سؤالين في السريع

[Zoooooooooomy]

يا وحوش الميجان عندي سؤالين في السريع
١- انا عندي صوت الموتور فيه خشونه التوكيل قال سير الكاتينه عايز يتغير عايز اعرف هل الكلام ده صحيح و بكام سير الكاتينه و هل تغيره صعب و لازم يتم جوه التوكيل ولا سهل مع العلم العربيه ٢٠٠٥ ماشيه ١١٠.٠٠٠ الف كم.
٢- الفوانيس عندي لونها اصبح غامق و تحساها متواساخه من جوه ايه الحل ؟؟

و شكراً

[Rsarabia]

يا وحوش الميجان عندي سؤالين في السريع
١- انا عندي صوت الموتور فيه خشونه التوكيل قال سير الكاتينه عايز يتغير عايز اعرف هل الكلام ده صحيح و بكام سير الكاتينه و هل تغيره صعب و لازم يتم جوه التوكيل ولا سهل مع العلم العربيه ٢٠٠٥ ماشيه ١١٠.٠٠٠ الف كم.
٢- الفوانيس عندي لونها اصبح غامق و تحساها متواساخه من جوه ايه الحل ؟؟

و شكراً

اخر مرة حضرتك مغير سيور امتى ؟؟
حل الفوانيس هو التغيير و دا هيخلى وش العربية ينطق

[Kareem Fawzy]

خلى بالك حضرتك
سير الكاتينه لو اتقطع دى كارثة لان الموتور هيترمى
اخر مرة غيرت سير الكاتينه امتى؟؟؟

[socrate]

سير الكاتينه مش غالى وتغيره مش صعب بس متبوش لازم تغيره

[Ahmed Selim]

سير الكاتينة بيتغير كل 60 ألف كيلو أو 3 سنين...........شوف أنت أخر مرة مغيره أمتى.

و الخشونة غالباً مش من السير نفسه من بلية شداد الكاتينة.

حاول تعمله عند حد بيفهم فى رينو

الفوانيس غيرها بجديد أو إستيراد حالته كويسة.

[etrder63]

موضوف الفوانيس انا مرة كنت عند دكتور خالد اللى بيصلح الشروخ اللى فى البرابريز وقال لى ان عنده تلميع الفوانيس الأمامية واعادتها لحالتها والسعر كان فى حدود 60 جند للفانوس

[Zoooooooooomy]

شكراً لسرعة الرد
سير الكاتينه متغير علي ٦٠.٠٠٠ الف كم و في التوكيل قالي استني عند ال ١٢٠.٠٠٠ الف نغيره بس الصوت مدايقني انا هاشراح الصوت بيحصل امتي انا العربيه مانيوال لاما مثلاً اكون علي ال تاني و ماشي علي ٤٠ و اشيل رجلي من علي البنزين و مادوسش دبرياج صوت العربيه بيباي فيه خشونه واضحه و مسموعه ارجو المساعده لو هو فعلاً سير الكاتينه او البليه في حد يقولي اغيرهوم بره التوكيل فين و اعمل صيانة ال ١١٠.٠٠٠ فين عايز العنوان بتاع واحد شاطر و الفرق في السعر لو عملت الصيانه جوه التوكيل و لو عملتاها بره عايز اعرف هنا بكام و هناك بكام

شكراً

[Abo_Lina]

ممكن شداد موتور أو شداد فتيس أحدهما أو كلاهما
ماعتقدش ان سير الكاتينة يعلي الصوت، خصوصا انك مغيره في ميعاده

[Zoooooooooomy]

استاذ احمد ارجوا انج تدلني علي حد بيفهم في العربيه علشان دي هتباي اول مره اعمل حاجه فيها بره التوكيل

[Ahmed Selim]

اعمل صيانة ال ١١٠.٠٠٠ فين عايز العنوان بتاع واحد شاطر و الفرق في السعر لو عملت الصيانه جوه التوكيل و لو عملتاها بره عايز اعرف هنا بكام و هناك بكام

شكراً

تجربة صيانة ١١٠ للميجان خارج التوكيل

جوة التوكيل تتكلف 573 جم تقريباً من غير الضريبة.........مع العلم أن صاحب الموضوع مغير فلتر بنزين و فلتر هواء و بوجيهات و دول مش بيتغيروا فى صيانة ال 110 ألف فى التوكيل.......بيغيروا بس زيت و فلتر.

صيانة ١٢٠٫٠٠٠للميجان خارج التوكيل

هنا مكلفاه 755 جم بس غير سير الكاتينة بس من غير الشداد و البلية.......و بدون تغيير مياه التبريد و زيت الفرامل.........دول بيغيروهم فى التوكيل فى صيانة ال 120 ألف

و الصيانة فى التوكيل بتتكلف 2270 منهم 712 مصنعية........مقابل مصنعية 200 جم برة.

صيانات التوكيل أسعارها هنا

servicve prices

[Ahmed Selim]

استاذ احمد ارجوا انج تدلني علي حد بيفهم في العربيه علشان دي هتباي اول مره اعمل حاجه فيها بره التوكيل

المشاركة اللى فاتت فيها رقم تليفون واحد عمرو صديقنا جربه

أنا عن نفسي كنت بعمل الصيانات الكبيرة فى التوكيل.

[Zoooooooooomy]

شكراً استاذ احمد تنصحني اعمل الصيانه بتاعت ال ١١٠.٠٠٠ عند عادل ولا في التوكيل و انا احتياطي هغير السير اعملهم بره ولا جوه

[Ahmed Selim]

شكراً استاذ احمد تنصحني اعمل الصيانه بتاعت ال ١١٠.٠٠٠ عند عادل ولا في التوكيل و انا احتياطي هغير السير اعملهم بره ولا جوه

مش عارف بصراحة...............أنا عن نفسي بحب أخليني فى الأمان.

بس فرق التكلفة 3 أضعاف...................كتير قوى بصراحة.

كنت هقولك كلم أيمن مومو بس للأسف هو مش فى مصر و مش هيرجع قبل يوم التلات الجاي.

[airfox]

تجربة صيانة ١١٠ للميجان خارج التوكيل

جوة التوكيل تتكلف 573 جم تقريباً من غير الضريبة.........مع العلم أن صاحب الموضوع مغير فلتر بنزين و فلتر هواء و بوجيهات و دول مش بيتغيروا فى صيانة ال 110 ألف فى التوكيل.......بيغيروا بس زيت و فلتر.

صيانة ١٢٠٫٠٠٠للميجان خارج التوكيل

هنا مكلفاه 755 جم بس غير سير الكاتينة بس من غير الشداد و البلية.......و بدون تغيير مياه التبريد و زيت الفرامل.........دول بيغيروهم فى التوكيل فى صيانة ال 120 ألف

و الصيانة فى التوكيل بتتكلف 2270 منهم 712 مصنعية........مقابل مصنعية 200 جم برة.

صيانات التوكيل أسعارها هنا

servicve prices

هو بالنسبه لصيانه ال 120 2270 هي التكلفه بس و لا في فلوس زياده ضريبه مثلا . انا اصلي كنت سئلت عند طارق اللي ايمن بعتني ليه و قالي صيانه ال120 هتتكلف حوالي 1800 جنيه فمش فاهم ايه الفرق بينه و بين اللي عمل الصيانه ب 755 او التوكيل

[MohammedAladel]

لو هتعمل الصيانة برا التوكيل هيبقى الفرق فى المصنعية جامد لصالح برا وقطع الغيار برضه عند ناس معينة بتبقى أرخص

الأسعار اللى على الموقع تضيف عليها الضريبة