اسوء ما فى اللوجان حتى الان ال سى دى

[hesham_tawfiq]

السلام عليكم
انا طالب نصيحتكم فى ال سى دى بلاير بتاع اللوجان
البتاع دا بيهنج على طول ودايما مبيشغللش اكتر من 4 تراكات على السى دى خصوصا لما بشغلله الضهر فى الحر "مع انى مش عارف ايه العلاقه" وبعد كده بيهنج ويقلب راديو لوحده ومبيرضاش حتى يخرج السى دى. الا لما بطفيه خالص وفك الوش وارجع اركبه تانى.
اولا هل كل اللى معاه لوجان عنده نفس المشكله ولا انا بس وهل استنى لصيانة الخمس الاف ولا اروح اوديه التوكيل دلوقتى وايه ممكن يكون سبب المشكله
شكرا

[Ahmed Hassan]

اشتري اسطوانه جديده اصليه مش متجرحه و جرب هيحصل معاك نفس المشاكل و لا لأ.

[hesham_tawfiq]

كل الاسطوانات نفس المشكله حتى لو جديده
فى الحقيقه مش عارف دا ليه علاقه بحرارة الجو ولا لا لان المشكله بتظهر اكتر فى عز الضهر وانا سايق

[Ramy_Tantawi]

السلام عليكم .

اعتقد كده في مشكله يا استاذ هشام في تبريد الكاسيت لئن واضح ان المشكله دي مرتبطه بالحراره ومع ذلك حضرتك مش مفروض تشغل نفسك بإيه المشكله او نعالجها ازاي الكاسيت كده يا التوكيل يبدله لحضرتك يا يصلحه حضرتك لو قدرت تفضي نفسك شويه وتزور التوكيل افضل وان شاء الله تطلع حاجه بسيطه ويحلوها على طول .

[amr123]

انا برده مع رأي استاذ رامي ...اتصل بيهم وكلم الصيانة اشرحله المشكلة و خد معاد متعذبش نفسك لحد معاد ال 5000 كم

و ربنا يكرمك انشء الله و تتحل

[Ahmed Hassan]

أهم حاجه و علشان متضربش مشوار على الفاضي كلم الصيانه متروحش على طول لأن ممكن يدلوك على مكان تروحه و ميكونش في مقر التوكيل.