كيفية فتح الميجان بدون المفتاح ؟؟؟

[imust]

البطارية نامت امبارح، فالكارت مش شغال. حاولت أفتح بالشريحة و منفعش...
فهل المفتاح دة يستعمل بطريقة معينة ولا ملوش لازمة ؟ أنا قرأت على النت، لزم يتفتح من الباب الراكب.

بس الحركة بقى ازاي؟؟؟؟؟؟

أرجو الرد السريع...
شكراً.

[imust]

أنا عندي المفتاح مفيهوش حاجة تبين عليه إن بيفتح ، هو بس حتت معدن مستطيلة.

أنا خائف جداً، من واضح فالموضوع إلي قبل كدة إن المفتاح عليه حفرة معينة ، أنا بتاعي هو بتاعة مستطيلة كدة بس.

[MohammedAladel]

راجع الموضوع دا كويس

http://www.nilemotors.net/Nile/309369-a.html

[Ahmed Selim]

أي بطارية اللى نامت ؟؟؟

لو بطارية العربية يبقى ملهاش علاقة بفتح و قفل الأبواب.

لو بطارية الكارت يبقى تراجع الموضوع اللى فوق أو تغير البطارية من عند أى حد بتاع ساعات.

[imust]

لأ طبعاً ، بطارية العربية بتشغل السنترال لوك.

و رجعت كويس الموضوع ، بس مفتاح بتاعي مفيهوش ما يدل على إنو ممكن يفتح حاجة، هيا بس حتت معدن مستقيمة مفيهاش شرشرة ذي إلي صورة فالموضوع إلي فات....

[Rsarabia]

طيب ما هو حضرتك هتفتح الكارت و غير الحجر بتاعه و خلاص عاوز تفتحها ليه بالمفتاح ؟؟

[MohammedAladel]

الكارت لو بطاريته فاصلة مش هيفتح العربية طبعا والعربية لو بطاريتهافاصلة الكارت مش هيفتح العربية

عايز أعرف إيه المشكلة عند حضرتك ؟؟؟ حتة الحديدة اللى فى الكارت دى مفتاح وفيها وش مكتوب عليه + ووش مكتوب عليه - طلعه من على جمب الكارت وبعدين

شيل الغطاء اللى جمب أكرة باب السواق بطرف الكارت فيها فتحة من تحت

هتلاقى تحتها المكان اللى بتدخل فيه المفتاح هيدخل المفتاح تلف يمين أوشمال مش فاكر هيفتح باب السائق فقط تفتح الكبوت توصل بطاريتك أو تغيرها والمشكلة اتحلت


حضرتك بتقول المفتاح عبارة عن حتة حديدة طيب جربت تعمل بيه اللى قلته فوق ؟؟؟؟؟؟

لو جربت ومرضيش يدخل أو منفعش

يبقى تراجع فيها التوكيل لأن أكيد لكل عربية كارت خاص بيها ومفتاح طوارئ خاص بيها
أما إنك تلاقى الكارت حتة حديدة زينة يعنى بتسد فراغ وخلاص

دى يبقى مش مفتاح الطوارئ وحد حطه بدل المفتاح الأصلى

هو حضرتك مالك أول للعربية ؟؟؟ هل سبق وغيرت الكارت قبل كدا ؟؟؟

طيب ممكن تجرب الكارت التانى وتشوف لو لقيت الكارت التانى نفس الكلام أرجع للتوكيل

[MohammedAladel]

طيب ما هو حضرتك هتفتح الكارت و غير الحجر بتاعه و خلاص عاوز تفتحها ليه بالمفتاح ؟؟

لازم يعرف الطريقة دى فلنفرض إن حاليا البطارية هى اللى نايمة عنده يفتح العربية إزاى ؟؟؟؟

[imust]

شكراً على الرد ،

بطارية العربية هي النايمة مش الكارت ، مشكلتي في مفتاح الكارت شكلو حتة حديدة ميتعملش بيها حاجة يعني مفيش عليه شرشرة تدل على حاجة ، بس هي طبعاً جزء من الكارت.

أنا جربت استعمل بس من ناحية باب السواق و منفعش.

[shawkylotfy]

شكراً على الرد ،

بطارية العربية هي النايمة مش الكارت ، مشكلتي في مفتاح الكارت شكلو حتة حديدة ميتعملش بيها حاجة يعني مفيش عليه شرشرة تدل على حاجة ، بس هي طبعاً جزء من الكارت.

أنا جربت استعمل بس من ناحية باب السواق و منفعش.

الكارت الثانى فين علشان الى معاك دة مش الاصلى للاسف ودية مشكلة والمفروض حتى لو البطارية نايمة السنتر يشتغل

[MohammedAladel]

الكارت الثانى فين علشان الى معاك دة مش الاصلى للاسف ودية مشكلة والمفروض حتى لو البطارية نايمة السنتر يشتغل

فلنفرض إن البطارية بايظة خالص هيشتغل السنتر ؟؟

أحنا بنفرض أسوأ الظروف اللى ممكن نساويها بإن البطارية مفصولة

والكتالوج نفسه بيقول إن ممكن بطارية الكارت أو بطارية العربية تكون سبب فى تعطل السنتر لوك والله أعلم

[Ahmed Selim]

الكارت الثانى فين علشان الى معاك دة مش الاصلى للاسف ودية مشكلة والمفروض حتى لو البطارية نايمة السنتر يشتغل

فلنفرض إن البطارية بايظة خالص هيشتغل السنتر ؟؟

أحنا بنفرض أسوأ الظروف اللى ممكن نساويها بإن البطارية مفصولة

والكتالوج نفسه بيقول إن ممكن بطارية الكارت أو بطارية العربية تكون سبب فى تعطل السنتر لوك والله أعلم

على الأغلب كلامكم أنتو الأتنين صحيح.......

الكارت مش هيفتح لو البطارية ميتة تماماً......بس لو لسه فيها حاجة بسيطة يبقى هتفتح.

و غالباً الكارت اللى مع iMust مش أصلي.

حاول تدور على الكارت التاني فين و تفتح بيه.

[Rsarabia]

شكراً على الرد ،

بطارية العربية هي النايمة مش الكارت ، مشكلتي في مفتاح الكارت شكلو حتة حديدة ميتعملش بيها حاجة يعني مفيش عليه شرشرة تدل على حاجة ، بس هي طبعاً جزء من الكارت.

أنا جربت استعمل بس من ناحية باب السواق و منفعش.

لو المفتاح مفيهوش شرشرة يبقى دا مش أصلى فين الكارت التانى ؟؟

هل البطارية كانت بتديك اى ايحاء قبل كدا انها محتاجة تتغير ؟؟

اصل صعب جدا جدا العربية فجأة البطارية تبوظ لدرجة انها متفتحش السنتر لان السنتر بيحتاج كهربا قليلة جدا عشان يفتح !

[METOELESSAWY]

متابع