إعـــــــلان

Collapse

.

,
See more
See less

مشاركات مفيدة - فلوينس سيدان و ميجان هاتش باك 3

Collapse
X
 
  • Filter
  • الوقت
  • Show
Clear All
new posts

  • مشاركات مفيدة - فلوينس سيدان و ميجان هاتش باك 3

    السلام عليكم و رحمه الله و بركاته
    كل عام و حضراتكم بخير ربنا يتقبل منا و المسلمين جميعا الصيام و القيام و صالح الاعمال
    انا فتحت الموضوع الجديد دة كما هو واضح من العنوان لإضافة الاخت الصغيرة الهاتشباك الميجان 3 للرابطة و بألاصالة عن نفسي و بالنيابة عن جميع حائزى الفلوينس السيدان برحب بإخواتنا حائزى الميجان 3 و اتمنى من ربنا يقدرنا و نكون جميعا (و انا بتكلم بصيغة الجمع بالنيابة عن جميع اعضاء الرابطة) خير عون لكل من يمتلك اي من العربيتين او حتى للى بيفكر فى امتلاك احدهما و عايز يعرف اى معلومة عن العربيتين او حتى بيشتكى من اى عيب و عايز مساعدة او معلومة تطمنة و تعرفة كيفية التعامل مع العيب دة
    و دة رابط الموضوع القديم رابطة حائزى الفلوينس علشان ما نخسرش المجهود المبذول و المعلومات القيمة فى المشاركات السابقة
    http://www.nilemotors.net/Nile/14708...post3873702947
    بالتوفيق للجميع ان شاء الله

    .................................................. ..................................*


    السلام عليكم و رحمه الله و بركاتة

    تمت بحمد الله صيانة ال 20,000 و التكلفة بالكامل في صورة الفاتورة المرفقة


    طبعا حتلاحظوا ان الفاتورة فيها تكلفة زيادة خاصة بتغيير تيل الفرامل و فلتر التكييف
    انا قبل ما اروح كنت بشتكى من حاجتين مؤشر البنزين ما كانش بيدى قراية مظبوطة لما بفول و كمان كنت بسمع صوت شخلله خفيف فى الشوارع اللى فيها مطبات كتيرة
    تم علاج مؤشر البنزين بإعادة برمجة الكومبيوتر و تنظيف حاجة بصراحة مش فاكر اسمها اية و عن اسبابة قالولى البنزين فى مصر بيكون فية نسبة رصاص عالية و دة السبب فى عدم القراءة بدقة و الله اعلم اذا كان دة فعلا السبب لكن الحمد الله ظبط معايا دلوقتى
    اما الصوت فكان على حسب قولهم بسبب صاجة قدام تحت الاكصدام محتاجة تتربط و الحمد الله مابقاش فية اى اصوات
    بالنسبة للتيل انا الحمد الله ما كنتش بشتكى من الفرامل خالص لكن لما سألت على معدل تغيير التيل قالولى كل 20,000 بزيادة او بناقص 5000 على حسب استعمال كل واحد بالنسبة ليا التيل كان ممكن يستخدم كمان 3000 او 4000 كيلو لكن علشان الامان و كمان انا ماكنتش حروح الصيانة غير بعد 5000 كيلو على الاقل فوافقت على تغييرة
    اما فلتر التكييف فبرضة ما كنتش بشتكى من التكييف فى حاجة بس لقيت علية تخفيض 20% و الصيف داخل فقلت اغيرة بالمرة
    و طبعا ما نسيتش اسأل على السوفتوير الجديد الخاص بالفلوينس و الاجابة بالفعل فى سوفتوير جديد لكن مش لكل العربيات هما بيعملوا كشف على سيريال العربية و يشوفوا اذا كانت محتاجة للتحديث و لا مش محتاجة
    المهم انا عربيتى طلعت من العربيات اللى محتاجة للتحديث
    السؤال بقى التحديث دة خاص بأية
    الاجابة انة تحديث خاص بالايرباجز و توقيت عملها فى لا قدر الله الصدمات الامامية و كمان معدل انتفاخ الهواء فى الايرباج
    حقولكم على معلومة للى مايعرفهاش الايرباج الخاص بالفلوينس نوع متطور مش مجرد ايرباج بيتنفخ فى حالة الصدمة و خلاص لكن كمان قوة انتفاخة مرتبطة بقوة الصدمة و دة اللى بيقيسة كومبيوتر العربية ربنا يكفينا كلنا شر الحوادث
    اتمنى انى اكون افدتكم و اللى عندة اى استفسار انا تحت امره
    بالمناسبة حصل فعلا تغيير فى اسعار الصيانة و قطع الغيار حقول لكم على تفاصيلة فى الموضوع المثبت الخاص بأسعار قطع غيار و الصيانة الخاص بالفلوينس
    بالتوفيق ان شاء الله
    [rmade]http://i.imagefra.me/716im2wt.jpg[/rmade]

  • #2
    الف مبروك على الموضوع الجديد .....

    انا شفت التوبيك ده على الFacebook وقلت انقله وهو بخصوص عوامات البنزين .....

    مشكلة فى عوامة تنك البنزين لرينو فلوانس ؟؟
    كان فى مشكلة فى عوامة البنزين بتاعت رينو فلوانس كانت بتعلق ودى ما كنتش عيب فى العربية لكن فى فرق فى البنزين ما بين بتاعنا و بتاع برة (تقريبا فى مادة فى البنزين نسبتها اعلى عندنا ) و كانت بتظهر مع الى بيحوت بنزين 92 و نازل و ماكنتش بتظهر مع الى بيحوت 95 لكن رينو مصر بعتت لرينو فرنسا و رينو عملت عوامات جديدة تتناسب مع البنزين بتاعنا و كل الى علقت معا صلحوها مجانا و المشكلة دى اتحلت فى كل الموديلات الجديدة.
    [CENTER][FONT=times new roman][SIZE=7][COLOR=red][COLOR=darkolivegreen]سبحان الله وبحمده[/COLOR][/COLOR][/SIZE][/FONT][/CENTER]
    [CENTER][FONT=Times New Roman][SIZE=7][COLOR=#556b2f]سبحان الله العظيم[/COLOR][/SIZE][/FONT][/CENTER]

    Comment


    • #3
      المشاركة الأصلية كتبت بواسطة ahmadm مشاهدة المشاركة
      السلام عليكم

      هل الميجان 3 الهاتش باك فرنساوى ولا بردة تركى ؟

      الميجان 3 الهاتش باك ...انتاج تركى الان و تشترك مع اختها الفلوينس فى كل الاجزاء الميكانيكية و اجزاء التعليق و العفشة و الموتور تماما ..

      الاختلاف فقط فى تصميم المقدمة و المؤخرة و الفوانيس و بعض الابعاد و الوزن الكلى و بعض التفاصيل الاخرى ..


      يمكن مراجعة الروابط التالية لمزيد من المعلومات عنها ..





      السيارة موجود بالحجز فى الوكيل و يمكن الاختيار من بين ثلاث فئات متاحة و عدة الوان ..


      Comment


      • #4
        السلام عليكم

        انا لقيت المعلومة اللطيفة دية فى مشاركة الاستاذ esslynx وكان اللى بيسال اخونا بوكلا عن خاصيتين فى العربية

        "السؤال هو اية معنى ال buzzer و ال daytime running lights؟

        بالنسبه لل buzzer هو انه فى حاله الفرمله القويه الانتظار بيشتغل علطول علشان يحذر اللى جاى من ورا
        و بالنسبه لل daytime running lights هى اضاءه بتستغل الصبح كأحد اجراءات الامان see and be seen
        بس هما عطلوها هنا علشان الناس متستغربش مش اكتر لو تلاحظ فى الفانوس هتلاقى 4 خانات واطى و عالى و DTL والاشاره"



        و يا ترى شغلوهالك فى التوكيل هيا وال daytime running lights ؟


        اه الموضوع بياخد نص ساعه بظبط بيتعمل activation ليهم مش اكتر



        و دة لينك المشاركة وجزاكم الله خيرا


        [CENTER][CENTER][FONT=Lucida Sans Unicode][SIZE=2]Ahmad Abd El-Azeem[/SIZE][/FONT][SIZE=2]
        [/SIZE][/CENTER]
        [FONT=Lucida Sans Unicode][SIZE=2] Enterprise Technical Sales Manager TE Data[/SIZE] [/FONT][/CENTER]

        Comment


        • #5
          تجربه القياده الاولي

          ديه خلاصه تجربه قيادتي لعربيتي الجديده فلوانسيتي :b4_048:

          اولا باور العربيه خفيف مقارنه بالفيكترا بتاعتي القديمه لكنه بيتقل مع السرعه.

          بنزين العربيه مش تحس انه مجرد دواسه لا انا حاسس ان استجابته بتتغير طبقا لسرعتك الحاليه ومقدار ضغطك

          الفرمله أممم مش عارف بس مش حاسس بيها قويه اوي. يمكن لسه العريبه ممشتيش )72( كم

          التكييف قولت اجربه هو كويس. بس بياخد وقت عشان يسقع العربيه (تكييفي العادي مش الاوتوماتيك)

          بشكل عام اللي حبيته في العربيه:

          -مفيش صوت للموتور في الثبات
          -صوت الموتور بيعلي تدريجيا بشكل منتظم جدا
          -مجرتيش بالعربيه بس هي بسم الله ماشاء الله راسيه علي الارض علي 100 كم. (زي الفيكترا) لسه مجربتش الملفات.
          -عاليه عن الارض الحمد لله محكتش في المطبات (الفكترا علمت بيها علي كل المطبات)
          -شايف الكبوت بتاع العربيه وديه حاجه مهمه ليه علي الاقل ومش بحب العربيات اللي كبوتها بيكون مختفي.

          حاجات معجبتنيش (مش عيوب ديه مجرد وجهه نظر)

          مفيش مكن رفع
          الزجاج الخلفي مش بينزل ويطلع من لمسه زي الامامي.
          الزجاج بتاع الابواب الخلفيه صغير اوي بيحسسك انك مدفووس.
          الشنطه بتاعه العربيه مفاصلتها باين من ورا فممكن تشبك في حاجه لو الشنطه اتملت ومتتفتحتش


          الحمد لله ان وفقني وجبتها هي عربيه كويسه جدا والكمال لله وحده

          سوال واحد هو مؤشر الحراره مفروض يكون في اخر حته قبل ال 100 ولا لأ

          Comment


          • #6
            المشاركة الأصلية كتبت بواسطة roffa1 مشاهدة المشاركة
            الف مبروك عالعربيىه الجديده
            حابب أعرف من سيادتك ايه الاوبشنز اللى في فئة ال 132000 الف
            كمان ايه اللى بتزيده عنها فئة ال142000
            اجاوبك انا
            فئات الفلوينس

            1- منوال - 122 ألف
            - عجلات حديديه مقاس ١٥ بوصة
            - نظم فرامل ABS مع EBD و BAS "Break Assist System"
            - وسادة هوائية للسائق و الراكب الأمامي " ٢ فقط"
            - تكيف هواء يدوي
            - نظم غلق مركزي
            - زجاج كهرباء أمامي و خلفي
            - مفتاح رموت كنترول قابل للطي
            - مراية جانبية يمكن ضبطها كهربائياً
            - مثبت + محدد سرعة
            - كمبيوتر رحلات لبيان متوسط السرعة وإستهلاك الوقود
            - راديو CD MP3 وإمكانية توصيل RCA مع ٤ سماعات
            - فوج لايت والكنبة الخلفية يمكن امالتها 1/3 و 2/3

            2- اتوماتيك - 132 ألف
            - تزيد عن السابقة فتيس أوتوماتيك - ستيبترونك

            3- اتوماتيك - 142 ألف
            تزيد عن السابقة :
            - جنوط رياضية ١٦ بوصة
            - مساند رأس يمكن تعديل ارتفاعها وميلها ٤ أوضاع
            - تكيف هواء أوتوماتيك " Bi-Zone" يمكن ضبط كل جانب عل حده
            - مخرج خلفي للتكيف
            - ثلاجة فى التابلوة تعمل مع تشغيل التكييف
            - مفتاح كارت - ستارت بوتن " رينو كارد "
            - نظام تشغيل التلقائي للمصابيح -Auto lighting sensor
            - نظام التعرف على الأمطار وتشغيل المساحة تلقائياً - Rain sensor
            - نظام تأخير غلق الإضاءة - Follow Me Home
            - نظام تشغيل الأضواء عن بعد
            - مصابيح ضباب
            - مراية جانبية يمكن ضبطها و طيها كهربائياً مع تدفئة ذاتية
            - راديو CD MP3 مع Bluetooth و عدد ٦ سماعات
            - مقبس ١٢ فولت بصندوق التخزين بمسند إليد الأمامي
            - المصابيح الامامية يدوية التوجية


            4- أوتوماتيك - 150 ألف
            تزيد عن السابقة

            فتحة سقف

            5- أوتوماتيك - 167 ألف
            تزيد عن السابقة
            - مصابيح زنون تلقائية التوجية
            - باركينغ سنسور - خلفي
            - ٦ وسائد هوائيه بدل ٢
            - فرش جلد
            [rmade]http://i.imagefra.me/716im2wt.jpg[/rmade]

            Comment


            • #7
              المشاركة الأصلية كتبت بواسطة engtmk مشاهدة المشاركة
              شكرا لردك هو فعلا موشر الحراره كده

              فيه حاجه في الفتيس النهارده بنتي قاعده جمبي فمن غير ماتقصد حولت من اوتوماتيك لستيب بخبطه منها

              انا معرفتش الا لما لقيت صوت الماتور علي وبصيت لقيت مكتوب 2

              عرفت انه نقل ستيب
              هي المشكله انه ممكن يتزق من غير ماتدوس علي زرار او بيقي متعرج
              يعني لو جمبك طفل وخبطه بايده هينقله
              ديه مجرد ملحوظه
              الشكر لله
              هو فعلا الانتقال بين الاستيب و الاتوماتيك بمجرد حركة بسيطة للفتيس ناحيتك بس هو طبيعى يبقى الانتقال دة سهل و سلس علشان لو حبيت تشد مرة واحدة لاى سبب
              الزرار اللى فى الفتيس وظيفتة حماية الفتيس من الانتقال من الاتوماتيك للريفرس علشان دة فية خطورة على الفتيس
              بمعنى اخر لو حبيت تنقل من ال d لل n و من الاستيب للاتوماتيك او العكس مش لازم تضغط على الزرار لكن علشان تنقل لل r او p او العكس لازم تضغط على الزرار
              و خد بالك ان حتى لو انتقل الفتيس لل الاستيب و قرصت على الموتور بزيادة و العربية حست ان فية خطورة حتنقل لقدام لوحدها اما لو هديت و برضة العربية حست ان السرعة نزلت قوى حتنقل للخلف لوحدها
              بالتوفيق ان شاء الله
              [rmade]http://i.imagefra.me/716im2wt.jpg[/rmade]

              Comment


              • #8
                المشاركة الأصلية كتبت بواسطة darbaka99 مشاهدة المشاركة
                السلام عليكم يا شباب الرينو
                على فكرة انا متابع للموقع من زمان بس يمكن دى اول مشاركة ليا ويارب ربنا يديم الخير
                انا ركبت مع زميلى عربيته الفلونس ماشاء الله عليها هو قالى انه جايبها ب 132000 بس من سنة بس لما ببص على الفئات لقيت ان اللى فى رينج ال 130 ل 140 حساس ركن لكن بتاعته فيها فمش عارف القديم اللى فيه ولا الجديد ثانيا ياريت اى حد جاب الفئة اللى فيها فتحه سقف يورينا صورها ياريت من جوه او من بره لانى مش عارف اشوفها ثالثا الحمد لله ققرت اجيب الفئة اللى بفتحه سقف ولكن يا ترى لما احب اشترى اشترى من مين يكون كويس ويكون مضمون ولا اروح التوكيل بالامانة لانى مش عارف وكمان لو فكرت اركب زينون سمعت اه لازم التوكيل فيا ترى يكلف كام وهشتريه من عندهم ولا من بره وكمان لو فكرت اركب جى ام للكاسيت برضو لازم فى التوكيل ولا الجى ام وشغل السماعات عادى
                واسف جدا علىالاطاله
                تحياتى
                كريم ممدوح
                و عليكم السام استاذ كريم
                أنا عندي الفئة التانية في الاوتوماتيك اللي ب 142 بس مفيهاش حساسات ركن .. بتهيألي صاحبك كان واخد الفئة اللي كانت في التوكيل زمان ب 142 ساعت لما الفئة التانية اوتوماتيك كانت ب 135 و دي كان فيها فتحة سقف و حساسات بس مبقتش تنزل .. ده على حد علمي البسيط
                و لما تيجي تتوكل على الله وتشتري و عايز حد مضمون فعليك بالطارق على طول .. هو في المهندسين جنب معهد القلب .. ناس كويسة جدا و بيسلموك في 3 ايام بعد اما يكونو خلصولك كل اوراق العربية بما فيها شهادة البيانات .. التوكيل بيسلمك في فترة من شهر ل 3 و بالنسبة لباقي الاسئلة مش هقدر افيدك و الله اعذرني
                و ربنا يديك من خيرها و يكفيك شرها

                المشاركة الأصلية كتبت بواسطة pipelineeng مشاهدة المشاركة
                يا جماعة كل سنة وانتو طيبين انا بصراحة كدة بفضل الله وبفضل أعضاء المنتدى ده و خصوصن الاخ بوكلا نويت ان شاء الله على الفلوانس ونزلت الميكانيكيون العرب و شوفتها وجبت منهم سعر 138500 و 20% خصم على الصيانة و10% على قطع الغيار
                بصارحة الناس كلها هنا مخاوفانى من العربية وبيقولولى حاتخسر فيها جامد لو حبيت تبيعا شوف الميجان عاملة ازاي تمنها 50000-60000 الف جنيه ابعد عن الرينو وانا علشان خبريتى محدودة فى الموضوع ده مش عارف أعمل ايه؟؟؟؟
                وكمان يا جماعة فى ناس تانية بيخاوفونى من الميكانيكيون العرب فهل فى مكان تانى ممكن اجيب منو ولا أتوكل على الله و أجيب من عاندهم وخلاص؟
                أنا فى أشد الحيرة من موضوع الـ Resell ده وخايف نفسى تشييل من العربية
                ياريت حد يفيدني فى الموضوع ده يائما يقنعني يا يوجهنى لعربية تانية
                كا سنة و حضرتك طيب يا اخي
                بص انت طالما نويت تشتري حاجة نضيفة و اوروبي كمان يبقى لازم نبعد عن كلام الناس عشان احنا كمصريين عندنا نزعة الخوف و التقليق من كل شئ غريب و غير مألوف على المجتمع فهتلاقي واحد يقولك ياعم خليك في الكوري اوروبي ايه اللي بتفكر فيه ده .. ده قطع غياره نار و مبيجيبش غير خراب الديار
                طبعا هو بيتكلم كده عشان معندوش استعداد يعرف ايه الغريب و الجديد و بيفضل الحاجة المعروفة المنتشرة من غير حتى ميحط اعتبار ان قطع الغيار في الاوروبي غالية اه بس انت بتجيب الحاجة وتنساها و متغيرهاش تاني ابدا مع العلم برده ان في موديلات كتير من الكوري الجديد قطع غياره تقريبا نفس سعر الفلوينس و في حاجات اغلى كمان
                و بالنسبة لموضوع الميجان انا معاك انها بتخسر جامد و ده بس جاي من كتر المشاكل اللي كانت فيها بسبب موضوع الحساسات و انها من اوائل العربيات الرينو اللي بنظام الكمبيوتر .. و الحمدلله فالفلوينس قللو الحساسات دي و قضوا عالمشاكل اللي كانت فالميجان و بدأت تنتشر بصورة كبيرة جدا بسبب سعرها الممتاز مقارنة بمثيلاتها من نفس الفئة .. فتوكل على الله و صلي استخارة و انشاء الله مش هتندم يا صديقي .. بالنسبة لباقي الاسئلة مش هقدر اديك اجابة معلش عشان مبحبش اتكلم في حاجة الا لما اكون متاكد
                و كل سنة وحضرتك طيب :)

                Comment


                • #9
                  تقرير و تجربه قياده رينو فلونس 2011

                  اولا بعتذر الصور كلها طلعت مش كويسه فمش هحطها و ابقي اصورها تاني و ارفع الصور
                  العربيه هي الفئه e3 واللون نبيتي

                  انطباعي الاولي ان العربيه كبيره او بمعني اصح تبان اكبر من منافستها و ده شيئ كويس

                  جوده التقفيل و الخامات جيده جدا لكن مع سماع اصوات تزييق و احتكاك علي الطرق الغير ممهده
                  المساحات الداخلبه ممتازه و الكراسي كبيره و مريحه و في نفس الوقت supportive لكن مع المسافات الطويله هتحس بتعب و الحاجه اللي معجبتنيش ان مسند الراس ناشف قوي و بيتحرك بسهوله زياده عن اللزوم لاني كذا مره احركه و انا مش قاصد ده غير انه مبيلحمش في الكرسي و هو مقفول

                  الطبلوه شيك و الحليه السلفر اللي فيه انيقه جدا لكن يعيبه صغر زراير الكاسيت و المكيف شويه و ده بيؤدي ان بليل تحس ان الطبلون مظلم كده و لازم تبص علي الزرار اللي انت تستخدمه خصوصا بليل
                  العدادات بقي ضايقتني جدا مش شايف اي لازمه انها تكون مايله كده لان ده بيحسسني اني بعيد و ده مش حقيقي
                  تاني حاجه بقي هي مكان زرار تشغيل الكروز كنترول ورا فرامل اليد و اكتر من مره يتم تشغيله بدون قصد
                  و المخدع اللي في النص كان محتاح يعلي 4-5 سم كان هيبقي هااااايل

                  نيجي بقي للقياده
                  اول ملاحظه هو ان الدريكسون خفييييييف جدا و ده ظريف جدا في الركن و المناوره
                  العربيه طلعتها بقي عكس الدريكسيون تماما تقيييييله جدا و مش عارف ده العادي و لا عشان لسه في التليين و بصراحه كوني متعود علي عربيه قويه فحسيت اني مخنوق
                  ثبات العربيه اكتر من جيد و التعليق نااااعم في كومبينايشن غريبه و مش عارف اتحققت ازاي
                  علو العربيه برضه هايل و مبتحكش في المطبات خااالص. و ده شيئ رائع بصراحه و للاسف لبست مطب ابن تيييت في شارع الجزيره و العربيه و لله الحمد استحملت الصدمه بكفائه و لو اني شاكك انها محتاجه ميزان و ترصيص بعد اللبسه

                  راي العربيه بصراحه و بامانه تعتبر من الاحسن في فئتها و سعرها
                  و العربيه ينقصها الباركنج سينسور فعلا لان ظهرها عالي و مع رفع الستاير الخلفيه الموضوع بيبقي صعب قوي
                  و برضه مفتقد الزنون جدا فيها لاني للاسف اتعودت عليه
                  انا عارف ان الحاجات دي بسيطه و ممكن تتركب بسهوله بس مبحبش العب في العربيه و هي لسه زيرو

                  حرقه الدم بقي
                  تاني يوم العربيه جت فيه شخصيه بنت ستين تييييت خد الجنب اليمين بمسمار
                  و الاسبوع اللي فات واحد تاني حك الرفرف بالاكصدام الشمال و طبعا منظرهم مستفذ لابعد الحدووود

                  بصراحه العربيه فاقت توقعاتي و هتستغربوا لو قلت ان اقرب عربيه سقتها ليها هي الفولفو s60
                  الاتنين ليهم نفس الشخصيه علي الطريق مع فرق القوه و الفخامه لصالح الفولفو طبعا

                  في النهايه اتمني التقرير يعجبكم و انا في اتم الاستعداد للرد علي اي استفسار.
                  Sharief Mansy شريف منسي
                  شكرا نايل موتورز
                  [SIGPIC][/SIGPIC]
                  Farewell my Cayenne, you were the best car i ever had and driven

                  Comment


                  • #10
                    المشاركة الأصلية كتبت بواسطة horas3000 مشاهدة المشاركة
                    تقرير و تجربه قياده رينو فلونس 2011

                    اولا بعتذر الصور كلها طلعت مش كويسه فمش هحطها و ابقي اصورها تاني و ارفع الصور
                    العربيه هي الفئه e3 واللون نبيتي

                    انطباعي الاولي ان العربيه كبيره او بمعني اصح تبان اكبر من منافستها و ده شيئ كويس

                    جوده التقفيل و الخامات جيده جدا لكن مع سماع اصوات تزييق و احتكاك علي الطرق الغير ممهده
                    المساحات الداخلبه ممتازه و الكراسي كبيره و مريحه و في نفس الوقت supportive لكن مع المسافات الطويله هتحس بتعب و الحاجه اللي معجبتنيش ان مسند الراس ناشف قوي و بيتحرك بسهوله زياده عن اللزوم لاني كذا مره احركه و انا مش قاصد ده غير انه مبيلحمش في الكرسي و هو مقفول

                    الطبلوه شيك و الحليه السلفر اللي فيه انيقه جدا لكن يعيبه صغر زراير الكاسيت و المكيف شويه و ده بيؤدي ان بليل تحس ان الطبلون مظلم كده و لازم تبص علي الزرار اللي انت تستخدمه خصوصا بليل
                    العدادات بقي ضايقتني جدا مش شايف اي لازمه انها تكون مايله كده لان ده بيحسسني اني بعيد و ده مش حقيقي
                    تاني حاجه بقي هي مكان زرار تشغيل الكروز كنترول ورا فرامل اليد و اكتر من مره يتم تشغيله بدون قصد
                    و المخدع اللي في النص كان محتاح يعلي 4-5 سم كان هيبقي هااااايل

                    نيجي بقي للقياده
                    اول ملاحظه هو ان الدريكسون خفييييييف جدا و ده ظريف جدا في الركن و المناوره
                    العربيه طلعتها بقي عكس الدريكسيون تماما تقيييييله جدا و مش عارف ده العادي و لا عشان لسه في التليين و بصراحه كوني متعود علي عربيه قويه فحسيت اني مخنوق
                    ثبات العربيه اكتر من جيد و التعليق نااااعم في كومبينايشن غريبه و مش عارف اتحققت ازاي
                    علو العربيه برضه هايل و مبتحكش في المطبات خااالص. و ده شيئ رائع بصراحه و للاسف لبست مطب ابن تيييت في شارع الجزيره و العربيه و لله الحمد استحملت الصدمه بكفائه و لو اني شاكك انها محتاجه ميزان و ترصيص بعد اللبسه

                    راي العربيه بصراحه و بامانه تعتبر من الاحسن في فئتها و سعرها
                    و العربيه ينقصها الباركنج سينسور فعلا لان ظهرها عالي و مع رفع الستاير الخلفيه الموضوع بيبقي صعب قوي
                    و برضه مفتقد الزنون جدا فيها لاني للاسف اتعودت عليه
                    انا عارف ان الحاجات دي بسيطه و ممكن تتركب بسهوله بس مبحبش العب في العربيه و هي لسه زيرو

                    حرقه الدم بقي
                    تاني يوم العربيه جت فيه شخصيه بنت ستين تييييت خد الجنب اليمين بمسمار
                    و الاسبوع اللي فات واحد تاني حك الرفرف بالاكصدام الشمال و طبعا منظرهم مستفذ لابعد الحدووود

                    بصراحه العربيه فاقت توقعاتي و هتستغربوا لو قلت ان اقرب عربيه سقتها ليها هي الفولفو s60
                    الاتنين ليهم نفس الشخصيه علي الطريق مع فرق القوه و الفخامه لصالح الفولفو طبعا

                    في النهايه اتمني التقرير يعجبكم و انا في اتم الاستعداد للرد علي اي استفسار.
                    الف شكر على مجهودك و تقريرك المميز و تميزه نابع من تجاربك السابقة مع عربيات من الفئات العالية بجانب طريقة كتابتك المرتبة
                    انا ليا كام تعليق بسيط
                    الاول الخاص بزراير الراديو او ال CD player انا شايف ان التحكم فيهم من خلال الريموت اللى خلف الدركسيون ممتاز و مش محتاج انى امد ايدى ناحيته خالص الا لو علشان اغير ال CD او اغير فى ال setting الخاص بيه او بالبلوتوث و ده نادر لانى ظبطه على مزاجى مرة و مش محتاج اروح كل شوية اغير فيه اى حاجة اما التكييف ففى الغالب الزراير الرئيسية اللى باستعملها الاوتو و السوفت و دول اكبر زرارين فى اعلى الكاسيت و الزرار السفلى الخاص بقفل دورة الهواء لجعلها داخلية اما الاضائة فيمكن زيادتها من خلال زرار زيادة الاضائة انوار التابلوة و الشاشة اللى على شمال التابلوة
                    الثانى الخاص بمسند الراس بصراحة انا مبسوط بية قوى لانى لما بقعد على الكرسي فارد ظهرى و منزل دراع فرد الظهر الموجود فى جنب الكرسى من ناحية اليمين و شادد الجزء الامامى من مسند الراس للامام بيريحنى جدا و بيخلينى ساند راسى علية و شايف الطريق كويس من غير ما تكون راسى مايلة لورى
                    اما بخصوص الطلعة هيه فعلا مش ممتازة تقيلة حبتين لكن لو من خلال الحركة يعنى و انت على سرعة 50 او 60 و حبيت تقرص او تجرى حتلاقى حاجة تانية خالص كانة موتور تانى غير اللى بيحرك العربية من الثبات
                    اصوات التزييق و الاحتكاك اللى حضرتك بتقول عليها ما بسمعهاش قوى اللى يمكن لو دخلت فى طريق غير ممهد و على سرعة بسمع اصوات خفيفة اعتفد لو ظبط هواء الكاوتش على 32 امامى و 29 خلفى زى ما مكتوب على قايم العربية و دخلت الطرق المكسرة بسرعة اقل مش حتسمع حاجة خالص
                    الحكات بقى فده يعتبر من السمات الخاصة ببلدنا اللى للأسف سلوك البشر فيها غريب و مش مفهم هيا ليه الناس بتعمل فى بعض كدة دة تقريبا مافيش فى مصر عربية جديدة الا و لازم تلاقيها و اخدة حكة بشكل ما
                    ربنا يهدينا جميعا
                    اشكرك مرة ثانية و اتمنى انك توافينا بتقارير اخرى فى اوقات لاحقة عن اى جديد فى انطباعاتك من خلال قيادة العربية
                    و ياريت الاخوة الاعضاء حائزى الفلوينس يوافونا بتقارير عن انطباعتهم من خلال استعمال العربية فى جميع الظروف
                    بالتوفيق للجميع ان شاء الله و كل عام و انتم بخير و صحة و سعادة
                    [rmade]http://i.imagefra.me/716im2wt.jpg[/rmade]

                    Comment


                    • #11
                      المشاركة الأصلية كتبت بواسطة hakim_30 مشاهدة المشاركة
                      سؤال لاستاز wawoo بمأن معاك ميجان 3 (انا استنتجت بزكائى الخارق lol ) هل موضوع التقل ف الطلعه اللى فى الفلوينس موجود فى الميجان ولا لا انا متهيئلى لانها اخف ف الوزن تقريبا 20 كيلو والطول اقل بكتير اكيد ده هيفرق
                      وبالنسبة للركن هل حاسس ان العربية كبيره بترخم معاك ولا it blends easily اصلى بحب العربيات الصغيره
                      وشكرا على وقتك

                      اهلا استاذ حكيم

                      الميجان 3 فى الطلعة مقدرش اقول انها بطتيئة .. هى مش فوريرة فى الطلعة و لكن فى نفس الوقت مش بطئية ..يعنى انا شايفها طبيعية بالنسبة لعربية فى ثباتها و وزنها

                      بالنسبة لحجم العربية ..المساعد الكهربى فى عجلة القيادة حساسية عالية جدا ..طبعا هو بيتاثر بالسرعة كمان لكن يديك احساس بانها سيارة اصغر فى الحجم من دقتة و حساسية على الطريق ..

                      مافيش اى مشكلة فى الركن بالنسبة للميجان 3 و حتحفظ ابعدها بسرعة ..المريات مش بتجيب اخر السيارة الحقيقى لكن تعمل حسابك فى 40 سنتى زيادة بعد اخر حاجة شيفها فى المراية ..

                      من الامام بتشوف جزء كبير من الكابوت و باقى السيارة من الامام مش بعيد .. ظريفة فى المناورات الضيقة فى الزحمة ..

                      فى حاجة بس تعمل حسابك عليها شوية ..و هو عرض السيارة بالمرايات قريب من 2 متر .. دة ممكن يكون مشكلة فى الشوارع الضيقة و فيها صف تانى و تالت راكن ..و لكن التحكم العالى و دقة عجلة القيادة بتساعد فى الحالة دى لكن يمكن تحتاج مساعدة خارجية لو اتزنقت ..

                      اجمالا حجم السيارة و ابعدها كلها تحت السيطرة و الرؤية جيدة من معظم الجهات الحمد لله فى رايى .



                      Comment


                      • #12
                        يا جماعة انا كان عندي سؤال مهم .. هو ايه استخدامات ال rca ؟ ممكن اوصله بالموبايل زي ال aux كده ولا ايه وظيفته بالظبط؟

                        Comment


                        • #13
                          المشاركة الأصلية كتبت بواسطة mandible مشاهدة المشاركة
                          يا جماعة انا كان عندي سؤال مهم .. هو ايه استخدامات ال rca ؟ ممكن اوصله بالموبايل زي ال aux كده ولا ايه وظيفته بالظبط؟
                          سؤال وجيه بصراحة .. انا نفسى اعرف برضة بيتوصل ازاى ومع ايه؟؟!!

                          وبعدين فيه سؤال تانى .. هل عشان اشغل اوديو .. ممكن اوصل الموبايل عن طريق البلوتوث واشغل اغانى من على الموبايل؟؟!!

                          Comment


                          • #14
                            المشاركة الأصلية كتبت بواسطة Salsaa مشاهدة المشاركة
                            سؤال وجيه بصراحة .. انا نفسى اعرف برضة بيتوصل ازاى ومع ايه؟؟!!

                            وبعدين فيه سؤال تانى .. هل عشان اشغل اوديو .. ممكن اوصل الموبايل عن طريق البلوتوث واشغل اغانى من على الموبايل؟؟!!
                            ممكن توصل ال RCA مع أى MP3 أو أى Audio Player زى الموبايل مثلا بس فى الحالة دى بتتحكم فى الأغانى من ال Player مش من العربية.
                            الحاجة الجامدة بجد هيا تشغيل الموبايل as a Player عن طريق البلوتوث. بمجرد لما تختار الموبايل وتكون عامل له Pairing بيفهم و يشغل الMP3s من على الموبايل من غير ما تلمس الموبايل. وكمان تقدم وترجع عن طريق العربية ولما تطفى أو تنقل على الCD أو الراديو الموبايل يطفى برده. وكل ده وشاشة الوبايل مش بتنور أصلا. يعنى مش بيستهلك من بطارية الموبايل حاجه تقريبا. (علما أن الموبايل بتاعى HTC with Android). علشان لو فى فرق من موبايل وآخر.

                            Comment


                            • #15
                              المشاركة الأصلية كتبت بواسطة bigwarrior مشاهدة المشاركة
                              عندي كام استفسار بخصوص الفلوينس
                              1-الفئه اللي فيها فتحت سقف وسينسور بارك بكام وهل فيها زينون
                              ب 150 الف و مافيهاش زينون
                              و دى فئات الفلوينس
                              1- منوال - 122 ألف
                              - عجلات حديديه مقاس ١٥ بوصة
                              - نظم فرامل ABS مع EBD و BAS "Break Assist System"
                              - وسادة هوائية للسائق و الراكب الأمامي " ٢ فقط"
                              - تكيف هواء يدوي
                              - نظم غلق مركزي
                              - زجاج كهرباء أمامي و خلفي
                              - مفتاح رموت كنترول قابل للطي
                              - مراية جانبية يمكن ضبطها كهربائياً
                              - مثبت + محدد سرعة
                              - كمبيوتر رحلات لبيان متوسط السرعة وإستهلاك الوقود
                              - راديو CD MP3 وإمكانية توصيل RCA مع ٤ سماعات
                              - فوج لايت والكنبة الخلفية يمكن امالتها 1/3 و 2/3

                              2- اتوماتيك - 132 ألف
                              - تزيد عن السابقة فتيس أوتوماتيك - ستيبترونك

                              3- اتوماتيك - 142 ألف
                              تزيد عن السابقة :
                              - جنوط رياضية ١٦ بوصة
                              - مساند رأس يمكن تعديل ارتفاعها وميلها ٤ أوضاع
                              - تكيف هواء أوتوماتيك " Bi-Zone" يمكن ضبط كل جانب عل حده
                              - مخرج خلفي للتكيف
                              - ثلاجة فى التابلوة تعمل مع تشغيل التكييف
                              - مفتاح كارت - ستارت بوتن " رينو كارد "
                              - نظام تشغيل التلقائي للمصابيح -Auto lighting sensor
                              - نظام التعرف على الأمطار وتشغيل المساحة تلقائياً - Rain sensor
                              - نظام تأخير غلق الإضاءة - Follow Me Home
                              - نظام تشغيل الأضواء عن بعد
                              - مصابيح ضباب
                              - مراية جانبية يمكن ضبطها و طيها كهربائياً مع تدفئة ذاتية
                              - راديو CD MP3 مع Bluetooth و عدد ٦ سماعات
                              - مقبس ١٢ فولت بصندوق التخزين بمسند إليد الأمامي
                              - المصابيح الامامية يدوية التوجية


                              4- أوتوماتيك - 150 ألف
                              تزيد عن السابقة

                              فتحة سقف
                              باركنج سنسور

                              5- أوتوماتيك - 167 ألف
                              تزيد عن السابقة
                              - مصابيح زنون تلقائية التوجية
                              - ٦ وسائد هوائيه بدل ٢
                              - انذار حزام الامان للكرسى المجاور للسائق

                              - فرش جلد

                              2-السينسور معاه كاميرا خلفيه ولا صوت بس
                              صوت فقط
                              3-المرايه اللي في النصف تعتيم ولا لا
                              لأ
                              4-اللي انا عرفته ان فيه مشكله في طرمبة البنزين او المؤشر بيدى قراءه غير صحيحه فهل مازلت موجوده
                              اللى بيستعمل بنزين 95 ما بتحصلش عندة و الل بتحصله التوكيل بيعالجها بسهوله
                              5-الفتس نوعه ايه وكام نقله
                              ستيبترونيك اربع نقلات متطور عن فتيس الميجان و موديله DP2 و له سوفتوير فيه ثلاث برامج قياده اقتصادى و عادى و رياضى و بتتغير تلقائى على حسب طريقه قيادتك للعربيه
                              6-فيها وحدة رفع ولو مفيهاش ممكن تركب في التوكيل
                              مافيهاش و مايبركبلهاش لا فى التوكيل و لا براه
                              7-العفشه نفس عفشة الالنترا الجديده 2012 ولا مختلفه
                              فى الغالب زيها و الله اعلم
                              8-فيه ناس بتقول فيه نتشه في الفتيس بين الاول والتاني هل مازالت
                              ممكن تظهر و تختفى على حسب طريقه قيادتك انا شخصيا بقالى مده كبيره قوى ما حسيتش بيها
                              وشكرا
                              الشكر لله
                              [rmade]http://i.imagefra.me/716im2wt.jpg[/rmade]

                              Comment

                              Working...
                              X