سؤال مهم اوي

[Mamoud salah H]

انا لسة جديد معاطوا هنا ومعايا ميجان ومعرفش عنها حاجة وعندي س هو انا اول لما ادور العربية
الكمبيوتر بيعمل تشيك لكل حاجة فب العربية ولا مش بيحصل يعني مثلا اول ما ادور
بيظهر علي الشاشة check emissions
check airbagوكذا حاجة كمان وبعدين بتختفي دة كدة طبيعي ان العربية بتعمل تشيك للحساسات ولا كدة في غلط

[Shiref_mohamed]

كده فيه حاجات مش مظبوطه
الأيرباج (مكن يكون الشريط مقطوع)
حساس اكسجين مش شغال

[MohammedAladel]

زى ما قال الأستاذ شريف بس أنا أحب أوضحلك طريقة دوارة ميجان
وهى بتدور جميع اللمبات اللى فى التابلوه بتنور وتطفى تانى
شاشة الكمبيوتر بتجيبلك الرسالة دى oil level correct وبتجيبلك الرسالة دى لو كان خاصية الإضاءة الأوتوماتيكية موقوفة Autolights deactivated ولو شغالة Auto lights activated لو طافى الإيرباج للراكب الأمامى بيجيبلك passenger air bag off دا الطبيعى بتاع ميجان غير كدا يبقى غير طبيعى

[Mamoud salah H]

هو فعلا العربية محتاجة حساس شكمان عشان بايظ طب وموضوع شريط الايرباج دة مكلف اوي يعني ولا نظاموا ايه ودة بالنسبة لل6 ايرباج كدة ميفتحوش خالص ولا ايه

[MohammedAladel]

لأ الإيرباج بتاعتك إنت بس يا باشا أما الباقى شغالين

[airfox]

ان شاء الله خير انا لسه مغير حساس الشكمان في صقر قريش و جبته استيراد ب 150 و تركيبه سهل بس فك القديم هو اللي بياخد شويه وقت . وهو كان سعره في التوكيل 950 من غير الضريبه . بس لو هتشتريه استيراد نصيحه و انت بتشتري قوله علي التجربه وركبه و انت هناك احسن علشان لقدر الله لو كان بايظ تلحق تغيره . انا جبته من محل اسمه الاصدقاء .

[Mamoud salah H]

الف شكر يارجالة طمنتوني والله الواحد كان قلقان عندي استفسار كمان صغير
العربية موديل 2007 كاملة مانيوال
فابريكة برة وجوة جميع الكماليات+مثبت سرعة
وكبس الموتور بتاعها 75% وكلو تمام بعد الكشف عليها بالكامل سعرها يعمل كام كدة
وفيها جنوط اسبور بس مش اصلي بتاعتها

وصحيح هو شريط الايرباج دة حكايتو ايه بقي وتكلفته ايه
معلش تعبتكوا معايا بس لسة جديد في الميجان بقي

[MohammedAladel]

أنا جبت أوتوماتيك جنوط سبور بتاعتها 16 كاملة من غير فتحة سقف ولا تكييف تاتش مثبت سرعة صاحبها كان عاملها فرش على فرشها الأصلى بس تقريبا بلاستيك فرش زبالة بمعنى الكلمة

والعربية فيها حكة فى العتبة والرفرف الخلفى مع جزء من الباب وكانت ماشية 104500 كيلو خلصت ب 65 بس حالتها كويسة جدا


بالنسبة لشريط الإيرباج سعره ممكن يبقى 850 أو 900 بالمثبت والله أعلم وممكن يقل على كلام الأعضاء هنا

فيه موضوع كنت عامله عشان شريط الإيرباج بالتفصيل شوفه هتلاقيه

أو اشتريه وريح د ماغك

[Mamoud salah H]

ربنا يباركلك فيها والعربية الي انا جبتها وقفت عليا ب 62000 وماشية 70000كم والعربية كشفت عليها طبعا وكلوا تمام معدا الحساس والشريط بس

[Ahmed Selim]

أولاً ألف مبروك و ربنا يديك خيرها و يكفيك شرها

ثانياً حساس الشكمان فى حدود ال 150 إلى 200 جم
و شريط الأيرباج فى حدود 600 إلى 800 إنت و شطارتك فى الفصال.......و مش بياخد أكتر من نص ساعة تركيب.

بس سؤالي..........هل أنت كشفت كمبيوتر و قالولك أن الشريط بايظ ولا مجرد شافوا الرسالة و قالولك بايظ ؟
عموماً هو فيه فيشة بتاعة الأيرباج تحت كرسي السواق بس تمد أيدك من ورا الكرسي هتوصل لها

حاول تهز الفيشة دى أو تفكها و تركبها تاني أو ترش عليها سبراى هواء مضغوط أو wd40 بس لو wd40 تستنى بعد لما ترش حوالي 15 دقيقة علشان ينشف و بعد كده تدور و تركب.

ساعات الموضوع بيكون تهييس من الفيشة نفسها بسبب تراب أو بنّات pins مش واصلة صح.

[MohammedAladel]

لو الشريط مقطوع هتحس بخربشة أ تكتكة وإنت بتلف أنصحك لو ناوى تلحمه فك الدريكسيون وطلع الشريط وخليه معاك

[Mamoud salah H]

أولاً ألف مبروك و ربنا يديك خيرها و يكفيك شرها

ثانياً حساس الشكمان فى حدود ال 150 إلى 200 جم
و شريط الأيرباج فى حدود 600 إلى 800 إنت و شطارتك فى الفصال.......و مش بياخد أكتر من نص ساعة تركيب.

بس سؤالي..........هل أنت كشفت كمبيوتر و قالولك أن الشريط بايظ ولا مجرد شافوا الرسالة و قالولك بايظ ؟
عموماً هو فيه فيشة بتاعة الأيرباج تحت كرسي السواق بس تمد أيدك من ورا الكرسي هتوصل لها

حاول تهز الفيشة دى أو تفكها و تركبها تاني أو ترش عليها سبراى هواء مضغوط أو wd40 بس لو wd40 تستنى بعد لما ترش حوالي 15 دقيقة علشان ينشف و بعد كده تدور و تركب.

ساعات الموضوع بيكون تهييس من الفيشة نفسها بسبب تراب أو بنّات pins مش واصلة صح.

الرسالة الوحيدة الي ظهرت في الكشف بتاعت حساس الشكمان بس حكاية الشريط دي ظهرت علي كمبيوتر العربية بس ومظهرتش في الكشف وعرفت من سؤالي هنا انها شريط الايرباج بس كدة

[MohammedAladel]

رسالة check airbag + مفتاح الأعطال ينور = إما شريط إيرباج إتقطع أو فيشة مهزوزة تحت الكرسى

لو مقطوع هتحس بخربشة فى الدريكسيون وإنت بتلف لو بقاله فترة مقطوع مش هتحس بحاجة بس هيبقى مقطوع برضه عايز تتأكد مقطوع ولا لأ بص فى الفتحة اللى بين الدريكسيون والقطمة الفبر اللى ورا الدريكسيون من فوق هتلاقى علبة سوداء جواها حاجة بيضاء حاول تلف الدريكسيون وإنت بتلف لو الشريط سليم هتلاقيه بيلف حوالين الحتة البلاستيك البيضاء ببطء شديك لو لقيته بيطلع وينزل يبقى مقطوع وش لو لقيته بيجرى جرى يبقى مقطوع

ممكن تلاقى الشريط مش بيلف أساسا ولا موجود حوالين الحتة البلاستيك البيضاء وخلاص اتكرمش ونزل تحت وفى الحالة دى يبقى الشريط مقطوع بقاله مدة حلوة ومع اللف بالدريكسيون اتكرمش تحت واتدغدغ

[MohammedAladel]

الكلام دا عن تجربة وأى أستفسار أنا تحت أمر حضرتك

[Mamoud salah H]

لو لمبة الاعطال دي الي هي علش شكل مفتاح انجليزب دي جنب كلمة ستوب فدي لا مش بتنور عي بس رسالة check airbag