التحكم فى إضاءة الزينون يدويا

[MohammedAladel]

السلام عليكم

ياريت أى حد عنده خبرة فى الموضوع يفيدنى بسرعة

لأنى بصراحة بعد ما غيرت الوضع بتاع اللمبات ماشاء اللمبة على صفر تعمى أحلى عربية وعلى 4 اللمبات بتسبح ربنا يعنى لو عربية نقل وجبت على 4 هتعميه وش

المشكلة بقى هههههه إنى مش عارف أرجع الوضع القديم تانى مفيش استجابة

ودلوقتى الوضع صفر بقى عالى جدا أكتر من 4 قبل التغيير

[ecybrarian]

في رجلاش للفوانيس في اتجاهين افقي ورأسي..تعديل وضع الفوانيس رأسيا (فوق وتحت) اسهل...ها تحتاج الان كي 6مم وتدخله في الفتحة إللي مكتوب عليها واحد في الصورة
[url=http://www.nileup.com/]

اهم حاجة خللي بالك ظبط الفوانيس عمل معياري زي ظبط الزوايا كدا...اهم حاجة تظبط موتور الفوانيس على 0...وتوقف العربية في مكان مستقيم وليس مائل وتتأكد من ان كل العجل مظبوط في ضغط الهواء

راجع الصفحة رقم 19 في الملف MR364MEGANE8.pdf من ملفات صيانة العربية

[MohammedAladel]

مهو المشكلة يا باش مهندس إنى رحت فتحت الكبوت وأنا جايب النور على 4 وهات يا ربط فى المسمارين اللى فىالفانوسين لحد ما النور على خالص وحاولت أرجع للوضع السابق تانى معرفتش

[ecybrarian]

- حط مواتير الفوانيس على 0
- حط العربية لازقة في حيطة ونور النور (البديل إن تقيس ارتفاع اللمبة من الارض)
- علم على نقطة ارتكاز النور على الحيطه
- ارجع بالعربية بتاع 7 متر للوراء
- ظبط النور على العلامة على الحيطة...المفروض إن النور يكون فوق العلامة وانت هاتنزل به للعلامة

[MohammedAladel]

مهو يا باش مهندس بلف فى المسامير بالألانكيه مش بتعمل أى حاجة خالص بتلف على الفاضى لا فى اتجاه عقارب الساعة ولا عكس الاتجاه

[ecybrarian]

!!!!!!!!!!!!!!!!!!! بتلف على الهوا....انت اكيد متأكد من إن مقاس المفك مظبوط...المشكلة إن المفك دا اصلا بيلف موتور الفانوس..في الحالة دي ممكن تكون الصامولة اتفكت في موتور الفانوس او (لا قدر الله) تكون الصامولة اتبرت (اتمسحت اطرافها) وفي الحالة دي ممكن تحتاج تغير موتور الفانوس...المشكلة دي في الفانوسين ولا في واحد فقط؟؟؟

[ibn_seena]

متابع
بس عاوز اعرف. هي تفرق في ايه ظبط الفوانيس وهي علي 0. او 4

[MohammedAladel]

المشكلة فى الفانوسين للأسف

لو مكنش كدا أنا قريب هفك الأكصدام وهطلع الدنيا باللى فيها وهشوف إيه النظام لأن مفيش استجابة نهائى والنور بجد بقى يعمى

[MohammedAladel]

متابع
بس عاوز اعرف. هي تفرق في ايه ظبط الفوانيس وهي علي 0. او 4

هو الكتالوج بيقول كدا الظاهر عشان تعرف تظبط كويس لأن صفر بيبقى أقل حاجة فإنت بتظبط عليه مينفعش تظبط على 4 الأول

هى المشكلة عندى دلوقتى إن المسمارين بيلفوا تمام لكن مفيش أى استجابة يعنى زى ما تقول بيلفوا على الهواء

يعنى عليت منهم لكن جيت أرجع تانى للوضع القديم مفيش استجابة لا من دا ولا من دكها

اللى خلانى عملت كدا اللمبة الشمال عندى كانت أضاءتها أقل من اليمين

لكن حتى بعد ما عليت للعلم المسمار اللى فى الفانوس اليمين بيعلى الفانوسين لفوق

لكن برضه حتى بعد العلو الفانوس الشمال أوطى درجة من اليمين

استنتجت إن دى عيب لمبة مش عيب ضبط

[Ahmed Amin]

السلام عليكم



لأنى بصراحة بعد ما غيرت الوضع بتاع اللمبات ماشاء اللمبة على صفر تعمى أحلى عربية وعلى 4 اللمبات بتسبح ربنا

اللمبات بتسبح ربنا
الله يرحم والديك يا شيخ, ضحكتني للركب..
المصرين دوول تعبيراتهم زي العسل و مالهومش حل

[MohammedAladel]

ربنا يرحمنى برحمته