لو سمحتو ممكن اى معلومات عن رينو رينبو ؟

[x100]

اولا انا قلت الموضوع منقول فمفيش داعى للحوارات انا كل غرضى تنشيط مشاركة الرينبو فى نايل موتورز ولا انسب جهدا لنفسى

مكتوب فى اول المشاركة
دى بعض اسعار قطع الغيار وهى للامانة منقولة ويقتصر دورى على نشرها حتى تعم الفائدة
وكل الشكر لاصحاب الفضل فى تجميع هدة الاسعار

وكل الشكر مرة اخرى وارجو ان الزملاء يكونوا مسكوا روحهم من الضحك واعتبروها اخر مشاركة فى قسم الرينو

[ReNuLHawey]

لية كدة حضرتك زعلت لية احنا ما بنحورش ولا حاجة اصل الاسعار دى البوب وانا تلاتة تربعهم اذا ماكنش كلهم احنا الى جايبنهم فا اية المشكلة !! ودا كمان حضرتك كاتب فى اول المشاركة انك ناقلها يعنى حضرتك صادق ومش بتنسب حاجة ليك من غير وجهة حق
يا استاذى الفاضل انا سعيد وبضحك على شان ليا الشرف انا وصديقى البوب ان واحد محترم وذوق زى حضرتك استعان باى مشاركة او خبرة لينا للافادة العامة حتى لو كانت فى منتدى اخر او اى حتة تانية عادى جداا بالنسبالى
وياري بلاش حضرتك تقول اخر مشاركة ليك فى الرينو وكدة مالوش لزمة والله الكلام دة يعنى انا لو دخلت قسم فيات او بيجو وغلطت فى اى حاجة تحب حضرتك انى ماشركش تانى ؟؟؟؟ فا مابالك بقا ان حضرتك دخلت هنا وزودت القسم بخبرة وافادة وعاوز تحرمنا من وجودك لية مش فاهم دى ؟؟؟
انا لسة بضحك على فكرة ههههه يا سيدى اضحك محدش واخد منها حاجة

[lightzizo]

طيب يا جماعة هيا الأسعار دي عند مين بالظبط يا ريت تحددو الأماكن

[mathashraf]

حبايبي وجماعة الخير

كان معاية 131 بس اية نعسانه عالطريق بمعنى النعسانة ، ويمكن انا عملت شكاوي ليها عالمنتدي بصورة لا تتخيلوها
وفعلا حبيت ابيع بعيت امبارح
قبل بكرة بياعة بصورة لا تتخيلوها

على فكرة احنا عندنا سوء ثقافة اقتناء السيارات

وجبت الرينبو // أسد بمعني الاسد

انا كنت فين وبقيت فين

بصراحة ممتازة

[ya001ya0000]

ممكن خدمه محتاج تابلوه فاضي ضروري لرينو رينبو 97 سوداء
أنا في أسوان و أعاني من عدم قدرتي علي البحث عن التابلوه

[ya001ya0000]

مفيش حد عنده أي تليفون أسأل عن التابلوه

[ya001ya0000]

الأسعار مش ظاهره ممكن تفاصيل و اماكن و تليفونات

[تامر جميل]

اربة المياه بتفضي كتيير جدا و بسرعه و لو حتي المشوار قصير انا حتي مرة مليتها و سيبتها لتاني يوم من غير ما احركها لقيت المايه خلصت و الرداتير ناشف مافيهوش مكان تسريب و مممكن اعرف سعر الرداتير كام و اربة المياه

[أحمد عبد الكري]

الجماعة
السلام عليكم
مع حضرتكم أحمد طنطاوى باحث بجامعة القاهرةوساكن فى الجيزة
كنت عايز أسألكم النصيحة باعتباركم ملاك للسيارة التى أرغب فى امتلاكها رينو رنبو 93.. لو مافيهاش تطفل
هى أول عربية وهأتعلم عليها السواقة كويس فى القاهرة .. وواحد معرفتى معاه "رينو رمبو" وعجبانى.. موديل وسعرها كويس جدا 26 ألف فبريكة دواخل وكاملة بدون التكييف 1400 سى سى
لكن معظم الناس حذرونى منها علشان ميكانيكتها مش سهلة وقطع غيارها شحيحة
رأى حضرتكم إيه
هل الكلام دا صحيح ؟؟
.
.
.
وعلى فكرة قدامى ـ أيضا ـ رينو 9 تانية موديل 88 أساسات سليمة جدا أنا ضامنها فبريكة بره وجوة فقط بـ 10 آلاف .. لكن محتاجة كاست وسمكرة على البارد وبطارية وشنوط وطاسات وشد صالون وكاسيت وترخيص لأنها مرفوعة من مدة
معاليكم من واقع خبرتكم فى الرينو ترشحولى إيه؟..
آسف جدا لو كنت بأتقل على حضرتكم.. لكنها النصيحة اسألكم إياها وربنا يجازيكم خيرا عليها

[محمد صابر]

أهل الرينبو الطيبين أحلى سلام عليكم وعندى كام أستفسار

أولا الرينبو فيها فلتر تكييف ؟

ثانيا ولو فيها مكانه فين ؟