ميجاوى جديد جدا

[kimo1972]

السلام عليكم الاحباء الكرام
بفضل الله وكرمه اشتريت سيارة رينو ميجان يوم 6/ 8 يعنى تقريبا بقالها معاى 25 يوم... اسمحولى باه اصدعكم شوية
العربية جبتها عن طريق الانترنت من شخص محترم من العجوزة ودى بياناتها وحالتها ساعة ما اشترتها
1- السيارة ميجان 2 موديل 2005 الفئة الاولى دون فتحة سقف ( مرايات ضم /ستاير خلفية / جنوط اسبور 16 بوصة ( مش الاصلية) / كاوتش جديد سرعات بريدجيستون) اللون سلفر رشة جنبين سقف وشنطة وكبوت فابريكة
2- حالة العربية :- عداد 83 الف كيلو / محتاجة رش جنبين بس مش اوى تمشى كده / الكشافات الامامية كانت بتعلق/ حكة فى الجنب اليمين/ خبطة فى عتبة الباب الامامى يمين / ستاير البابين اللى ورا مش موجودين / موتور رفع الازاز جنب السواق بيعلق / الصيانة كاملة بتاعتها كانت فى فرنش موتورز ومعمولة على ال60 الف
المهم خلصت الحمد لله من صاحبها على 51 الف جنيه ورحنا خلصنا تانى يوم فى الشهر العقارى بتوكيل
.... الصيانة التى قمت بها للسيارة:-
طلعت على الحرفيين يومين بلياليهم عملت الاتى:-
1_ صيانة سرفيس اعتيادية ( زيوت وفلاتر وسير الدينامو وتنظيف راداتير)
2_ لمعت الكشافات الامامية وغيرت فبشة الكهربا واشتغلت عادى الكشافات
3- غيرت موتور الباب بتاع الازاز
3- ركبت 2 كارتيرة امامى
4-اشتريت بعض الاكسسورارت
5- غسلت كيماوى بره وجوه
المهم انى صرفت ما يقرب من 3 الاف جنيه
يعنى توتال العربية 54 الف جنيه
طبعا كنت فرحان بيها جدا لانى اصلا بعشق الرينو
ملاحظاتى:-
بقالى اكتر من اسبوع دلوقتى حاسس ان العربية مخنوقة لما بطلع بيها ( من غير تكييف) وبعد كده العربية ناعمة وبتشد قصاد اى عربية
وساعات بحس برجة خفيفة فى الموتور لما بهدى او ادوس على الفرامل فجاة
النهاردة باه بشغل التكييف سمعت صوت عالى جدا زى صوت التخبيط زى كده لما نشغل المروحة ونحط ورقة فيها نفس الصوت وكمان السرعة الرابعة مش شغالة اصلا والكلام ده كله جديد يا جماعة مكنش فى العربية اول 15 يوم
ممكن لو سمحتم حد يدلنى ايه التغيرات دى
اسف على الاطالة

[m7mdwagih]

بص انا الي اعرفة بس ان الصوت بتاع التكيف ممكن يكون من المروحة الداخلية (بلاور) والله اعلم

[kimo1972]

شكرا على الرد
متابع اراء الناس فى حكاية خنقة العربية دى لانها الاهم يا جماعة