استلمت فلوانس 2013 الحمد لله ولكن عندي مجموعة استفسارات

[Ebmorsy]

الحمد لله امبارح استلمت الشقية فلوانس الفئة الثانية والحمد لله هايلة

: لاني استلمتها من معرض مش من الوكيل عندي شوية استفسارات عنها
1) هي العربية مش بينزل معاها شنطة عدة؟
2) تانك البنزين مش بيتقفل خالص، هو ده طبيعي؟
3) الكاوتش اللى نازل فى العربية نوعه جود يير والاستبن بريدجستون رغم ان الصور اللى على موقع وكيل مصر باين فيها ان الكاوتش نوعه ميشلان
نرجو الافادة فى الاستفسارات السابقة من السادة ملاك الفلوانس وخصوصا ملاك 2013

[Ebmorsy]

ايه يا جماعة معقولة مفيش حد من ملاك الفلوانس عنده رد على استفساراتي؟

[socrate]

الحمد لله امبارح استلمت الشقية فلوانس الفئة الثانية والحمد لله هايلة

: لاني استلمتها من معرض مش من الوكيل عندي شوية استفسارات عنها
1) هي العربية مش بينزل معاها شنطة عدة؟
2) تانك البنزين مش بيتقفل خالص، هو ده طبيعي؟
3) الكاوتش اللى نازل فى العربية نوعه جود يير والاستبن بريدجستون رغم ان الصور اللى على موقع وكيل مصر باين فيها ان الكاوتش نوعه ميشلان
نرجو الافادة فى الاستفسارات السابقة من السادة ملاك الفلوانس وخصوصا ملاك 2013

1 لا مفيش شنطة عده
2 بيقفل مع الريموت
3 حور الكوتش عادى كان عندى كده فى الميجان دى حاجات تفه عيش حياتك و100000000000000000مبروك يا معلم0

[Rsarabia]

موضوع تانك البنزين هو بيقفل مع السنتر لما حضرتك تقفل بالريموت و بيفتح مع السنتر
و دا موضوع مريح جدا مش لازم تفتحه من تحت زى كل العربيات

[Ahmed Selim]

ألف مبروك عليك العربية و ربنا يديك خيرها و يكفيك شرها إن شاء الله.

1- العربية معهاش عدة............معاها مفتاح عجل و كوريك بس.
2- تانك البنزين مع السنتر
3- ممكن تكلمهم تسألهم فى التوكيل.......بس أعتقد أنها حاجة عادية و مفيش منها قلق إن شاء الله.........ده فى عربيات تانية بتنزل بكاوتش أستبن رفيع و أخر سرعة تجيبها بيه 80 كم علشان مايخدش مكان فى الشنطة.

أنا عربيتي الميجان 2005 الأستبن بتاعها ملمسش الأرض أصلاً و زمانه خلل :)

[S O P H O S]

الف مبروك يا باشا ..

[Kareem Fawzy]

زى ما الاخوة قالوالحضرتك
ومليون مبرووك عليك العربية
ربنا يحفظهالك ان شاء الله

[haissam24h]

مبرررررررررررررررررررررررروك وربنا يكفيك شر طريقها

[bambino2012]

مبروك يا باشا
إنت إستلمت منين ؟ عشان أنا حاجز من أكتر من شهر و لسه ما ستلمتش حتى الأن !
الكاوتش اللي شوفته في الوكيل كان يريدجستون

[yalahwy2010]

ألف مبرووك يا باشا وربنا يديك خيرها ويكفيك شرها

[Ebmorsy]

مبروك يا باشا
إنت إستلمت منين ؟ عشان أنا حاجز من أكتر من شهر و لسه ما ستلمتش حتى الأن !
الكاوتش اللي شوفته في الوكيل كان يريدجستون

انا اشتريت من معرض في مصر الجديدة
بس على فكرة النهاردة كنت عند أباظة وكان الكاوتش كلة بريدجستون
واضح ان فيه لعب لاني اسمع ان جود يير مش اد كده

[esam123]

الف مبروك وفى انتظار تقرير قوى جدا

[Ahmed A Rahman]

Goodyear كاوتش Premium زي ميشلان او بريدجستون
من الستة الكبار يعني

رينو واضح انها تعاقدت مع Goodyear لاني شايف ريفيوهات للوجان الجديدة عليها الكاوتش جوديير
وعلى موقع جوديير كاتبين ان رينو بتتعامل معاهم في عربياتها ال Stock

[MohammedAladel]

فعلا عن قول معظم الأعضاء وناس أعرفها شخصيا إن الجود يير كاوتش كويس جدا

بالنسبة للعدة اللى بتيجى مع العربية المفروض
الكوريك مفتاح العجل مفتاح جنط لو ليه مفتاح حتة بلاستيك بتمسك وتفك بيها المسمار بعد ما تفكه بالمفتاح عشان متوسخش ايديك

حتة حديدة لجر السيارة فى حالة الأعطال لا قدر الله

المفروض إن يبقى جاى مع الاستبن أربع مسامير مخصوصة للجنط الحديد الاستبن وبتبقى مسامير ألانكيه بس ممكن ما تكنش نازلة مع الاستبن عادى

[ALshahba]

الف مبروك .... وربنا يباركلك فيها
بس ياريت اي اخبار عن الموتور ..... هل هو cvt ولا ايه نوعه ؟؟؟
وانا قلقان قوي من موتورهت\ا لانه 105حصان ومش عارف اخباره ايه مع التكييف او الطلعات الاولي او التسارع
برجاء اي اخبار عن العربيه بس بعمق اكتر
وشاكر ليكم جدا