إعـــــــلان

Collapse

.

,
See more
See less

رحلتى فى البحث عن ميجان 2 .. كلاكيت اول مره .. وتحذير من اعلان العربيه الى فى الموضوع

Collapse
X
 
  • Filter
  • الوقت
  • Show
Clear All
new posts

  • رحلتى فى البحث عن ميجان 2 .. كلاكيت اول مره .. وتحذير من اعلان العربيه الى فى الموضوع

    السلام عليكم

    رحلتى للبحث عن الميجان 2 بعد ما تراجعت عن شراء نيسان صنى 2013 زيرو لظروف خاصه وقلت ادور على ميجان 2 بانوراما بحالة جيده وكيلو متر قليل على قد فلوسى وظروفى الحاليه .. فكنت كل يوم ابحث على ماهو مناسب على صفحات مواقع بيع المستعمل وابرزهم كونتاكت كار ولانى من اسكندريه (وحاليا مقيم فى دمنهور لاعمال خاصه)
    فقلت انسب واقرب حاجه البحث فى نطاق اسكندريه بس عشان عارف ان مش كل ما يعلن عنه فى النت بكلام معسول من فابريكه وخلافه من الكلام الى انتم عارفينه ماتشحتطش على السكه كل شويه الى القاهره والمدن البعيده ويجيلى احباط لو النتيجه سلبيه


    المهم امبارح وانا بتصفح لقيت الاعلان ده على كونتاكت

    http://www........cars.com/UsedCars_...p?CarID=969752


    ومكتوب فيه

    اللون فضي بانوراما كاملة أوتوماتيك فابريكة برة وجوة

    وماشيه 47000 كيلو بس

    وبـــ 70,000

    قلت كده لوز طلبى واللون الى انا عايزه جالى لحد عندى اتصل واشوف ايه الكلام

    اتصلت بلى كاتب الاعلان الى اسمه ايهاب واستفسرت منه على ماهو مكتوب وبتعمل صيانه فين وهل فيها اى خبطات او رشه اى حاجه وهل كل وظايفها شغال تمام بدون مشاكل ؟؟؟ وقلت له صارحنى ارجوك لو فيه حاجه عشان متضيعش وقتى ووقتك لو فيه حاجه قول .... اكد تانى الف فى المليون انها زى الزيروقالى ان العربيه مش بتاعته دى بتاعت واحد صاحبه فى الامارات وامه معاها توكيل لبيعها وهو اول يد من 2006

    قلت كده تمام هو ده المطلوب ...

    قلتله انا عايز نحدد ميعاد عشان اشوفها وكمان شرطى كشف توكيل

    قالى طيب بكره اتصل بيا احدد لك ميعاد معاهم قولت اوك ماشى الحال

    النهارده اتصلت بيه... مراته ردت عليا وقالت هو مش موجود ومنك لوالدة صاحبه خلص معاها وادتنى رقمها... قولتلها ياريت استاذ ايهاب يحضر لانى مابحبش معاملة الحريم

    اتصلت على والدة صاحبه الى معاها التوكيل والى حتبيع ... وسألتها تانى نفس الاسئله الى سألتها لايهاب وقالت نفس الى قاله ايهاب واكدت انها فابريكه وكل وظايفها شغاله عشره على عشره وان الــ 47000 الف الى مشياهم مشتهم جوه اسكندريه بس وانها كانت بتمشى كل فين وفين وانها ليها جراج بتبات فيه

    انا قلت فى بالى هو ده المطلوب بلحرف تكون عربيه مش متهانه

    قلت لنفسى خير االبر عاجله اطلع عليها دلوقتى لان عربيه زى دى اكيد لقطه ومش حتبات النهادره

    وقلتها انا جاى لحضرتك دلوقتى قالتلى اوك مستنياك

    اخدت اخويا وقفلت محلى واتحركت من دمنهور الساعده 3:30 عصرا وصلت عندها لوران اسكندريه الساعه 6 الدنيا كانت زحمه بشكل فظيع جدا النهارده حاجه لا تطاق وطبعا لحد ماوصلتلها فى العنوان مزبوط

    اتقابلنا ورحنا على الجراج نشوف العربيه وكان معها واحد اسمه احمد

    قلبت فى العربيه وأليكم الاتى من صدمات

    1- رشه حزام واللون فارق عن الكبوت والشنطه والسقف ونهايات الرش مع الدواخل حاجه اخر قرف بويه مسيله وخشنه مش متلمعه ... وبعد ده كله العربيه مخربشه من كل حته

    2- الجنوط كلها متخبطه ومتنيه فى حروفها

    3- الاكصدام الامامى كلبساته مكسوره

    4- التكييف مش شغال اطلاقا اااااااااااا

    وجيت عند دى ووقفت وقلت يانهاااااااار كدب ولفيت ورحت ليها لانها كانت واقفه هيا واحمد على جنب وقلت ليها هو التكيف مش شغال رد احمد الى معاها وقال لا شغال تمام .. وهيا اتبرجلت وقالت لالا مش شغال انا ذهلت وقلت لها هو مش حضرتك قولتى العربيه فابريكه وكل حاجه شغاله تمام

    قالتى بص انا صريحه معاك وبقولك كل حاجه فيها زى ما انت شايف واشترى على الواقع.. وبعدين العربيه راشه فى التوكيل !!!!!!!!!!!!!!!

    وانا طبعا عامل كده

    قلت ليها هيا فين الصراحه دى التكييف مش شغال وده لوحده مشكله كبيره والله اعلم تتحل بكام وازاى واكيد مش اقل من 5 او 6 الف جنيه لو كانت حاجه كبيرهيا السبب ... والعربيه راشه وبصنعه اى كلام والتجريح فى كل حته حتى بعد الرش


    قالتى اشترى على الواقع

    واحب اسمع كلمتك

    قلتلها انت حضرتك طالبه 70000 وهيا ماتجبش السعر ده ابدا اخرها معايا 62000

    قالتى لا احنا بعيد عن بعض اوى

    انا قفلت وقرفت منها ومن كدبها ومن استكبرها وقلت ليها فرصه سعيده وماشى وانا دمى بيغلى

    السؤال ليه الكدب وعدم المصارحه وخصوصا انى اكدت اكتر من مره فى التلفون هل العربيه فعلا فابريكه وكل وظايفها شغاله تمام... هيا العينه دى بتفكر انها حتطلع الفلوس من جيبنا غصبن عننا ولا حنتسحر بلعربيه ونتشعبط فيها زى العيل مش عارف ليييييه هيا وامثالها بيعملو كده؟؟؟؟؟؟؟؟؟؟؟؟؟


    مش حقول غير حسبى الله ونعم الوكيل فيها وتحذير لكل من شاف الاعلان وفى طريقه للشراء الست دى كدابه كدب الابل ومش صريحه وماخفى كان اعظم والله اعلم فيه ايه تانى فى العربيه لانى مكملتش فحص كويس


    تحياتى لكل الوحوش

  • #2
    المشاركة الأصلية كتبت بواسطة hossam_elwani مشاهدة المشاركة

    الست دى كدابه كدب الابل ومش صريحه
    هههههههههههههههههههههههههه

    ربنا يعينك يا باشا طخيت المشوار على الفاضي
    ربنا يوفقك وتلاقي العربيه الي بدور عليها
    [SIGPIC]http://nileup.com/up/uploads/nilemotors_13963686331.jpg[/SIGPIC]

    Comment


    • #3
      احمد ربنا انا بقي شوفت اعلان اللي في نفس الموقع و مكتوب فيه سياره رينو ميجان اعلي فئه بانوراما حاله جيده جدا و المعاينه في المعرض الفلاني و روحت رايح و لما دخلت المعرض ملقيتش العربيه قلت اكيد اتباعت لانها كانت ب 55000 جنيه بس سألت الراجل اللي بينضف قالي لا هوعنده معرض تاني و هي هناك بس استناه اتكلم معاه و اعرف اللي فيها و استنيته و جه الباشا بكلمه عنها قالي دي في المعرض التاني بس هي فيها مشكله واحده ان البانوراما مش بيفتح و ممكن يكون ناقصها حرف جريده كده و انا عامل حسابها في السعر ... طيب هي رشه ايه رد قال رشه اكسدامين بس قمت واخد بعضي و رايح المعرض التاني و خد عندك لقيتهم موقفينها جنب الجزيره اللي في نص الشارع و لما قربت منها حسيت انها رايحه في 100000000000 داهيه و الكارثه الكبري لما فتحها الاقي نص المخدع معمول زراير بلدي من ام 20 جنيه الزرارو الكابون مافيهوش ولا حته فبر واحده تعمل منظر و النمر كانت نمر القاهره قديمه مش لوحات جديده و العربيه كانها طالعه من حدثه مدمره و حالتها يعني اقل ما يقال عنها زززززفت بس و بعد كده اتعلمت ان اللي عالنت يفضل عالنت احسن و اللي تشوفه بعينك احسسسسن مليار مره من اللي تقراه او تسال عنه بالتليفون و ربنا يوفقك و تلاقي اللي بتدور عليه
      [CENTER][B][FONT="Comic Sans MS"]مصري و أبتكر [/FONT][/B] [/CENTER]

      Comment


      • #4
        المشاركة الأصلية كتبت بواسطة dedo_ryo مشاهدة المشاركة
        احمد ربنا انا بقي شوفت اعلان اللي في نفس الموقع و مكتوب فيه سياره رينو ميجان اعلي فئه بانوراما حاله جيده جدا و المعاينه في المعرض الفلاني و روحت رايح و لما دخلت المعرض ملقيتش العربيه قلت اكيد اتباعت لانها كانت ب 55000 جنيه بس سألت الراجل اللي بينضف قالي لا هوعنده معرض تاني و هي هناك بس استناه اتكلم معاه و اعرف اللي فيها و استنيته و جه الباشا بكلمه عنها قالي دي في المعرض التاني بس هي فيها مشكله واحده ان البانوراما مش بيفتح و ممكن يكون ناقصها حرف جريده كده و انا عامل حسابها في السعر ... طيب هي رشه ايه رد قال رشه اكسدامين بس قمت واخد بعضي و رايح المعرض التاني و خد عندك لقيتهم موقفينها جنب الجزيره اللي في نص الشارع و لما قربت منها حسيت انها رايحه في 100000000000 داهيه و الكارثه الكبري لما فتحها الاقي نص المخدع معمول زراير بلدي من ام 20 جنيه الزرارو الكابون مافيهوش ولا حته فبر واحده تعمل منظر و النمر كانت نمر القاهره قديمه مش لوحات جديده و العربيه كانها طالعه من حدثه مدمره و حالتها يعني اقل ما يقال عنها زززززفت بس و بعد كده اتعلمت ان اللي عالنت يفضل عالنت احسن و اللي تشوفه بعينك احسسسسن مليار مره من اللي تقراه او تسال عنه بالتليفون و ربنا يوفقك و تلاقي اللي بتدور عليه
        والله انا رايح والسعر عطينى مؤشر ان العربيه نضيفه فعلا بخلاف تجربتك .... وكنت حفاصل فى 5 تلاف كمان ولو زادة الف ولا حاجه مش مشكله مقابل الحاله لكن اروح اشوف الى حكيت عنه ده يبقى هو ده النصب بعينه مفيش كلام


        ياناس الصدق ثم الصدق ثم الصدق هو مفتاح الحياه والله المستعان

        Comment


        • #5
          معلش ان كمان مش مرتاح ليها ومكنتش حطيت انت فيها سعر ده
          حتي كتير عليها الي انت قولته بحالتها دي
          وربنا يديك الاحسن منها ان شاء الله ..

          Comment


          • #6
            الحمد لله علي كل حال ان شاء الله ربنا ييسرلك الامور وتلاقي العربيه اللي نفسك فيها
            (قولي يعني ايه كدب الابل)

            Comment


            • #7
              المشاركة الأصلية كتبت بواسطة mazher_m مشاهدة المشاركة
              الحمد لله علي كل حال ان شاء الله ربنا ييسرلك الامور وتلاقي العربيه اللي نفسك فيها
              (قولي يعني ايه كدب الابل)
              كدب الابل... الافيه حكمت ياكبير مش اكتر انت مابتسمعش روائع بوحه الصباح ههههههههه

              Comment


              • #8
                رأيى مهما كان خليك فى الجديد احسن يعنى حتى لو الميجان افضل مليون مرة من الصنى الشكل الجديد هات الصنى لان اهم حاجة الحالة مش هتلاقى ميجان بنت حلال كتير و اللى هيبيعها هيبيعها عشان غالبا مبهدلاه و اللى معاك ميجان و مريحاه عمره ما يفكر يبيعها

                Comment


                • #9
                  العربيه مش بتاعته دى بتاعت واحد
                  الكلمة دي من كتر ما سمعتها عرفت ديتها خلاص
                  ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

                  [sor2]http://imageshack.us/a/img838/2058/8l0n.jpg[/sor2]

                  Comment


                  • #10
                    المشاركة الأصلية كتبت بواسطة تامر.محمد مشاهدة المشاركة
                    الكلمة دي من كتر ما سمعتها عرفت ديتها خلاص
                    طيب بما انك خبير ميجان مفيش واحده مضمونه لاخوك تكسب فيا ثواب ههه

                    Comment


                    • #11
                      المشاركة الأصلية كتبت بواسطة rsarabia مشاهدة المشاركة
                      رأيى مهما كان خليك فى الجديد احسن يعنى حتى لو الميجان افضل مليون مرة من الصنى الشكل الجديد هات الصنى لان اهم حاجة الحالة مش هتلاقى ميجان بنت حلال كتير و اللى هيبيعها هيبيعها عشان غالبا مبهدلاه و اللى معاك ميجان و مريحاه عمره ما يفكر يبيعها

                      لكل قاعده شواذ وعلى فكره مش كل حاجه احنا بنحطلها معايير مع نفسنا غيرنا بياخد بيها ... والله فيه ناس بتغير لمجرد التغير كل سنه حتى لو العربيه فوق الممتازه وموديل محترم وشاريها غاليه بس المهم انه يغير من غير سبب مقبول لينا ولتفكيرنا احنا

                      وكمان الفلوس حكمانى وانا معايا النيسان صنى موديل 83 بقلها 10 سنين وزهقت خلاص كتر خيرى على كده ونفسى اغير مع ان العربيه شغاله تمام والله وبتودينى فى اى حته بس الحديث حديث برضه مفيش كلام

                      Comment


                      • #12
                        على فكره نسيت كمان اقول على عيبين فى الميجان الى شوفتها

                        * الجرايد بتاعت الاكصدام الخلفى طالعه من مكانها زى ما تكون كانت منزوعه نزع

                        * والشاشه الى فى نص التابلو الى بتبين الحراره الخارجيه والوقت بايظه والى اعرفه انها مابتتغيرش لوحدها لازم التابلوه يتفك وبتتغير مع العدادات كلها صح ولا ايه ؟؟ مش عارف كل الملاحظات دى وكاتبه ومتمسكه بكل بجاحه بــ سبعين الف لييييييييه !!!!!!!!!!

                        Comment


                        • #13
                          المشاركة الأصلية كتبت بواسطة hossam_elwani مشاهدة المشاركة
                          طيب بما انك خبير ميجان مفيش واحده مضمونه لاخوك تكسب فيا ثواب ههه
                          و الله كان بودني هههههههههههههههه

                          بص حتة مضمونة اكيد مافيش مضمون , انا طلع عيني على ما لقيت

                          بصيت صحيح على الكام عربية اللي على المنتدى دلوقت ؟
                          ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

                          [sor2]http://imageshack.us/a/img838/2058/8l0n.jpg[/sor2]

                          Comment


                          • #14
                            المشاركة الأصلية كتبت بواسطة تامر.محمد مشاهدة المشاركة
                            و الله كان بودني هههههههههههههههه

                            بص حتة مضمونة اكيد مافيش مضمون , انا طلع عيني على ما لقيت

                            بصيت صحيح على الكام عربية اللي على المنتدى دلوقت ؟
                            قصدك المانيوال الى اعلانها هنا ... انا مش عايز مانيوال هو انا ناقص شلل نصفى


                            هو فيه غير دى فى المنتدى ؟؟


                            وياريت تقولى تجربة شرائك كانت ازاى ومنين ؟؟

                            تحياتى

                            Comment


                            • #15
                              اولا الحمد لله على كل شىء انا اتبهدلت عشان اجيب العربية اللى معيا كانت 2009 جبتها من حوالى 10 شهور و ما شاء الله زى الفل معايا لما جبتها كل الناس قالت اضحك عليك فى سعرها بس انا مقتنع انها كانت تستاهل اول يد عاملة 40000 كيلو و كله فى التوكيل نصيحتى اولا لازم تكشف التوكيل و اللى يوقلك التوكيل بيقل على اللى كفائة سبعين فى المية يتغير سيبك منه لازم تكشف فى التوكيل ولو صاحبها قلق سيبك منه اللى عربيتها سليمة مبيخافش من كشف التوكيل وحد بدائل اللى هو لو ملقتش حاجة كويسة اجيب ايه زيرو و اريح دماغى كدا لان الناس انتشر بينهم عدم المصداقية و الكذب فى البيع و الشراء اكتر من الصدق بكتير و ربنا يوفقك

                              Comment

                              Working...
                              X