العربية بتنط !! و مش لاقى زيت جيربوكس لها !!!!!

[a_hmed]

كشفت كمبيوتر على العربية من شهرين و قالى ان زيت الجير بوكس ناقص و لازم يتزود و مشيت حوالى 1700 كيلو من غير ما ازوده

مشكلة العربية:

لما تاخد مشوار و اقف فى اشارة و اجى امشى تانى .. ازود بنزين العربية متمشيش تفضل ثابتة مكانها لكن ال rpm بيعلى و هى لسة ثابتة ! فجأة تنط من مكانها و تكمل مشى عادى !!

(الموضوع ده مش بيحصل مع كل وقفة لكن اليوم الى انزل فيه بالعربية لازم تعمل الحركة ديه معايا مرة على الاقل)
(مشكلة النطة من ساعت ما جيبت العربية من شهرين و من قبل ما امشى 1700 كيلو من غير ما اغير الزيت)


مشكلتى انا بقى :

الميكانيكى قالى هات 4 لتر زيت أبيض و يغيره هو .. سألت لقيت فيه زيت المانى عند بتاع قطع غيار الميجان قالى ب 120 اللتر ............... المهم: سمعت ان زيت الجير بوكس مش بيتغير لكن بيتزود و انا مش لاقى حد بتاع زيوت عنده الزيت علشان يزودهولى


اعمل ايه انا بقى!؟ اسمع كلام الميكانيكى و اغيره على اساس ان فيه مشكلة النطة ... ولا اروح لحد بتاع زيوت يزوده مع العلم انى مش لاقى حد فى اسكندرية !!

و هل فعلا مشكلة النطة ديه من الزيت بس ؟؟؟

و أمشى بالعربية كدة مؤقتا على ما احل الموضوع ولا غلط ؟؟





مع العلم الميكانيكى مش متخصص رينو لكن شوفت عنده عربيات رينو و اوكتافيا و اوبترا و اوبل و جيب و بروتون

[devilavokate]

روح لسامح الهوارى فى شارع 45 رابع او خامس شارع يمين و انت نازل من على البحر

الرجل ده دكتوووووور

[shawkylotfy]

هات زيت جير بوكس اتوماتيك توتال من البنزينة اللتر ب 33 جنية هيا هتاخد 5 لتر
روح لسامح الهوارى وقولهم عايز اغير زيت الفتيس وبعد ماتغيرة جرب وشوف المشكلة انتهت ولا لا ولو لا يبقى ممكن تكون شنابر ديل ودية موجودة فى التوكيل ب 120 جنية تقريبا ومصنعية 400 جنية على العموم هتلاقى مهندس عند سامح الهوارى اسمة احمد موسى هو شاطر قوى فى المواضيع دية ابقى كلمة وهو هيقولك تعمل اية وبعد كدة متبقاش تمشى بالعربية وزيت الفتيس ناقص تانى

[abasse]

لو هتزود العربية هتاخد 3.5 لتر بس توتال at 42 لسه جابوه من التوكيل ممكن تلاقيه عند بنزينة توتال وممكن عن فت أند فيكس الى على البحر بعد سان ستفانو بشوية

[adhamsabry51]

اضف برضه للناس المحترمه دي في ميكانيكي تاني كويس اوي في نحطة الرمل الشارع اللي جنب سينما مترو اسمه سيد اول لما تدخل الشارع و تعدي الوشاحي في شارع جنبه علي اوله قهوه هو شارع ضيق كده بس هو غالي شويه بس شاطر و محترم

[adhamsabry51]

روح لسامح الهوارى فى شارع 45 رابع او خامس شارع يمين و انت نازل من على البحر

الرجل ده دكتوووووور

بعد اذمك يا باشا يعني رابع او خامس شارع و انت داخل من السريع

[a_hmed]

تمام هروح ان شاء الله لسامح الهوارى بس حد يعرف مواعيده من كام لكام

[a_hmed]

?????

[MohammedAladel]

http://www.nilemotors.net/Nile/305847-megane-fluids.html

بالنسبة لزيت الفتيس الأوتوماتيك بيقولوا إنه مش بينزل كله عشان كدا ممكن العربية تاخد 5 لتر مش 6 والله أعلى وأعلم

[a_hmed]

أنىا رحت النهاردة لسامح الهوارى و قالى ان ديه مش مشكلة زيت ديه شنابر ديل

المشكلة بقى انه بيقولى ممكن بع ما اجيبها و اركبها المشكلة متتحلش تفضل زى ما هى !!!!!

السؤال بقى هو مش هيشيل حاجة و يحط مكانها ! ليه ممكن متشتغلش !!

[shawkylotfy]

أنىا رحت النهاردة لسامح الهوارى و قالى ان ديه مش مشكلة زيت ديه شنابر ديل

المشكلة بقى انه بيقولى ممكن بع ما اجيبها و اركبها المشكلة متتحلش تفضل زى ما هى !!!!!

السؤال بقى هو مش هيشيل حاجة و يحط مكانها ! ليه ممكن متشتغلش !!

طيب جرب غير زيت فى التوكيل وان شاء الله تزبط معاك هما بيحطوا توتال At42 لزوجتة Dexron 3 ان شاء الله تزبط هو الزيت كلة هتحتاج 5 لتر اللتر ب 33 ج وابقى اتاكد ان مفيش تسريب فى زيت الفتيس