في حاجة غريبة اوي حصلت في التكييف النهاردة

[Ahmed Aly]

صباح الخير علي الجميع

النهاردة كنت مشغل التكييف ونزلت اجيب حاجة من أون .ا رن وقفلت العربية من غير مقفل التكييف طبعا هو اتقفل لوحده لما ركبت تاني ودورت العربية المروحة اشتغلت و الكمبريسور مشتغلش و لقيت حاجة زي بخار مية او دخان مش عارف ملوش ريحة طلعت من الهوايات المهم ركنت و قفلت المروحة شوية والتكييف وبعد خمسة دقائق شغلتهم لقيت مفيش حاجة والدنيا تمام فبصراحة استغربت اوي

ممكن يكون بخار عشان المروحة هية اللي اشتغلت ساعتها بس مش عارف ربنا يستر

اه بالمناسبة لو عايزين الميعاد بتاعنا يرجع 5-7-2008 مفيش مشكلة انا ظبط موضوع السفر

احمد علي

[ahmediz2000]

لا ده مش دخان ولا حاجة ... عارف انت لما تفتح تلاجة البيت ..شفت الهوا اللى بيطلع منها ... هو ده . انا حصلت معايا قبل كده

[Ahmed Selim]

معلش شيك على الفريون ممكن يكون فى حاجة سربت فريون لا قدر الله

أنا حصلت معايا فى عربية تانية زمان أن كان فى تسريب فريون طلعلى جوة العربية على شكل دخان بس من غير ريحة خالص تقريباً

شيك مش هتخسر حاجة