سيارتى فلوينس 2010 سوداء خبطتنى سيارة نقل

[mmys]

سيارتى فلوينس 2010 سوداء خبطتنى سيارة نقل واحنا واقفين فى كمين الكيلو 109 طريق مصر-السويس اثناء محاولتى الدخول فى ممر الكمين وكانت الخبطة فى الباب الخلفى الايسر ولكن الباب بيفتح ويقفل تماما مثل الآول.
ارجو الافادة هل الباب محتاج تغيير أم ممكن يتسمكر وهل يتم عمل ذلك فى التوكيل ولا بره التوكيل أفيدونى أرجوكم لأن حالتى النفسية مش تمام بسبب ذلك.

[bukla]

لا حول و لا قوة الا بالله
قدر الله ما شاء فعل
لو روحت التوكيل حيقولك تغير الباب فأعتقد ان لو حضرتك صورت الخابطة كام صورة و حطيتهم هنا علشان الصورة حتوضح حجم الخبطة ممكن تبقى بسيطة ان شاء الله و حد من الاخوة يدلك على سمكرى كويس يصلحها ان شاء الله
بالتوفيق ان شاء الله

[mmys]

سوف ارسل صورة الخبطة قريبا.

[tareksedra]

سمكره ابواب الفلوينس عموما صعبه جدا لان الباب تقريبا مقفول كله من الداخل بعضم صاج تقيل وعلشان يتسمكر لازم الصاج يتقطع و يتلحم تانى وعمليه هتكون صعبه و عايزه سمكرى شاطر جدا و اعتقد مش هتكون عمليه للاسف ابواب العربيه معموله كده نوع من الحمايه فى الحوادث التقيله لكنها بتكون مشكله فى الخبطات الخفيفه كان فى واحد زميل فى المنتدى حصل معاه حادثه فى بابين على ما افتكر و جابهم استيراد من الحرفيين لو الباب عندك بيقفل و يفتح عادى عليك و على الحرفيين وخد وقتك تدور على باب استيراد كامل هيكون افضل

[mmys]

شكرا على الرد ولكن هل عند حضرتك فكرة عن ثمن الباب الاستيراد وهل ممكن يكون مدهون وبنفس لون السيارة.

[tareksedra]

ده لينك عن موضوع كان اتعمل فى المنتدى عن ابوب الفلوينس وواضح فيه صور للابوب ....للاسف معنديش معلومه عن اسعار الابواب الاستيراد كام http://www.nilemotors.net/Nile/245519-a-3.html

[mmys]

شكرا على الاهتمام وسرعة الرد.

[kliken]

قدر الله و ما شاء فعل ما تزعلش نفسك يا باشا
انا تقريبا شفت عربيه حضرتك عند الكمين بعد الخبطه هى كانت يوم الجمعه بليل حصل خير يا باشا و بسيطه ان شاء الله
انا حصلى نفس الموقف قبل كده فى نفس المكان بعربيتى القديمه فعلا دخله الكمين محتاجه وقفه و شغل لتلافى الحوادث المتكرره
اخيرا اتمنى اقابل حضرتك فى ظروف احسن ان شاء الله بلديات بقا ( :

[mmys]

فعلا يااخ Kliken هيا كانت يوم الجمعة الماضية ليلا حوالى الساعة 7:30 وأهلا وسهلا بيك.

[tareksedra]

شكرا على الاهتمام وسرعة الرد.

العفو يا باشا اتشرفت بحضرتك

[yalahwy2010]

انا كان عندلا خبطة وحشة اوى فى العتب بتاع الميجان......ولما روحت لسمكرى ....عمل طريقة حلوة اوى عشان يسحب العتب لبرة.......خرم حولين الحتة المخبوطة بمسمار .....وبعد كدة دخل مسمار قلووظ فى الفتحة وسحبها لبرة......وبعد كدة بالمعجون قدر يظبط العالى مع الواطى
فا مش عارف ....هل نفس الفكرة ممكن تتعمل مع الأبواب؟ ولا لأ
ولو هتجيب باب اسنيراد .....انا رأى.....تروح لسمكرى كويس يظبطلك الباب القديم أحسن
لأن انا متأكد ان الباب الاستيراد مش هيقل عن 1500 جنيه
وابقى طمنى...وبالتوفيق
وألف سلامة عليك

[mmys]

انا صورت الخابطة ولكن كيف يتم رفع هذه الصور حيث ان كل صورة حجمها اكبر من 2 ميجابايت

[mmys]

اسف على التأخير فى رفع صورة الخبطة
وصورة الخبطة فى الرابط التالى

[mmys]

صوورة اخرى

[MohammedAladel]

باب الفليوانس بيبقى فيه حتت صلب لازم تتفك عشان يترد أنا قرأت الكلام دا فى موضوع هنا

سمعت برضه عن الرد بالشفظ بس مينفعش فى الحتت اللى فيها عضم يعنى فى العتب مثلا مينفعش والله أعلم