عايز أبيع الكليو على أخر السنة أجيب ايه؟

[Amr_Moh]

السلام عليكم يا وحوش أرجو أن تكون جميعاً بخير

محتاج رأيكم في الموضوع دة

عايز أبيع الكليو على أخر السنة أجيب اه؟

أولاً :عايز أبيع الكليو بتاعت زوجتي على أخر السنة
أول يد ٢٠٠٣ تكييف وباور وكاست وسي دي تشنجر بيونير ,فبريكة تماماً لون فراني إستعمال خفيف جداً عملة ٦١٠٠٠ كم فقط وتم عمل صيانة ال-٦٠ كاملة من إسبوع (سيور ،فلاتر ،كاتنة ...إلخ ) حالة ممتازة و تم عمل الفحص الفني في المرور وتجديد الرخصة لمدة عام - فقط تحتاج كاوتش .

ثانياً : سعرها كام اليومين دول

ثالثاً :أجيب بدلها اه علماً أنها لزوجتي "يعني عايز عربيه حريمي " في حدود ٩٠-١١٠ أو أكتر شوية

ملحوظة أخيرة : أنا حشتري الأول وبعدين أبيع على مهلي لظروف العمل والمشاوير اليومية

في إنتظار ارائكم

[Amr_Moh]

ملحوظة أخيرة أخيرة

٢٠١٠ أو ٢٠١١ ماشية قليل أو كسر ذيرو ٢٠١٢ شغااال

[shawkylotfy]

هتلها كيا سول الجديدة اوتو عربية محترمة بس هتها الى فيها abs علشان الامان

[MohammedAladel]

فيات بونتو وسعرها معقول

[ramy_gamal]

ممكن اوبل كورسا تكون كسر زيرو وحاله كويسه بس ممكن السعر يزيد حاجه بسيطه

[Ahmed Selim]

أنت ميال لأيه ؟؟؟

يعني أوروبي برضه زي فليونس أو ميجان iii مستعمل موديل 2010 ؟

و لا ممكن حاجة زى الصني الجديدة زيرو ؟

[Land_Cruiser]

لو اكتر شويه ممكن تيدا او فلوانس

[MohammedAladel]

لو فلوانس يبقى خليك فى ميجان هاتش باك

[Amr_Moh]

ملحوظة أخيرة أخيرة

٢٠١٠ أو ٢٠١١ ماشية قليل أو كسر ذيرو ٢٠١٢ شغااال

هتلها كيا سول الجديدة اوتو عربية محترمة بس هتها الى فيها abs علشان الامان

إختيار لطيف و عجبني بصراحة .. وفي منها بينزل بجنط كبير ١٧ شكله تحفة .. عيبها قلة المعروض للبيع وعدم الإنتشار ..
ودة خلاني أنزل اتفرج على التريوس بلاتينم... اه دة !! عربية ظريفة جداً من برة بس فقيرة جداً من جوه أنا مصدقتش إن إلناس دفعت فيها فلوس

ممكن اوبل كورسا تكون كسر زيرو وحاله كويسه بس ممكن السعر يزيد حاجه بسيطه

فحدود كم يا باشا أصلي ماشفتش منها مستعمل... ولا جديد :)

أنت ميال لأيه ؟؟؟

يعني أوروبي برضه زي فليونس أو ميجان iii مستعمل موديل 2010 ؟

و لا ممكن حاجة زى الصني الجديدة زيرو ؟

والله يا صديق بحاول محطش قيود عشان يكون في اختيارات أكتر بس الصني بالذات ألبا على شكل التكسي الإسبرنزة من بره " أذواق عشان محدش يزعل"

إحتمال اجيلك الشهر القادم ولا إنت هنا ؟

لو اكتر شويه ممكن تيدا او فلوانس

معئول خصوصاً اني مقتنع بالفلونس أصلاً وكنت ناوي اجبها بعد الميجان بس ربنا كرم بال-BMW ..يمكن قلقي الوحيد انها كبيرة عليها حبتين

لو فلوانس يبقى خليك فى ميجان هاتش باك

ميجان iii مستعمل موديل 2010 2011
بس مش لاقيها ومش عارف السعر كام لو في حاجة متاحة افتكر تكون إختيار ظريف عن الفلونس

---------------------

شكراً يا رجالة هل من مزيد ... ياريت لو في إقتراحات مصحوبة برانج السعر
ومحدش قال الكليو تجيب كام بالمرة ...

[Ahmed Selim]

مستنيك يا كبير...........دبي تنور :)

الفليونس و الميجان لو عاوز تجيب كسر زيرو هتلاقى فى حدود 110 و أنت طالع حسب الفئة و الكيلومتر.

و لو ماشية فى حدود 70 هتلاقيهم فى حدود ال 100 أقل أو أكتر.

أو حاجة لقطة.............لسه شايف واحدة على النت فليونس 2011 تقريباً ماشية 30 ألف على ما أذكر مطلوب فيها 97.

[shawkylotfy]

لو كيا سول بلاش تجيب ام جنت 17 علشان هتبقى ناشفة فى المطبات هات الجنط ال 16 عملى وهتاها ال فيها abs وبعدين انا شايف ان السول منتشرة

[Amr_Moh]

شكراً يا رجلها على المتابعة وان شاء الله أوافيكم بالأخبار

[Mamoud salah H]

لو حريمي وحاجة صغيرة كدة يبقي عليك وععلي جراند بونتو او بونتو ايفو وبرافو او اوبل كورسا 2012
الزيرو منها اعلي فئة ب 128 تقريبا

[Amr_Moh]

لو حريمي وحاجة صغيرة كدة يبقي عليك وععلي جراند بونتو او بونتو ايفو وبرافو او اوبل كورسا 2012
الزيرو منها اعلي فئة ب 128 تقريبا

جزاك الله خيراً على اقتراحك..

عامتاً التوجه الغالب حتى الأن ميجان ٣ هاتشباك ٢٠١٠-٢٠١١ لو حجيب يوسد .

بصراحة مش حينفع أمشي الكليو والمجان ٢ وعيش من غير عربية رينو فالبيت.

أقابل الوحش بتوع رينو بأني وش ساعتها

[MohammedAladel]

هههههه ربنا يوفقك لما فيه الخير يا وكبير وحوش الرينو