Tweet
بابا جه من مشوار ركن العربية نزلت ركبت لقيت الرخصة قلت أحطها فى الشماسة ما هى ليها مكان ودى أول مرة أحطها
أنا متعود أن ا لشماسة مفيهاش مراية لقيت فيه باب شديته اتفتح لقيت المراية قلت يا سلام يا ميجان كل شوية أكتشف فيكى حاجة مكنتش أعرفها
رحت قلت طيب تعالى يارخصة طيب تتحط فين تتحط فين ؟ فيه رسمة من برا عليها رمز محفظة كدا
رحت سبت الحتة دى وعملت ناصح وحطيت الرخصة بين المرايا وبين الباب وأقفل الباب يا معلم وافتح ملقتش الرخصة الرخصة دخلت جوا إيه العمل أفتح أقفل أقفل أفتح يهديكى يرضيكى مش طالعة
قلت مفيش حل غير إنى أفك المرايا كلها رحت اتغابيت عليها طلعتها مرة واحدة اتكسرت
وبعدين أنا سمى وموتى لما أبوظ حاجة أنا أساسا أى حاجة بايظة لازم أصلحها فوق تحت هتتصلح حتى لو مكنش ليها تصليح
المهم أخدت مقاس المراية رايح أجيب زيها بكرة فيه واحد بيفصل مرايات معتبرة هى مرايا عادية وبسيطة خالص مفيهاش أى شغل مش حاجة فانسى يعنى
ها بقى تنصحونى أفصل مرايا زيها بالظبط ولا هلاقيها متفصلة عند أى حد بتاع مرايات ولا إيه بالظبط
هل فيه أنواع من المرايات دى
للعلم سعرها تفصيل مش هيعدى ال 4 جنيه
بالنسبة بقى لمراية العربية نفسها هل لو اتكسرت بتتفصل وهل اللى بتتفصل دى بتكون بنفس الجودة ولا فيه فرق بين المرايات ؟
عايز حد خبرة فى الموضوع دا يرد عليا
أنا متعود أن ا لشماسة مفيهاش مراية لقيت فيه باب شديته اتفتح لقيت المراية قلت يا سلام يا ميجان كل شوية أكتشف فيكى حاجة مكنتش أعرفها
رحت قلت طيب تعالى يارخصة طيب تتحط فين تتحط فين ؟ فيه رسمة من برا عليها رمز محفظة كدا
رحت سبت الحتة دى وعملت ناصح وحطيت الرخصة بين المرايا وبين الباب وأقفل الباب يا معلم وافتح ملقتش الرخصة الرخصة دخلت جوا إيه العمل أفتح أقفل أقفل أفتح يهديكى يرضيكى مش طالعة
قلت مفيش حل غير إنى أفك المرايا كلها رحت اتغابيت عليها طلعتها مرة واحدة اتكسرت
وبعدين أنا سمى وموتى لما أبوظ حاجة أنا أساسا أى حاجة بايظة لازم أصلحها فوق تحت هتتصلح حتى لو مكنش ليها تصليح
المهم أخدت مقاس المراية رايح أجيب زيها بكرة فيه واحد بيفصل مرايات معتبرة هى مرايا عادية وبسيطة خالص مفيهاش أى شغل مش حاجة فانسى يعنى
ها بقى تنصحونى أفصل مرايا زيها بالظبط ولا هلاقيها متفصلة عند أى حد بتاع مرايات ولا إيه بالظبط
هل فيه أنواع من المرايات دى
للعلم سعرها تفصيل مش هيعدى ال 4 جنيه
بالنسبة بقى لمراية العربية نفسها هل لو اتكسرت بتتفصل وهل اللى بتتفصل دى بتكون بنفس الجودة ولا فيه فرق بين المرايات ؟
عايز حد خبرة فى الموضوع دا يرد عليا
Comment