عملوها الوحوش !!

[عمرو عمارة]

اه نسيت اقول ان ده بجد اقل وصف ممكن يوصف عن 4 اصدقاء جداد الواحد اكتسبهم اقل ما يقال عنهم انهم رجال قلما الواحد يلاقي زيهم في الزمن ده

هو دة الي فعلاً بقالي ساعة عايز أقولوا ليكم كلكم....وإن شاء الله ربنا يجمعنا على هذه المحبة في الله في جناته
وإن شاء الله ربنا يرزقني الميجان (بس بعد ما أحج الأول ) لانها فعلاً عربية ما شاء الله قمة في الإحترام

[Mzeid]

الخيرين دائماَ يجتمعون على الخير ..
:):)

[Ahmed Selim]

يا ريتنى كنت معاهم

[Chicco]

بسم الله ما شاء الله ..أحلى عربيات و أحلى ناس ..بارك الله فيكم :)

[farahat]

إيه دة .. إيه دة ؟ إيه الجمال دة كله ، يا ريتني كنت معاكم :(
فاتتني الفرصة دي و عدت علي المرة دي ، لكن المرة الجية يكون في معلومكم لا ممكن تفلت مني أبدانننن :d

ما شاء الله الصور هايلة ، إخرج هايل يا عمرو باشا ، و أكيد ساعدك على كدة إن الناس إلي في الصور ناس هايلة هي كمان ، و عربياتهم الجامدة ، ربنا يباركلكم فيها ، و يديم علينا المحبة و المعرفة الحلوة .

[M.Moustafa]

طبعا يا عمرو مهما قعدت اقولك الصور قد ايه مش هيوافيها حقها وبينتلي اني كنت على حق لما بدات اصور وبعدين لاقيتك ما شاء الله بارع في التصوير ربنا يباركلك يا بيه واسمحلي اعرف جماعة رينو بالعربيات زي ما عرفناهم بينا :

الكليو بتاعت مخرج صور اللقاء عمرو عمارة
الميجان الحمرا 2008 بتاعت احمد علي
الميجان الفضي بتاعت شاركي
الميجان الدارك بلو بتاعت رامي
الميجان الفيراني فدي الصراحة مش عارف مين صاحبها تقريبا شكله انا

الميزة المشتركة بين كل العربيات ان هتلاقو شعار نايل موتورز متعلق على القزاز من ورا

[Ramy_Tantawi]

ربنا يبارك فيك يا محمد الكلام اللي قلته والله كتير عليا وانا لا استحقه ابداً جزاك الله خير يا باشا وربنا يديم الود والالفه اللي زي ما قلت في كلامك بجد نااااااادر جداً الواحد يلاقي ناس امثالك وامثال باقي الاسره بالاحترام ده واللي سبحان الله هي حاجه من عند الله كده انا نفسي مش عارف والله ايه ده ومستغرب نفسي الناس دي حضراتكم يعني ليه انا حاسس انهم اخواتي ! ليه حاسس ان في ود بينا كده ! ليه عاوز اتقرب منهم ! بجد انا مبسوط والله ان ربنا سبحانه وتعالى قدر لي ان اتعرف على حضراتكم ومش عاوز كلامي ياخد شكل اطراء ومداهنه معاذ الله هو زي مابيقولوا كده كلام في القلب والواحد بيقوله.

أخيراً ربنا يتمم لك على خير يا محمد يا رب ويوفقك ان شاء الله وتقضي شهر عسل جميل صحيح هانفتقدك لكن هاننتظرك ترجع بالسلامه ان شاء الله ونجتمع على خير تاني وتالت ان شاء الله ويارب يديم علينا الموده دي يا رب.

ربنا يكرمك يا استاذ عمرو ويكتبلك ويكتبلنا جميعاً فريضة الحج ان شاء الله ويعينك ويرزقك وتجيب الميجان بس الجيل التالت ان شاء الله ونجتمع كده تاني مع بعض ان شاء الله ونقعد نجربها منك ونتعلم فيك ما انت اول واحد هايجيبها ان شاء الله :)

يا رب مايكون كلامي مزعج او فيه من تخطي الحواجز والحدود ويعلم الله اني احبكم في الله وربنا يديم علينا العلاقه دي آمين يا رب العالمين.

[عمرو عمارة]

السلام عليكم

يا جماعة أنا حاسس إن مومو زعل.......مش شايفو متواجد من ساعت ما كان قاعد في أون ذا ران بيضور علينا....
والله يا مومو إحنا قاعدنا كتير مستنين حد يجي وللأسف محدش شاف الرد بتاعك على موضوع المروحة....أنا عارف إن إنت جاي من أخر الدنيا ودي الي حزة في نفسي أوي ومديقاني بس ده قضاء ربنا ....والله ما قصدنا حاجة وحقك علينا يا باشا وهانعوضهالك إن شاء الله

[M.Moustafa]

انا فعلا شايف زيك يا عمرو بس والله العظيم يا مومو عايز اقولك اني حاولت ادخل ويرلس من موبايلي عشان اشوف حد كتب اي حاجة ولا لاء بس فعلا المكان اللي كنا قاعدين فيه مكنشي فيه ويرلس فسامحني والجايات اكتر من الريحات

[Ramy_Tantawi]

مش هازيد عن كلام استاذ عمرو ومحمد مصطفى احنا والله وقفنا ساعه في اون زا ران ولما دخلنا الرحاب دورنا على وايرلس عشان محمد يدخل من موبيله يشوف بس للأسف مالقيناش.

ارجع يا مومو وماتزعلش من اسرتك واخواتك ووالله هاتتعوض ان شاء الله انت شايف الجو عامل ازاي بين اعضاء الاسره الحمد لله واكيد هانتقابل تاني وتالت ان شاء الله وفي مقابله المنتدى عموماً يوم الجمعه القادم اعتقد في فرص ان شاء الله والجايات اكتر من الريحات ماتزعلش بس والله واحنا نحدد مقابله تانيه بس رد علينا .

[momo10000]

انا والله العظيم اللي مزعلني مش المشوار

انا كان نفسي فعلا اشوفكم واتعرف عليكم اكتر و ربنا وحدة هو اللي يعلم قد اية العبد لله عايز يشوفكم

واتشرف بناس محترمة زيكم من غير اي مجاملة

والله كلامك يا عمرو انتا ومحمد مصطفي ورامي فوق دماغي واغلي عندي من ملايين الدنيا ودة برضه

دليل علي اخلاقكم واصلكم الطيب انتوا وكل الناس هنا طبعا .

وزي ما قال رامي انا مقدرش ابعد عن اسرتي وارجوكم ارجوكم تعوضوها ليا انا واحمدعبد المقصود

وفرحات وفهد وبقية الرجالة

ويارب تبقي الروح الجميلة دي عالطول في المنتدي

متشكر يا عمرو .....متشكر يا محمد ...متشكر يا رامي .... انتوا فعلا ناس محترمة جدا

[عمرو عمارة]

الحمد لله مومو مش زعلان....:)

إحنا فعلاً إفتقدناك يا مومو لأن إحنا بنعتبرك أخ فعال في هذا المنتدى بمشركاتك القوية الدالة على عمق الفهم......إن شاء الله نتقابل تاني مع أستاذ فرحات وأحمد عبد المقصود وأستاذ Tyler وفهد باشا

[Ramy_Tantawi]

أنا بجد مش هاعرف اقولك انا مبسوط قد ايه انك الحمد لله ماطلعتش زعلان مننا يا مومو ووالله العظيم احنا كمان كنا منتظرينك ونفسنا نتعرف عليك وبعدين دا انت يا راجل اول واحد اقترح الاقتراح ده وبعدين هافكرك بحاجه فاكر لما العبد لله شافك عند كلية البنات وفضل مركز عشان يعرف ده انت ولا لأ لغاية ماكان اوتوبيس سياحي فاخر هايدوس عليه بس الحمد لله السواق اكتفى بشتمي بدل من دهسي وعدت على خير :).

تفتكر هايحصل للعبد لله كده وفي الآخر مايكونش عاوز يتعرف عليك يا راجل.وطبعاً ده حالنا كلنا والله يومها كنا منتظرينك انت واحمد عبدالمقصود بجد .عموماً انا مش هاكون بجح واعمل اقتراح تاني عشان ماحدش يضربني هنا في فرصه تانيه ان شاء الله وهي مقابلة المنتدى الكبيره ا ن شاء الله مش عارف للأمانه هي الجمعه دي ولا اللي بعدها عموماً انا من انهارده هاحجز كل الجمع اللي ربنا كاتبلي اعيشها يعني لنايل موتورز وللأسره الرينوهاويه والميجانويه وربنا يكرم ان شاء الله ونتعرف بيك يا باشا والحمد لله انك مش زعلان وقدر الله وماشاء فعل.

[momo10000]

والله انا اللي افتقدكم جدا

وإن شاء الله حنرتب يوم تاني

وإن شاء الله عالطول المودة والحب دة يا جماعة

[Sharky]

مومو باشا
الحمد لله إنك مش زعلان و إن شاء الله نتقابل فى أقرب فرصة و نعوضك على المقابلة دى و ياريت تبعت لى نمرتك على الخاص علشان فى المقابلات إللى جاية ما يحصلش كده تانى