شوفوا الصور هتفهموا عشان تعرف تركبها تانى يا سلام حتى الكاوتشة عاملين فيها شغل أنا عرفتها بالصدفة لأنها غلبتنى لما جيت أركبها

    دى الصورة بعدا ما عكسناها


    ولنا فى الحديث بقية عشان بابا صحى وعايز يقعد ع الفيس <<<<
    [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

  • #2
    نكمل موضوعنا

    ناخد بالنا كويس جدا لما نيجى نركب البطارية نعمل إيه نركبها مكانها ونوصل السلك الموجب الأول وبعدين السلك السالب وإياك نعمل العكس
    كدا تقريبا خلصنا من الفانوس الشمال
    الفانوس اليمين نفس الكلام بالنسبة للمبتين الصغيرة ولمبة النور العالى مع فرق إن هناك مش هنفك لا بطارية ولا غيره عشان نفك الجلدة

    كدا يبقى باقى لمبتين لمبة الإشارة ولمبة الزينون نعمل إيه فيه غطاء مستطيل الشكل سيبك منه ما تفكهوش إحنا هنفك الحتة الفبر كلها المرة دى كلها على بعض وهتبقى أسهل فى الفك من القطعة الفبر اللى فى اليمين لأنها فى الغالب بتبقى اتفكت قبل كدا تغيير سيور وكدا

    فيها مسمارين من برا هنفكهم الباقى 3 قطع جلد إحنا هنمسك من الحتة اللى فيها المسامير اللى فكينها ونشد هنطلع الجلد وهيطلع معانا الفبر كله بالشكل دا

    كدا نعمل الشغل اللى إحنا عايزينه ناخد بالنا إن الغطاء الفبر دا بيتفك عشان أكتر من حاجة مش حاجة واحدة بس زى تغيير سير الدينامو والكاتينة والكشف على الدراير وتغيير قربة مياه المساحات اللى هى فى الوش على طول
    والله أنا كنت مصور شوية صور تانيين أوضح كمان من دول بس ضاعوا
    حتى صور الفوج لايت ضاعوا للأسف
    بس هبسط فكرته هو أنت ممكن تفك الشبكة دى هى داخلة نظام ضغط للاسف الصور ضاعت
    الشبكة ى بتتفك أزاى ؟ نجيب مفك ونفكها من فوق الأول هى داخلة ضغط وطبعا بنفك لوحة أرقام العربية الأول
    وبعدين فيه وش بلاستيك على كل فوج لايت مش هقولك نشيله يادوب نطلعه من الناحية اللى هتمنع الشبكة من الطلوع عشان نطلعها بسهولة وللعلم هى عندى لقيت فيها مسامير صاحب العربية السابق كان مركبها مش عارف ليه الظاهر كانت بتشخلل معاه حب يثبتها ههههههههه

    المهم بعدين هتطلع الشبكة وهيظهر الفوج لايت على الطبيعة فيه مسمارين فى كل فوج واحد هتبقى شايفه من برا واللى جوا هيبقى مخفى طبعا بالنجمة هتعرف تجيب الاتنين وتطلعهم

    فيه طريقة تانية أحسن بقى إيه هى ؟ نفك الاكصدام كله أنا مقتنع بحاجة كل ما تفك أكتر كل ما ترتاح أكتر وتفهم أكتر

    عايز تفك حاجة فى إطار ضيق ممكن تكسر :)

    قريب جدا هفك الإكصدام إن شاء الله

    بالصدفة لقيت إن لوحة الأرقام ورا ليها لمبتين فى حتتين زجاج كددا وما كانوش بينوروا برضه داخلين ضغط هيطلعوا بسهولة
    نفك الفيشة بتاعتهم نظام كلبسة ضغط برضه
    ناخد بالنا أوعى الفيشتين يقعوا جوا الإكصدام عشان هيتعبوك على بال ما تطلعهم تانى وبرضه الصور ناقصه فيه صورتين أهم مقاس اللمبات برضه
    w5w والمقاس دا هو مقاس لمبة الشنطة برضه ولمبة درج التابلوه

    مكان السهمين دول هنبتدى نطلع حتة الزجاج ونطلع اللمبة ونغيرها
    [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

    Comment


    • #3
      تسلم ايدك يا باشا عالشغل العالي


      انا فعلا كنت جايب لمبات صغيرة w5w عشان اركبها و فشلت في التركيب بنفسي لأني ما كنتش عايز افك

      بس معنى كلامك ده اني عشان اغير اي لمبة في الفانوس لازم افك كارتيرة العجل ؟ ايه البهدلة دي ؟ :(
      ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

      [sor2]http://imageshack.us/a/img838/2058/8l0n.jpg[/sor2]

      Comment


      • #4
        اللمبة w5w فى كلا من الفانوسين تفكها من غير ما تفك كارتيرة هى واللمبة العالية راجع الموضوع

        اللمبة الزينون شمال تفك العجلة الأول وبعدين الغطاء وبعدين اللمبة عليها هى كمان غطاء

        اللمبة الزينون يمين أسهل ليك إنك تفك الكارتيرة لأن هتبقى أصعب عليك وهى عملية سهلة بس عايزة النية مش أكتر

        وخلى بالك لو حضرتك مش بتاع شغل وفك وتركيب ومعندكش صبر نصيحة متغيرش منهم حاجة عشان متدعيش عليا هههههههههههههههههه بس هو حكاية سهلة والله أنا تعبت فعلا عشان أعرف لكن طلعت بنتيجة أرضتنى برضه
        [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

        Comment


        • #5
          100 100 بس مش كنت نزلت الاكصدام وخلاص
          لا حول ولا قوة إلا بالله..متى سيموت الإهمال في مصر

          Comment


          • #6
            قريب إن شاء الله هنزل الإكصدام كله لما آجى أغير زيت
            [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

            Comment


            • #7
              آه نسيت اللمبة الفوج مقاس H11

              ياريت تدخلوا هنا
              Quality Car Bulbs, Brake Light Bulbs and other Auto Bulbs
              501 (W5W) fitting, 5 Watt wedge (push fit) LED bulbs for cars, vans and motorcycles.
              اللنك التانى دا هو محور النقاش


              يا جماعة إحنا عندنا اللمبة مقاس w5w عادية خالص تخيلوا بقى لو غيرناها باللمبة ال led إيه رأيكم ؟
              [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

              Comment


              • #8
                سؤال بالنسبة للمبة الزينون
                انا فكيت الفتحة اللي في الكارتيرة تحت , و فكيت الغطا المدور

                و باوصل للفيشة نفسها باشدها باحس انها جامدة و باخاف اتغابى عليها اكسرها

                هل ليها كليبس ولا اي حاجة بتعوز تتفك الاول ؟
                ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

                [sor2]http://imageshack.us/a/img838/2058/8l0n.jpg[/sor2]

                Comment


                • #9
                  اللمبة متثبتة ضغط متشدش من الغطاء وراء الغطاء هتلاقى الطرف البلاستيك بتاع اللمبة شد منه بميل لليمين هتطلع معاك اللمبة

                  لو بصينا لقاعدة اللمبة البلاستيك هنلاقى فيها حتة بارزة الحتة دى لما نيجى نركب اللمبة بندخلها فى الفتحة بتاعتها الأول بعدين نضغط على اللمبة عشان تتثبت بالضغط
                  [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

                  Comment


                  • #10
                    خلاص بقى ساعتها طلعتها فعلا , لكن عرضتها للهوا تقريبا و هي منورة فانفجرت , و طلعت عالكهربائي ركب غيرها و ثبت التانية و خلاص :)))))))
                    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

                    [sor2]http://imageshack.us/a/img838/2058/8l0n.jpg[/sor2]

                    Comment


                    • #11
                      منا حذرت وقلت فى الموضوع مينفعش تشغلها برا عشان بتسخن قوى والحمد لله إنها لم تؤذيك
                      [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

                      Comment


                      • #12
                        طب لو سمحت انا عايز افك لمبه الاشاره الشمال اللي تحت البطاريه ايه افضل وسيله .انا كنت منزل الاكصدام وعلشان كانوا بينظفوا الفانوس و ركبوا واحد تانيه غير اللي كانت موجوده و كل اللمبات شغالين ماعدا اللمبه ديه و بالصراحه مش عايز انزل الاكصدام تاني وحولت ووصلت ليها و قعدت الفها علي اساس انها تشتغل بس مفيش فايده فانا عايز اطلعها و اجيب واحده تانيه و هو المفروض بعد ما تركب تتلف يمين ولا شمال علشان تثبت و تتشتعل
                        [COLOR="Blue"]AHMAD RAMADAN[/COLOR]

                        Comment


                        • #13
                          المشاركة الأصلية كتبت بواسطة mohammedaladel مشاهدة المشاركة
                          آه نسيت اللمبة الفوج مقاس h11

                          ياريت تدخلوا هنا
                          quality car bulbs, brake light bulbs and other auto bulbs
                          501 (w5w) fitting, 5 watt wedge (push fit) led bulbs for cars, vans and motorcycles.
                          اللنك التانى دا هو محور النقاش


                          يا جماعة إحنا عندنا اللمبة مقاس w5w عادية خالص تخيلوا بقى لو غيرناها باللمبة ال led إيه رأيكم ؟
                          من اين نشتريها و بكام؟

                          Comment


                          • #14
                            المشاركة الأصلية كتبت بواسطة airfox مشاهدة المشاركة
                            طب لو سمحت انا عايز افك لمبه الاشاره الشمال اللي تحت البطاريه ايه افضل وسيله .انا كنت منزل الاكصدام وعلشان كانوا بينظفوا الفانوس و ركبوا واحد تانيه غير اللي كانت موجوده و كل اللمبات شغالين ماعدا اللمبه ديه و بالصراحه مش عايز انزل الاكصدام تاني وحولت ووصلت ليها و قعدت الفها علي اساس انها تشتغل بس مفيش فايده فانا عايز اطلعها و اجيب واحده تانيه و هو المفروض بعد ما تركب تتلف يمين ولا شمال علشان تثبت و تتشتعل
                            رديت على حضرتك فى الموضوع اللى انت عامله
                            [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

                            Comment


                            • #15
                              المشاركة الأصلية كتبت بواسطة tarek7elmy مشاهدة المشاركة
                              من اين نشتريها و بكام؟
                              والله ياباشا أنا كنت بسأل زيى زيك لعل وعسى حد يكون عنده فكرة
                              [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

                              Comment

                              Working...
                              X