ملاحظة على الفتيس الستبتروينك فى الميجان

[MohammedAladel]

السلام عليكم

لاحظت حاجة مكنتش أعرفها قبل كدا

الطبيعى إننا نشد فرامل اليد ونجيب الفتيس على الباركينج

كدا االعربية قفلت

لو جبت على ال N وبطلت كدا العربية ممورة يعنى لو زقتها بإيدك عادى

الغريب فى حالة إنك لو بطلتها على D أو R أو بعد ما بطلت لى N حركت الفتيس على D أو R

العربية برضه هتتزق معاك ومش بتبقى معشقة زى ما أنا كنت فاكر إنها كدا واقفة على غيار


من الملاحظة دى خمنت وقلت يبقى عشان الفتيس كهرباء

رحت مدور العربية على النظام الوهمى اللى هو بتدوس start خمس ثوانى من غير ما تدوس فرامل

أنا معرفش اساسا هما علملوا النظام دا ليه ؟؟

ونقلت على D سمعت الزنة عادى ونزلت من العربية زقتها اتحركت معايا عادى

ودا معناه إن الفتيس مش بيبقى معشق على الإطلاق طالما الموتور مش داير معرفش دا بسبب إن محول العزوم مش داير ولا إيه بالظبط

فيه حاجة تانى لو إنت مشغل خاصية الإضاءة الليلية والموتور مش شغال لو حركت دراع النور على أول درجة اللى هى بتنور نور التابلوه واللمب الصغيرة بتنور بعد ثانية أوثانيتين

عكس لو مكنتش مشغله بتنور على طول

[bmya]

باشا اي فتيس اتوماتيك كده مش الميجان بس
التعشيقه هي ال P وبسسسس اي نقله تانيه العربيه هتتزق عادي زي ماتكون مموره على N الفرق الوحيد ان العربيه مش هتدور على اي نقله تانيه غير الp & N لكن اي نقله تانيه هتكون متموره يعني العربيه تتزق لكن مدورش برده

[MohammedAladel]

باشا اي فتيس اتوماتيك كده مش الميجان بس كنت عارف إن حد هيدخل يقول يا باشا مش ميجان بس بس الواحد هنا فى قسم رينو فلما بتكلم عن أى حاجة فى العربية بقول كذا ميجان معرفش إيه ميجان مش بيبقى قصدى أخصها هى فقط بالحاجة دى
التعشيقه هي ال P وبسسسس اي نقله تانيه العربيه هتتزق عادي زي ماتكون مموره على N الفرق الوحيد ان العربيه مش هتدور على اي نقله تانيه غير الp & N لكن اي نقله تانيه هتكون متموره يعني العربيه تتزق لكن مدورش برده