ميجان احلى وافضل عربية

[hanyfawzy]

ياشباب انا كان لية مشاركة هنا انى اسافر من السعودية لمصر بالعربية والحمد اللة رجعت بالسلامة بس انا عايز اظبطها واعملها صيانة فى مصر انا بقا عايز نصيحتكم من اللاخراروح التوكيل ولا فى حلول تانية ارخص وفى نظافة التوكيل(ميجان دية حياتى كفاية انى هي محافظة علية كل المسافة دية)

[moumen_hs]

طلما هى حياتك ياباشا عليك وعلى التوكيل بس هو غالى طبعا

[Amr_Moh]

مجرد اقتراح

http://www.nilemotors.net/Nile/273791-a.html

[MohammedAladel]

ألف سلامة لحضرتك ولميجان ربنا يسترها علينا دايما

[Ahmed Selim]

حمدا لله على سلامتك

طيب حضرتك تقولنا عاوز تعمل صيانة كام كم و هل فيه حاجات تانية غير الصيانة عاوز تعملها ؟


التيل الأمامي في السعودية بكام و العربية 2005/2006 و لا 2007 او اعلى ؟

[hanyfawzy]

ايوة في صوت كدة بسمعة فى المطبات تقريبا من العجلة الامامية وعايز اعمل صيانة 120 عشان لمبة السرفيس منورة ومتشكر جدا ياشباب

[Ahmed Selim]

بص أنا عن نفسي كنت بعمل الصيانات فى التوكيل............خصوصاً الصيانات الكبيرة زى ال 20 و 40 و 60 الخ.

بس هتعمل حسابك فى 3000 جم لصيانة ال 120 لو هيغيرولك طرمبة المياه..........هما بيكشفو عليها الأول لو محتاجة تغيير قريب بيغيروها مع الصيانة علشان لو بعد الصيانة جيت تغيرها هيفكو طقم الكاتينة تاني و لو فكوه مش بيركبوه..........لازم جديد.

بالنسبة للصوت مش عارف هو أيه بس هتكون حاجة فى العفشة...........خليهم يكشفوا عليها و دى ممكن تتعمل برة مفيهاش مشكلة إن شاء الله......بس أعرف منهم أيه المشكلة الأول......و بعد كده تعملها عند حد برة.

طبعاً الكلام ده لو وقتك يسمح..........لو وقتك ميسمحش أعملها عندهم و خلاص.

نصيحة حاول تاخد معاك شوية حاجات بسيطة تكون أرخص من هناك............يعنى التيل الأمامي ل 2007 هنا فى الإمارات برة التوكيل ب 400 درهم......فى مصر فى حدود 220 جم...........أرخص كتيييييييير.
و برضه ممكن تاخد معاك كويل أو أتنين أحتياطي.........أكيد هيكون أرخص برضه من هناك.