electronic fault !!!

[a_hmed]

كنت ماشى على طريق سريع بسرعة 100 تقريبا ووقفت جامد مرة واحدة

بعد ما مشيت تانى بحوالى تلت ساعة لقيت elctronic fault ظهرت



عملت search على السايت هنا عليها لقيت نفس الموضوع تقريبا حصل مع عضو و الحل كان ان ديه كدة (مكنة ستوب) و من اعراض تلفها :

ان بدال الفرامل بيوطى ..
العربية تدور من غير فرامل ..
تدور على اى غيار مش شرط ال p .




الى حصل عندى :

البدال وطى فعلا ..
لكن لازم تدور بالفرامل من غير فرامل متدورش ..
بتدور و هى على p و كمان n .




فكدة ايه مكنة ستوب اكيد باظت ؟؟ و بتتصلح ولا لأ ؟؟ و ثمنها كام ؟؟ و بتاخد وقت عند الميكانيكى ولا حاجة سهلة يعنى ؟؟

ويا ريت لو حد يشرحلى وظيفتها و ايه علاقة الفرملة الجامدة بتلفها ؟؟؟

و شكرااا

[abdo_2812]

مفيش عربية أوتوماتيك بتدور على أي غيار :)
هو p و n فقط
على كل حال الرسالة دي مكنة ستوب ودي فيشة صغيرة كده بتركب من جوه العربية فيما أذكر وتغييرها مابياخدش دقيقتين والحقيقة مش فاكر سعرها بس هو بين 150 - 180 ج والله أعلم

واللي حصل عندي لما غيرتها من كام شهر كان لمبة السيرفس بتنور وتظهر الرسالة اللي انت كاتبها بس مكانش مستمر يعني كانت اللمبة والرسالة بيختفوا ويرجعوا (مع بعض طبعا) وكانت العربية مخنوقة شوية وتسارعها أسوأ من العادي لما تدوس بنزين جامد

أعتقد إن مشكلة الدوارة دي مرحلة متأخرة شوية (ماحصلتش معايا لأني غيرتها بسرعة لكن أذكر اني قريت عنها برضو قبل كده) لكن تدور على أي غيار دي مش محسوبة معانا طبعا زي ما قلت فوق ... والله أعلم :)

[Ahmed Selim]

مكنة الأستوب وظيفتها أنها تحس بدوسة الفرامل علشان تخليك تدور العربية........معرفش ليها وظيفة تانية غير دى ولا لأ.

و عموماً الرسالة دى ليها عدة أسباب........أسهلهم هو مكنة الأستوب......و تكلفتها على ما أذكر كانت فى حدود 150 ل 200 بالتركيب و الضريبة فى الميكانيكيون العرب.

[medori]

مكنة الأستوب وظيفتها أنها تحس بدوسة الفرامل علشان تخليك تدور العربية........معرفش ليها وظيفة تانية غير دى ولا لأ.

و عموماً الرسالة دى ليها عدة أسباب........أسهلهم هو مكنة الأستوب......و تكلفتها على ما أذكر كانت فى حدود 150 ل 200 بالتركيب و الضريبة فى الميكانيكيون العرب.

مفيش عربية أوتوماتيك بتدور على أي غيار :)
هو p و n فقط
على كل حال الرسالة دي مكنة ستوب ودي فيشة صغيرة كده بتركب من جوه العربية فيما أذكر وتغييرها مابياخدش دقيقتين والحقيقة مش فاكر سعرها بس هو بين 150 - 180 ج والله أعلم

واللي حصل عندي لما غيرتها من كام شهر كان لمبة السيرفس بتنور وتظهر الرسالة اللي انت كاتبها بس مكانش مستمر يعني كانت اللمبة والرسالة بيختفوا ويرجعوا (مع بعض طبعا) وكانت العربية مخنوقة شوية وتسارعها أسوأ من العادي لما تدوس بنزين جامد

أعتقد إن مشكلة الدوارة دي مرحلة متأخرة شوية (ماحصلتش معايا لأني غيرتها بسرعة لكن أذكر اني قريت عنها برضو قبل كده) لكن تدور على أي غيار دي مش محسوبة معانا طبعا زي ما قلت فوق ... والله أعلم :)

+111111
زى ما الناس قالت كده، على فكره ممكن تكون مهزوزه بس، روح لأى حد شغال فى الرينو و هيصلحهالك او هيغيرها فى 5 دقائق ب100 جنيه تقريبا

[abdallasoliman]

ماكينة الاستوب تحت دواسة الفرامل وومكن تحلها جيث بيدخل فيها فيوز حلها لان السوستة الى فيها بتكون معلقة وحاول تضغط عليها كذا مرة وحترجع تشتغل تانى وانا جربتها

[MohammedAladel]

طيب معنى إيه بدال الفرامل يوطى

يعنى مشواره يكون أطول لتحت

بمعنى اوضح لما تدوس ربع المشوار أو عشر المشوار كإنك مش دايس فرامل والفرامل تجمع فى آخر الدواسة ؟