الرجاء المساعدة في AUX ميجان 2 update list

[luai aziz]

قرات كثيرا في هذا المنتدى وغيره من المنتديات الاجنبية امكانية توصيل aux اذا كان الكاسيت داعم لل update list ، انا الكاست عندي داعم لهذه الخاصية ، وقرات انك ممكن تجيب وصلته من clarion اللي في المهندسين او مصر الجديدة ، وبالفعل لقيت الوصلة وركبتها في الكاسيت من ورا لكن الغريب انه لم يعمل. تاكدت كثيرا من موديل الكاسيت والسيارة ولقيت انه من المفروض ان يعمل . الراجل اللي شغال في كلارويون قالي مفيهوش aux support!! ازاي طيب والفتحة موجودة من ورا زي اللي بشوفها على النت بالضبط .. وليه قالي كده بعد ما ركبها وفشل في تشغيلها؟

الرجاء الافادة من حيتان الميجان لانه الموضوع عاملي ازمة

[تامر.محمد]

هل بتعمل الsource في الكاسيت انه يبقى AUX و انت بتشغله ؟

[abdo_2812]

لازم حضرتك تغير الـ Source وتخليه AUX

السؤال بقى، فين Clarion ده علشان أجيب منه الوصلة؟ :)

[Ahmed Selim]

على ما اذكر كان لازم تعمل activation للخاصية دي من خلال الكاسيت نفسه بس مش فاكر ازاي

[luai aziz]

لا انا مش عارف ازاي اعمل اكتفيت .. انا بفضل دايس على زرار update list لحد ما تتكتبلي الكلمة دي على الشاشة ، لكن بعد كده مش بعرف اشغله ازاي.

[flek_a]

حضرتك بتغط ضغطة طويلة على الزرار الى عليه علامة الموسيقى فى الكاسيت نفسه اللى بنزبط منه الاكواليزر وبعد كده هتستخدم ال wheel وتقلب لحد ما تلاقى AUX هتلاقيها off اضغط على الزرار اللى بيعللى الصوت من التحكم اللى تحت الطارة برضو علشان يكون on وبعد كده تدوس على زرار الموسيقى تانى وبعد كده لما تقلب فى السورس هتلاقى ال AUX موجودة

وان شاء الله تقدر تشغل ال AUX براحتك

[medori]

حضرتك بتغط ضغطة طويلة على الزرار الى عليه علامة الموسيقى فى الكاسيت نفسه اللى بنزبط منه الاكواليزر وبعد كده هتستخدم ال wheel وتقلب لحد ما تلاقى AUX هتلاقيها off اضغط على الزرار اللى بيعللى الصوت من التحكم اللى تحت الطارة برضو علشان يكون on وبعد كده تدوس على زرار الموسيقى تانى وبعد كده لما تقلب فى السورس هتلاقى ال AUX موجودة

وان شاء الله تقدر تشغل ال AUX براحتك

+1111
بالضبط كده long press على علامه الmusic note هيظهرك list من الoptions بتاعت الكاسيت و هتلاقى الaux رقم 5 او 6 تقريبا هتلاقيه off غيره من الsound control و بعدين enjoy

السؤال بقه جبت الوصله بكام؟

[luai aziz]

شكرا للجميييييع وجدت aux ونجحت في تشغيله ، اما بالنسبة للناس اللي بتسأل عن الوصلة .. هي سعرها 75 جنيه في clarion مهندسين او مصر الجديدة .. مكان فرع المهندسين في شارع احمد عرابي بجوار جنيدي للسيارات وبجوار مكتب وزارة الخارجية.

مشكورين جميعا :)

[MohammedAladel]

نفس اللى حصل معايا بعد ما ركبت الوصلة ماكنتش مفعل الخاصية من الكاسيت

طبعا الأعضاء الكرام شرحوا الطريقة وإن شاء الله تشتغل

بالنسبة للوصلة أنت ممكن تجيب سلك عادى جدا بجاك اللى هو زى اللى سماعة الكمبيوتر الهيدفون

بس هتقابلك مشكلة السوكوت دا ممكن تلاقيه عند أى كهربائى بس لازم يكون فتحته على قد ال pin بتاع الوصلة من ورا فى الكاسيت

أنا بقى جبت السوكوت دا من فيشة باور سابلاى قديم بتاع كمبيوتر بايظ الفيشة اللى بتبقى رايحة للبوردة فيها شوية حلوين يعنى ممكن تستعملهم

[hossam_elwani]

موضوع مميز