injection fult

[socrate]

ميجان 2 العربيه بتطلع مره injction fult ومره check injction ودواسة البنزين مبحسش انه موجود العربيه تزود وتقلل السرعه بمزجها رحت لمكانيكى قال لى طلمبة البنزين ونضفها وغير فلتر وبرده نفس المشكله انا لما اكون ماشى على طريق سريع مبتحصلش خالص اما لمااكون ماشى براحه تظهر
ايه الحل

[Rsarabia]

طرمبة بنزين متعملش الكلام دا
طرمبة بنزين اما العربية مش هتدور اصلا لو ميتة خالص يعنى ال rpm مش هيعلى ولا الموتور هيدور
اما لو بتشاور عقلها هتلاقى فجأة تحت رجلك مفيش بنزين كانك شايل رجلك
اكتر من كدا مش بتدى اى ايرور

حضرتك عندك لخفنة كبيرة و العربية بتلت و د دى مشكلة كويلات و احنا قتلناها بحثا هنا فى القسم
الكويل اللى هو الموبينة بتاع البوجيهات
حضرتك روح لبتاع قطع غيار العربية و وقوله عاوز اغير الكويلات
و لو حضرتك تعرف تغيرهم بنفسك هى مش بسيطة جدا هتدور العربية و تفك الكويل لو حصل لخفنة تركبه تانى لو محصلش حاجة يبقى هو دا البايظ تروح شايله و مركب الجديد و تعمل كدا فى ال 4 كويلات لحد ما العربية تظبط

ملحوظة ممكن تحتاج تغير اكتر من كويل مش شرط كويل واحد :)

لو مش هتعرف تفك و تركب خد معاك كويلين تلاتة للميكانيكى و خليه يجرب زى ما شرحت

[socrate]

طرمبة بنزين متعملش الكلام دا
طرمبة بنزين اما العربية مش هتدور اصلا لو ميتة خالص يعنى ال rpm مش هيعلى ولا الموتور هيدور
اما لو بتشاور عقلها هتلاقى فجأة تحت رجلك مفيش بنزين كانك شايل رجلك
اكتر من كدا مش بتدى اى ايرور

..

هوده الى بيحصل معايا مفيش دواسة بنزين تحت رجلى والعربيه بحث انها مخنوقه

[Rsarabia]

هوده الى بيحصل معايا مفيش دواسة بنزين تحت رجلى والعربيه بحث انها مخنوقه

طيب شيك على الكويلات لان حضرتك بتقول غيرت قلب الطرمبة و لسه المشكلة زى ما هى
صحيح اخبار فيشة طرمبة البنزين ايه ؟؟
كان فى واحد عنده مشكلة شبيهه و طلع العيب ان فيشة الطرمبة بتتهز او بايظة فبتقوم فاصلة الطرمبة و دى بتتغير ب 250 جنيه تقريبا

[Ahmed Selim]

أسلم حل ليك أنك تروح لحد عنده كمبيوتر و تشكف بالكمبيوتر علشان تعرف المشكلة من أيه بالظبط

و بعد كده أبقى غير القطعة اللى طلع فيها المشكلة حسب كشف الكمبيوتر و خلاص.

بدل ما تروح تغير كويلات تطلع حاجة تانية.

[socrate]

طيب شيك على الكويلات لان حضرتك بتقول غيرت قلب الطرمبة و لسه المشكلة زى ما هى
صحيح اخبار فيشة طرمبة البنزين ايه ؟؟
كان فى واحد عنده مشكلة شبيهه و طلع العيب ان فيشة الطرمبة بتتهز او بايظة فبتقوم فاصلة الطرمبة و دى بتتغير ب 250 جنيه تقريبا

على فكره الطريق الى العربيه بتعمل عليه الحركه ده متكسر ممكن يكون هو السبب الفيشه بيظه

[airfox]

انا لسه كان عندي نفس المسكله و كل مره اروح الزفت اللي كان بيصلحها كان يغير حاجه و بعديها ترجع الرساله تاني لاغيت ما روحت لطارق في الهلرم و غيرت الكويلات و برده رجعت تاني و طلع في الخر انها دواسه البنزين و غيرتها ب 550 و الكويلات اللي كنت غيرتها كان فعلا لازم تتغير لان اللي كانوا عندي كانوا بايظين و كان الواحد ب 200 و الاصلي .بالنسبه لموضوع الدواسه ده انا مغيرتهاش علطول الاول هو نظف الفيشه ورش عليها اسبراي و قالي جرب كام يوم بدل ما نغير علي الفاضي و لما رجعت تاني غيرت الدواسه و الحمدالله العربيه داخله في 3 اسابيع و زي الفل و انا ناوي اكتب موضوع عن اللي حصل معايا علشان الناس تاخد بالها من بعض الميكانيكيه اللي ما بيعرفوش ربنا

[Rsarabia]

على فكره الطريق الى العربيه بتعمل عليه الحركه ده متكسر ممكن يكون هو السبب الفيشه بيظه

يعنى حضرتك فعلا عندك مشكلة فى الفيشة ؟؟
لازم حضرتك فورا تغير الفيشة لانها حاجة خطيرة جدا لا قدر الله ممكن يحصل ماس كهربائى بسببها و بعدين جرب و ان شاء الله تظبط و ولو مظبطتش اكيد كويلات ان شاء الله