عايز اغير المساعديين والسوست للفلوينس

[Ahmed Selim]

طيب فى حاجة تانى تدينا راحة عالية فى ال كونى
او فى ماركة تانية زى ال مونرى (monroe) او (bilstein).
BILSTEIN B6 Adjustible 10

BILSTEIN B8

للأسف مش هقدر أفيدك لعدة أسباب.......أهمها أن موضوع الراحة ده نسبي.....يعنى أنت حاسس الفليونس عفشتها ناشفة ممكن أنا أركبها أحس أنها ناعمة.

بس كقاعدة عامة........أداء أعلى= نعومة أقل

ده غير أن أى حاجة manually adjustable هيبقى الموضوع معاها مش سهل زى ما أنت متوقع...........يعني ماشي جوة البلد و سرعات عادية هتبقى محتاج أقل أداء علشان تحس بنعومة أعلى
لو هتطلع على طريق سفر هتحتاج أداء أعلى و نعومة أقل
علشان تظبط المساعدين الموضوع مش سهل........يعنى لو ظبطت الأتنين اللى قدام واحد أنشف من التاني بيأثر على عمر المساعد على المدى الطويل......ده غير أن المساعدين الخلفي لازم ترفع العربية علشان تعرف تظبطهم.

[TOOLA]

بس بشكل عام المونرو الماسك توكيلهم غبور و بيدى ضمان سنة مساعدين اداء عادى بس اعتقد اقل من الكونى كجودة, فى لهيطة فى التوفيقية (تقريبا اسمو هشام لهيطة) عندو انواع اخرى من المونرو بس معرفش ايه نظامهم مجربتهومش. و اخيرا تجربتى مع البيلشتاين مكنتش لطيفة, مساعد ناشف جدا و ده نفس احساس صديق جربهم قبل كده.

بص عشان مدوخش نفسك انا معرفش انتا بتشتكى من ايه, بس اصبر على المساعدين العندك لغاية مايفرهدوا شوية, و بعديها لو عاوز تحسن اداء ثبات العربية ساعتها عليك و على الكونى بس اعمل فى حسابك لو ركبت السبورت فده هينشف العفشة شوية و لو ركبت الزى الستوك اعتقد ممكن تديك اداء افضل شوية و مش هتنشفلك العفشة اوى يعنى.